S315E 發表於 2015-12-2 19:03

八年前今日,香港的轉變

本帖最後由 S315E 於 2015-12-2 19:03 編輯

八年前今日,藍紅銀色車身上逐漸出現紅色圓圈正是九鐵離開的日子,也是港鐵騙局開始的日子。

http://i.imgur.com/Yfcwvcz.jpg

從時間、事實證明,港鐵始終新不如舊
http://i.imgur.com/WWQWyBi.jpg

遠在大西北的輕鐵系統亦貼上新圖案

http://i.imgur.com/jmReMYt.jpg

http://i.imgur.com/7sI5QkB.jpg


http://i.imgur.com/XeIhPXs.jpg

http://i.imgur.com/04r6Ubi.jpg

http://i.imgur.com/tgiGFV6.jpg

近年部份成員換上新衣裳

http://i.imgur.com/Rs3EeQG.jpg



http://i.imgur.com/woxS9Hx.jpg

不知大家有沒有記掛?


http://i.imgur.com/U15vU3P.jpg

mckhgc 發表於 2015-12-4 02:39

坦白說,我真係唔明點解仲有人懷念兩鐵分治既日子。
今日既港鐵即使幾差,狂加價,狂壞車,亦不見得兩鐵分治就唔會發生。


1997年前,地鐵車費年年加,九鐵唔太清楚,不過就算唔係年年都亦相差不遠,好記得八九十年代,「三鐵(地九輕)加價」,係年年都畀人鬧到上天花版但都係要年年照加。直到1997年金融風暴後,經濟太差,由通脹率大減,甚至變成通縮,先一直凍價(其實依當時物價,應該要減價)。當年故障亦唔會少得去邊,只係投訴文化未有咁盛行,令人唔多覺咋。1993年,荃灣線試過離譜到恐怖到上繁時行車途中甩卡,行行下一抽車斷開兩截;一段90年代初既新聞片段可見,九鐵故障期間,職員向乘客宣佈服務受阻時,乘客鼓噪,職員報以「噓係冇用既」、「你o係度鬧我都冇用」;而家港鐵壞極故障極,職員差極冇禮貌極,會唔會咁?90後、00後版友知唔知?


好多人新界居住,市區返工,搭鐵返工放工要經過兩鐵獨立收費系統,造成車費不合理地高;合併後即減,即使港鐵至今已多次加價,但沙田往中環既成人八仔收費,先至$15.1,即係同兩鐵分治最後期一樣,即係話,港鐵加價極,先至同兩鐵合併前打個和,看官肯定如果繼續兩鐵分治,又會8年唔加價?


兩鐵分治28年,有乜野競爭?對乘客對市民有乜好處?完全冇。


最簡單,地鐵欠車站公廁,九鐵有;九鐵欠學生優惠,地鐵有。多年來,冇既一方一直備受批評,咁又點?佢地有冇因為「競爭」,因為對家有,而有絲毫改善?


諷刺既係,「有競爭」時一直話知你,反而到合併後,冇「競爭」了,先至有改善,前地鐵站開始部份有公廁,前九鐵網絡有學生優惠;仲未計港鐵對千瘡百孔既東馬鐵所作既改善,港鐵特惠站帶入前九鐵網絡........


當年分兩鐵,冇將地下鐵路項目交由九廣鐵路局負責,或九廣鐵路英段電氣化時,不將之交給地下鐵路公司成第3條地鐵線,根本係錯到極點,兩鐵合併正正係撥亂反正的德政。


兩鐵合併最大既壞處,可能就係原站出入收$10呢D度縮數出現在前九鐵網絡,旺角新世紀廣場既地鐵特惠站取消吧。




Sienta 發表於 2015-12-4 04:04

真係好難得有人會認為冇兢爭會有進步:lol

同官到無求膽自大有得fight :victory:

Kaix 發表於 2015-12-4 09:23

Sienta 發表於 2015-12-4 04:04
真係好難得有人會認為冇兢爭會有進步

同官到無求膽自大有得fight


地鐵同九鐵之間有乜競爭?

kei_hk 發表於 2015-12-4 11:53

Kaix 發表於 2015-12-4 09:23
地鐵同九鐵之間有乜競爭?

東鐵的旺角 或 西鐵的佐敦(柯士甸)/深水埗(南昌) 來回 尖沙咀:victory:
不過﹐競爭好有限囉﹐同一時間仲有巴士競爭。

註 : 假設西鐵伸延至紅磡至今﹐都係由九鐵營運。




Sienta 發表於 2015-12-4 13:37

Kaix 發表於 2015-12-4 09:23
地鐵同九鐵之間有乜競爭?

唔好局限係現有系統方面諗,

好簡單嘅例子,就係招標興建新綫;P

Ramsey 發表於 2015-12-4 15:13

話冇比較冇進步更貼切

dogdog002 發表於 2015-12-4 20:05

本帖最後由 dogdog002 於 2015-12-4 20:38 編輯

mckhgc 發表於 2015-12-4 02:39
坦白說,我真係唔明點解仲有人懷念兩鐵分治既日子。
今日既港鐵即使幾差,狂加價,狂壞車,亦不見得兩鐵分 ...

你都係想講兩鐵合併,車費平左有車坐咪得囉, 洗乜搞咁多野;P
1. 職員好好人;P 客務中心月台助理外判出去啦,連維修整車都可以外判晒

2. 車費平;P 沙田去中環個價係因為東鐵特別平咋,如果九廣東鐵過到海去埋中環南,分分鐘為食搶客平好多添

3.港鐵特惠站;P 佢可以孤寒到由兩蚊縮到得番一蚊

而家港鐵就係慢慢唔覺眼咁小小地咁樣Hum你地班港豬

真係針唔拮到肉都唔知痛:@
----
睇番13年既帖
http://www.hkitalk.net/HKiTalk2/forum.php?mod=viewthread&tid=786420

好多程兩三年前已經超越左合併前水平,仲未計14 15年加價

仲傻下傻下
















mckhgc 發表於 2015-12-4 20:48

本帖最後由 mckhgc 於 2015-12-4 21:03 編輯

dogdog002 發表於 2015-12-4 20:05
你都係想講兩鐵合併,車費平左有車坐咪得囉, 洗乜搞咁多野
1. 職員好好人 客務中心月台助理外判出去 ...
你完全打橫黎講,呢D野,全部唔見得同合併有關係

唔見得維持兩鐵,就會或唔會年年加價,會或唔會外判客務中心同車廠,會或唔會特惠站平得一蚊....
事實上,早在將線通車,仍然有兩鐵「競爭」既時候,地鐵已將將線車廠同部份客務中心外判

更冇證據顯示維持兩鐵,由九廣東鐵過海去中環南,車費又會點樣;不過已知既係,九廣東鐵通尖東時,一D都冇平,仲刻意將定價定到同地鐵一樣,但人地地鐵收呢個價,係包左幾十個舊站裝幕門,補貼學生優惠,九鐵有冇?呢D又唔見佢學,呢D就係兩鐵「競爭」下既結果。
如果九鐵過海,定價又會點?我唔知,不過從尖東定價,都可略知一二。

不過可以肯定既係,如果冇合併,沙田去中環仍然兩次獨立收費,除非1997年9月至2015年12月從未加價,否則肯定唔止$15.1;
如果冇合併,九鐵唔會有特惠站,一蚊都冇得平,亦唔會有學生優惠。

mckhgc 發表於 2015-12-4 20:54

本帖最後由 mckhgc 於 2015-12-4 21:08 編輯

Sienta 發表於 2015-12-4 13:37
唔好局限係現有系統方面諗,

好簡單嘅例子,就係招標興建新綫
係囉,條沙中線,就係因為有兩鐵,政府審批畀邊間公司又攪N年,終於拍板畀其中一間,另一間唔gur,唔肯傾轉車站接駁配套,又拖N年。對乘客對市民真係夠晒so。

唔係合併左的話,真係唔知又再拖幾多個N年。

如果係一間公司,會攪到咁?唔使睇水晶球,睇下唔使招標,就咁直接畀其中一間公司既九龍南線、西港島線、南港島線東段,同沙中線比下。

競爭?香港有東京咁既鐵路規模先好講開多幾間鐵路公司競爭。
頁: [1] 2 3 4 5
查看完整版本: 八年前今日,香港的轉變