北港島綫 – 既然不能換綫，交匯不如直通
為了紓緩港島綫的擠逼，路政署建議興建北港島綫，預計於2021年動工，2026年落成。目前路政署已決定放棄換綫方案，採用交匯方案，把將軍澳綫及東涌綫廷伸至添馬站作終點交匯。但未知把東涌綫與將軍澳綫二合為一可行嗎？
假如東涌綫與將軍澳綫直通運轉，在荃灣、葵涌、屯元天出發，只需在荔景或南昌轉一次車，便可到達灣仔會展、銅鑼灣北及港島東的北角；由東涌、青衣、奧運更可一程直達港島東；而東九龍的乘客亦可以於油塘站轉一次車，便可到達中環香港站；於將軍澳綫各站的乘客更可一程直達香港站。除了來往港島的乘客之外，直通方案更可為將軍澳來往西九龍新區及東涌的乘客，提供停站較少亦毋須轉車的車程選擇，增加本港鐵路網的整體便利性及吸引力。
然而，或有人擔心此方案的成本會比添馬站終點交匯為高，因港鐵需為將軍澳綫另購高速款式列車。我建議港鐵先將添馬站設計成「三軌雙島式月台」設計(與彩虹站、大埔墟站等雷同)，利用中間路軌作為一般地鐵「寶琳/康城-添馬」短途列車的倒頭路軌，除了可善用普通地鐵列車，亦可避免因東涌綫部分路段出現「樽頸」，而拖低將軍澳綫原有路段的最高班次。
希望本港的鐵路網可以變得更方便，而現有鐵路綫的擁擠亦可得到有效緩解 :)
真係唔明點解要為咗來往港島東西轉少次車而放棄換綫方案，交匯方案根本就做唔到分流港島綫金鐘至銅鑼灣段嘅效果。與其採用交匯方案，不如唔好起北港島綫啦！:L
其實直通方案都唔係唔好，但都要考慮現時東涌綫列車嘅規格係咪配合到現有嘅將軍澳綫車站同路段，不過分流效果始終都唔及換綫方案咁理想。
wkc329 發表於 2015-12-13 00:51
真係唔明點解要為咗來往港島東西轉少次車而放棄換綫方案，交匯方案根本就做唔到分流港島綫金鐘至銅鑼灣段嘅 ...
URL 既隧道好似比較窄
同埋車身好似太高，曾經有人講過話2001 KBD開放日送架A-Train過去個陣系要拆集電弓
本帖最後由 ryandroid 於 2015-12-13 04:25 編輯
wkc329 發表於 2015-12-13 00:51
真係唔明點解要為咗來往港島東西轉少次車而放棄換綫方案，交匯方案根本就做唔到分流港島綫金鐘至銅鑼灣段嘅 ...
港島城堡區的居民好架勢
不需理會新界九龍過百萬人口繼續轉多程車
你本身車程都要成個鐘
多十分幾鐘轉車等車都只係多唔夠三成時間
而家城堡落天后站要花多至少一倍時間轉車
你唔認為對住城堡嘅人好唔公平咖咩？
人哋俾咁貴租、買咁貴樓
就根係要有返地鐵直達港島核心地段咖啦
鬼叫你唔係住港島啊？
唔滿意咪自己揸車囉
咁咪唔使轉車囉
總之城堡樓下一直有港島線搭就要一直有
否則層樓跌價係咪你賠俾佢哋？
人哋話電車慢、巴士又俾人CUT
咪要焗住搭地鐵囉
你仲要搶埋人哋條鐵路
你有冇良知咖？
人哋搭慣地鐵咖啦
換線會搞到佢哋世界末日咖
城堡區居民本身就應該Deserve所有交通工具去佢想去嘅地方
佢哋鍾意搭港島線就要搭港島線
邊理得其他日日轉線嘅非港島人？
班客已經搭慣咗地鐵
你知唔知佢哋冇港島線直去銅鑼灣/灣仔/金鐘係會死咖？
就算新巴/城巴到時會加巴士資源搶返地鐵班客
佢哋都唔會領情
因為佢哋本身就棄巴投鐵搞到巴士公司要CUT資源止蝕
點可能要佢哋咁委屈咁
呢頭日日坐地鐵嚟鬧巴士公司CUT資源
嗰頭就放棄最珍貴嘅地鐵而去重投巴士嘅懷抱？
而且巴士公司CUT資源係巴士公司嘅錯
巴士公司理得有幾多城堡居民會搭巴士？
城堡區居民Deserve所有由柴灣、筲箕灣、太古、鰂魚涌、北角開出嘅巴士都要經城堡樓下
唔淮上東廊直去銅鑼灣
點解城堡區居民要拎港島綫出嚟換返巴士
佢哋一直都有齊哂咁多路線同交通工具
全部都係缺一不可的
你哋一直沒有擁有過嘅人係唔會明白嗰種失去少少嘢都好似切咗忽肉嘅感受
你就做下好心
讓下嗰幾萬個又尊貴又可憐嘅城堡居民
幫幫手叫叫對面海嗰過百萬人
反正平時都轉慣車
就不如繼續轉車啦
上唔到車
就等多幾班啦
港島線只屬於港島人的
港島線只屬於城堡的
唔好搶港島人一直擁有嘅完整資源
想搭地鐵去港島唔轉線
就搬嚟港島住啦
知道冇？
本帖最後由 wkc329 於 2015-12-13 13:13 編輯
ryandroid 發表於 2015-12-13 04:22
港島城堡區的居民好架勢
不需理會新界九龍過百萬人口繼續轉多程車
問題根本唔係在於九龍新界區轉少次車，而係港島綫同金鐘站嘅人流會超出負荷。當初點解要考慮興建北港島綫？就係為咗分流金鐘至銅鑼灣段嘅乘客。換錢方案可以將港島東嘅過海客分流去北港島綫，避免使用港島綫。宜家採用交匯方案，根本就唔會點改變到乘客嘅乘車習慣，現時港島綫乘客繼續沿用港島綫，將來金鐘站仲要應付南北綫同南港島綫嘅人流，真係唔知會變成點。
北港島綫做唔到分流效果，你話起嚟做乜？就係為咗起三個遠離核心地區嘅新站俾人用？如果係咁寧願起屯荃鐵路分流西鐵綫乘客好過啦！
當然我從分流現有港島綫、荃灣綫擠迫，同紓緩金鐘未來四綫轉乘大站壓力嘅角度，會覺得換綫最有效。奈何路政署同港鐵內部都已定調採用交匯方案。唯有探討吓直通方案可唔可行，當係折衷方案。 PJ5022@281A 發表於 2015-12-13 11:04
當然我從分流現有港島綫、荃灣綫擠迫，同紓緩金鐘未來四綫轉乘大站壓力嘅角度，會覺得換綫最有效。奈何路政 ...
港島綫唔肯直通
咁將軍澳綫唔得咩？
起碼都可以直達香港／添馬／會展
好過無呀
不過其實個樽頸位係唔係CAF列車過肥身上所以入唔到市區綫範圍？
東涌線設計容量是66000 人次一小時2分半鐘一班，將軍澳線願意降低班次密度嗎?
MMMMM 發表於 2015-12-13 11:58
東涌線設計容量是66000 人次一小時2分半鐘一班，將軍澳線願意降低班次密度嗎?
...
所以有人建議用長短棍解決
2.5分鐘已經係包含短棍。