MMMMM 發表於 2017-4-10 18:43

香港CROSSRAIL

本帖最後由 MMMMM 於 2017-4-10 18:46 編輯


而家由屯門/東涌至寶琳至少 66/78分鐘， 如有一路線可以減至30分鐘以內由東至西，大家點睇
?

K.C.R2007 發表於 2017-4-10 19:55

東西九龍線/東九龍線的方案，就是目前跟你想法最接近的方案
宜家提出嘅東九龍線方案，就是從寶琳出發，經過觀塘半山區一帶的屋邨（寶達、秀茂坪、順天彩雲一帶）再到達鑽石山站，主力服務寶琳和觀塘半山區屋邨一帶的居民，起到分流將軍澳線和觀塘線的作用
不過我覺得凈係去到鑽石山無乜吸引力，如同西鐵線通車初期市區總站只去到南昌一樣，而且東九龍線的乘客到頭來還是會跟觀塘線的乘客在鑽石山站重新逼埋一齊
所以有人就提出將條線再進一步延伸到九龍城同馬頭圍一帶，再經亞皆老街到達旺角和油麻地一帶，最後到達東涌線的奧運站或九龍站，形成所謂的東西九龍線，一條貫穿九龍中部的橫貫鐵路
不過你話仲要去埋屯門NN年內應該無得玩，
起碼要等到NN年後東大嶼都會落成後，西鐵線至屯門站延伸到屯門南再過海去到另一端北大嶼山的欣澳，東西九龍線就有機會經跨海大橋延伸到東大嶼都會，順帶做埋東大嶼都會的對外聯絡鐵路線，再經另一條去到竹篙灣同欣澳一帶接通西鐵線，形成所謂的西部外走廊，可以上網查下

MMMMM 發表於 2017-4-12 10:09

應該要一可以30分鐘內走完全程的路綫

K.C.R2007 發表於 2017-4-12 12:43

MMMMM 發表於 2017-4-12 10:09
應該要一可以30分鐘內走完全程的路綫

就算無視基建限制，以香港作風，一條只設少量中途站，以快速運輸乘客來往市區和郊區爲目的的區域快線，通常都會連帶做埋邊境口岸快速通道
當年提出的區域快線(Regional Express)方案就係想做尼樣野，當然宜家已經演化成高鐵香港段
機場也是屬於口岸，只不過是航空關口，所以現在的機場快線就是區域快線的一種
就算真係決定起一條橫跨九龍中部的區域快線，佢地十有八九都會連接港珠澳大橋香港口岸，而唔會好似你構想咁連接屯門

HU6455 發表於 2017-4-12 15:41

K.C.R2007 發表於 2017-4-10 19:55
東西九龍線/東九龍線的方案，就是目前跟你想法最接近的方案
宜家提出嘅東九龍線方案，就是從寶琳出發，經過 ...

呢條線, 我估無廿年都起唔好, 地區人士同班議員, 一定就車站出入口呀, 要起幾多錢呀, 拉布再拉布

HU6455 發表於 2017-4-12 15:45

如果要起, 班議員一定問, 要幾錢? 使用率有幾多? 經濟效益又有幾多?

vovlo_mm2598 發表於 2017-4-12 18:23

其實東九龍線可唔可以延長島入科大

ATR50 發表於 2017-4-12 22:20

本帖最後由 ATR50 於 2017-4-12 22:23 編輯

vovlo_mm2598 發表於 2017-4-12 18:23
其實東九龍線可唔可以延長島入科大
不過小弟有個建議，走線抵達寶達後，唔入將軍澳，便改為前往科技大學(科大仍為地下車站)之後沿西貢公路行駛(蠔涌以北路段為架空天橋)經西貢市中心、泥涌、烏溪沙，最後以馬鞍山為總站
同時建議把馬鞍山站改建成重要轉乘站
並把現有的馬鞍山線(未來的沙紅線通車後的東西線)縮短至馬鞍山
長遠伸延：馬鞍山站後橫過沙田海，並以白石角為總站(東鐵線可在該處增設車站，以便轉乘)
(詳細走線可見走線圖)
停靠車站如下：馬鞍山站--鳥溪沙站--泥涌站--西貢站--北港站--白沙灣站--科技大學站--(原有的東九龍線建議走線前往鑽石山)
當中啡字表示建議以架空形式行駛，而藍字表示建議以地下形式行駛

寧願呢條東九龍線響假日協助疏導去西貢郊遊的人潮

K.C.R2007 發表於 2017-4-13 11:12

HU6455 發表於 2017-4-12 15:41
呢條線, 我估無廿年都起唔好, 地區人士同班議員, 一定就車站出入口呀, 要起幾多錢呀, 拉布再拉布
...
香港鐵路係主打作爲新市鎮和新發展區的對外聯絡配套，所以對於一些全新的鐵路線，政府決定幾時起，幾長時間會起好，係要視乎是否有新的新市鎮落成、政府決定發展邊一區
否則他們最盡也只會將現有鐵路線延長
當年九廣鐵路(英段)的全線雙軌化及電氣化工程，係要配合新界東一帶新市鎮(上水、粉嶺、大埔、沙田）的發展及人口增長
同理，起馬鐵for馬鞍山新市鎮居民，起西鐵for屯元天新市鎮居民，起東涌線for東涌居民，起將軍澳線for將軍澳新市鎮居民，如此類推
好似樓主同我個提議，我認爲尼條東西九龍線政府要起都會等埋觀塘重建計劃完成得七七八八同東大嶼都會落成後先會起，順帶做埋東大嶼都會居民的對外聯絡線


JH_LE4612 發表於 2017-4-14 05:30

ATR50 發表於 2017-4-12 22:20
不過小弟有個建議，走線抵達寶達後，唔入將軍澳，便改為前往科技大學(科大仍為地下車站)之後 ...

首先MOS後海旁冇位出，其次要搭鐵嘅都會搭車轉，港鐵冇必要為左殺條87K嚟起條冇新增客源嘅鐵路橋，未計會拖慢東鐵行車時間。

跟住，我唔熟西貢啦，不過香港後花園起高架鐵路橋又會對景觀有幾大影響? 同埋西貢段其實只會喺假日(同埋平日繁時幾班)先多人，又有冇必要起條鐵嚟serve佢呢?講到呢度都可以睇下DRL，人地真係for遊客嘅，佈置下low density又三抽改裝車搞掂; SIL 嘅遊客站唔係純遊客，同埋通勤客喺遊客站後面，以致唔會有一段喺平日特別載空。EKL呢?UST比佢撐到個站，打後客量以巿區中型鐵路系統嚟玩，已經載空，仲要西貢都未完，西貢以北要起高架橋好似更加複雜。

姐係我知西貢多人到要擴闊西貢公路 (其實係怕危險先搞)，又係咁開92加班車 (又唔係好滿)，不過真係有需要一整條貫通南北嘅中型鐵路?不如加強現有接駁，還後花園一個清靜好過 (話我保巴都係咁話)。
頁: [1] 2
查看完整版本: 香港CROSSRAIL