[FF]如果當年舊尖沙咀火車總站無拆會點樣
本帖最後由 K.C.R2007 於 2017-4-24 01:05 編輯背景：是咁的，如果當年鐵路局決定唔搬尖沙咀火車總站，而係選擇將其脫胎換骨改良成現代化車站，連帶電氣化工程一齊進行，今日嘅尖沙咀火車站同尖沙咀周邊一帶地區嘅發展會是什麼模樣?
個人意見認爲，車站方面:
首先要減少土地佔用，貨運站會搬去紅磡，尖沙咀站只做本地客運及直通車
路軌會拉直，以節省土地之餘並允許電氣化火車高速行駛
月台方面，鐵路局會學歐洲或日本的大型車站在月台上方加個大型透光天幕，月台設置天橋及扶手電梯，方便乘客來往不同月台及出入車站
原有的客運月台會整成上水站個款，直接係月台上設置閘機、客務中心、售票機同出入口，對出就係車站廣場、梳士巴利道、彌敦道、九龍公園徑同廣東道，方便乘客進出車站
原有的車站大堂會主要用作直通車售票中心及出入境檢查站
紅磡站一樣會存在，位置同現實一樣，不過就唔會係大型總站，而只會係一個普通站同貨運站
車站周邊方面:
一樣會有星光大道、尖沙咀海濱花園、梳士巴利花園、文化博物館、太空館同藝術館嘅出現，
不過星光大道同尖沙咀海濱花園會比現時更靠出維港海傍，文化博物館、梳士巴利花園、太空館以及藝術館會起係星光大道嘅北面（即係現時香港洲際酒店個位置，當然會更加靠出海傍）
原有尖沙咀到紅磡果段途徑漆咸道南嘅地面路軌廢止，改爲沿梳士巴利道海傍前往紅磡
當局亦有可能善用梳士巴利道海傍的火車路軌上蓋發展，文化博物館、太空館、藝術館、尖沙咀海濱花園同香港洲際酒店甚至有機會起係火車軌上蓋（咁樣仲正，成個維港盡收眼底）http://n2.hk/d/images/smilies/default/lol.gif
未來可能的發展:
地鐵尖沙咀站會比現時更接近梳士巴利道，出入口會同東鐵尖沙咀站的月台連接，亦會有部分出入口設於尖沙咀站對出的車站廣場，方便乘客轉乘地鐵
一樣會有西鐵，西鐵通車初期只去到南昌總站，九鐵會開辦接駁巴士K16來往南昌站及尖沙咀站
一樣會有九龍南線連接西鐵南昌站及東鐵紅磡站，不過唔會連接尖沙咀站，而係係東面另外起個地下化的尖東站，位置和結構跟現實完全一樣，不過會興建行人天橋同東鐵尖沙咀站連接
由於紅磡站並非大型終點站，前方沒有任何障礙，未來東鐵線過海可以直接係紅磡站前方鑽挖過海隧道段，唔需要將成個紅磡站地下化
中環支線（紅磡至金鐘過海段）通車後，東鐵線南行班次會以類似羅湖及落馬洲的分叉形式運作，隔班分別前往尖沙咀或金鐘
總結:
個人認爲舊尖沙咀火車站完全有進一步改良成現代化車站嘅潛力，而且唔搬嘅好處遠大於壞處
東鐵可以直達九龍半島的中心地帶，無論如何遠比僅僅去到紅磡吸引力更大
紅隧同九龍塘站亦都唔駛咁擠迫，直通車乘客前往香港更方便
香港也可以多一個象徵性地標，國際形象加分
亦不存在浪費土地的問題，當局完全可以善用火車路軌上蓋來發展，雖然無可避免會佔用一些土地，但考慮到直達九龍半島中心地帶的便利以及能夠作爲香港的地標完全係值得
世界上大部分城市嘅火車站都會設在市中心，對於當地黎講唔僅僅係爲左方便乘客，亦係果個地方嘅象徵性地標
所以我認爲當年香港盲目迷信地下化，將自己個如此有象徵意義，係正市中心嘅火車站拆左，自我降格搬去人煙稀少又與九龍半島中心地帶不接近的紅磡實在不智http://n2.hk/d/images/smilies/default/cry.gifhttp://n2.hk/d/images/smilies/default/huffy.gif
歡迎討論
舊火車總站近碼頭，方便過海。搬咗火車總站之後唔近碼頭完全唔方便。
053h4 發表於 2017-4-24 10:04
日本路面電車會選擇地下化
不過由於尖沙咀近海, 地下化難度較大, 所以首選自然係會縮去紅磡
就算當局決定將尖沙咀火車站保留都唔會有可能地下化
好多人對地下化有一種迷思同誤解，就係以爲地下化可以節省土地資源/騰出更多土地供城市建設及發展
事實證明尼種想法完全一廂情願，你條鐵路地下化左，上面根本打唔到樁，談何騰出更多土地建設?
全世界幾乎所有的地下化鐵路都只會沿着公路地底興建，儘可能避開地面建築物
鐵路地下化或高架化嘅真正目的，係爲左實現鐵路同行人/車輛完全分隔，避免設置平交道造成同行人/車輛爭路引起交通擠塞
唯一分別係前者適用於地面唔夠位嘅情況下，後者適用於地面夠位嘅情況下
當然都有例外，比如將來紅磡站南北線月台地下化係因爲現有紅磡站地面路軌前方唔夠位起過海隧道段
同所謂“節省土地資源”完全一啲關係都無
只要將尖沙咀火車站條路軌沿梳士巴利道海傍拉直前往紅磡，就唔會存在同現有道路爭路嘅問題（75年紅磡一帶已經填左海）
成個站地下化左有咩用？一樣起唔到文化中心、藝術館同太空館，最多就地面整個大啲嘅車站廣場同車站公園
地下化左同無地下化完全沒有區別，盞曬錢，搞咁多野不如直接整個尖東站省時省力
YY487 發表於 2017-4-24 10:30
冇火車站一樣可以有象徵式地標
如果你個所謂現代化火車站設計到好似文化公廁咁
國際形象一樣扣分
我又唔覺得如果將尖沙咀火車站改造成現代化車站會設計到似個文化公廁囉
我就覺得巴黎北站個種天幕十分適合尖沙咀火車站
改改色調，同原來尖沙咀火車站建築一樣風格，月台加啲懷舊燈飾，睇起來雄偉又唔會格格不入
至於直通車，邊個話總站搬去紅磡之前無直通車？
九廣鐵路1910年通車到49年以前，一直都有來往九龍至廣州的直通車行走
只不過49年大陸赤化後因政治因素中斷，直到79年先恢復，適逢當時總站已經搬左去紅磡
所以點解我話貨場要搬去紅磡，騰出黎嘅貨場路軌可以比直通車用，多餘嘅拆除節省土地，又唔會妨礙本地的電氣化火車服務
我唔反對保育，只係反對追求一成不變和只片面看重歷史價值不重實用性的盲目保育
應該像日本及歐美國家，保育和發展應互相結合兩不誤而非互相排斥才是最理想
miklcct 發表於 2017-4-24 11:57
舊火車總站近碼頭，方便過海。搬咗火車總站之後唔近碼頭完全唔方便。
方唔方便過海唔係衡量佢重要性嘅唯一標準
論過海，紅磡站其實都好方便，隔離就係海底隧道，亦都有紅磡碼頭
舊尖沙咀總站嘅重要性正正在於其坐落九龍半島的核心地帶，其建築亦有成爲香港象徵性地標的潛力
世界上大部分國家的鐵路，定線都係以方便近郊/遠郊一帶住宅區的居民進出市中心繁華地帶爲設計原則
一條可以直達市中心繁華地帶的近郊鐵路線，才有資格成爲真正方便近郊/遠郊住宅區居民對外運輸的大動脈
當然，同時保留舊尖沙咀站同新設紅磡站可以給予東鐵過海乘客更多選擇，既可以去紅磡坐隧巴，也可以去尖沙咀坐天星小輪或轉地鐵
K.C.R2007 發表於 2017-4-24 16:29
就算當局決定將尖沙咀火車站保留都唔會有可能地下化
好多人對地下化有一種迷思同誤解，就係以爲地下化可 ...
休憩用地都係土地運用既其中一種
況且地下車站上面未必唔可以起樓,
你睇下有幾多鐵路上蓋物業...
SSBT 發表於 2017-4-25 01:45
休憩用地都係土地運用既其中一種
況且地下車站上面未必唔可以起樓,
你睇下有幾多鐵路上蓋物業...
直接係尖沙咀站上面起樓會破壞景觀窩
頁:
[1]