[北港島綫系列]探討將軍澳綫/東涌綫局部直通運行的可行性
目前北港島線的“交匯方案”，將軍澳綫與東涌綫定於添馬站匯合。然而這將使東涌綫乘客，要先乘一站將軍澳綫到會展才能換乘南北綫，頗為不便。
以往曾有不少師兄建議，直接合併將軍澳綫和東涌綫，
但是因為兩綫班次差別（東涌綫無法加班）、列車寬度不兼容等問題未能實現。
最近突然想到，假如只在新設車站實行兩綫“直通運轉”，或許存在一定的可能？
（至少這些車站只有會展站在建且未平頂，應該尚有調整空間）
詳情：北港島綫通車後，東涌綫延長至銅鑼灣北站。在銅鑼灣北站東面建立側綫供東涌綫列車調頭。
（假如上述側綫終點接近炮台山站，甚至可將炮台山站擴建，變為東涌綫東端總站，與港島綫換乘）
會展站和銅鑼灣北站月台與將軍澳綫共用，兩綫路軌在會展站和添馬站之間匯合。
添馬站月台路軌配置如下（同層雙月台）：
=== 月台 2 東涌線往銅鑼灣北=====>
島式月台
=== 月台 1 將軍澳線往寶琳/康城 ==>
<== 月台 4 將軍澳線落客月台=====
島式月台
<== 月台 3 東涌線往東涌 =======
建議好處：可直接把東涌綫沿線乘客直接帶到銅鑼灣繁忙區域，而且能直接與南北綫轉乘，以及有機會直連港島綫前往港島東。
建議缺點：需要相當複雜的訊號系統，為此兩綫的列車調度（東涌綫大部分路軌與機鐵共用，且本身繁忙時間有短途區間；將軍澳綫有支線系統）；如在銅鑼灣北站和會展站之間，任意一綫出現故障便會影響另一綫的運作。
歡迎討論~
本帖最後由 HU6455 於 2017-12-1 16:16 編輯
咁樣等於要添馬同炮台山之間起多一倍既隧道+設備, 港鐵要向政府囉錢, 你估班拉布議員會咁易答應你咩
依家下下講成本效益, 有改動又要向地區人仕解釋, 又要佢地同意, 超左支又嘈呢樣嘈果樣, 遲左通車又話要去解話, 如非入要, 都係唔好攪咁多, 求求奇奇拿拿聲起左佢就算, 總之第一日無問題, 之後D少修少補慢慢再攪
HU6455 發表於 2017-12-1 16:13
咁樣等於要添馬同炮台山之間起多一倍既隧道+設備, 港鐵要向政府囉錢, 你估班拉布議員會咁易答應你咩
依家 ...
可能我沒有講清楚：東涌綫和將軍澳綫在添馬與會展之間匯合。會展至銅鑼灣北之間共綫運營（兩綫共用管道和月台）。月台安裝PIDS區分兩綫列車。
離開銅鑼灣北站後，東涌綫前往炮台山，而將軍澳綫則連接北角現有管道。
相較現有規劃，加了3組側綫（東涌綫雙向連接將軍澳綫北港島綫路段，和銅鑼灣北—炮台山側綫）
但幾乎都是跟現有定線平行的，預計額外支出不會增加非常多。
1）信號系統－雖然東涌線去到2026年改新信號系統，但都仲有可能同市區線的有分別
2）東涌線同將軍澳線共線，只要其中一條線有問題就會影響班次。大嶼山線同將軍澳線都有多種營運模式，點樣interleave會係考驗 要教識香港人點搭車都係個難問題, 黃埔康城落馬洲開左咁耐, 都仲有大把人唔識搭 如果北港島線未能使用「換線方案」，就不如反對興建算數，將資源先留作興建北環線同東九龍線，以及2030+的「貫通南北走廊」新界北往來美孚的新線吧！
1) RDS2014中，根本未考慮交椅洲填海計劃、十一號幹線對港島區交通流量的影響
2) 機管局在《香港國際機場2035規劃大綱》，有可能在南面水域興建「第二機場」
3) 過多幾年已經有「灣仔繞道」，叫「柴小」巴士公司加開幾條途經灣仔繞道往來港島東西區的巴士特快線都得啦！何必大興土木起北港島線？ eternalflame 發表於 2017-12-1 18:23
1）信號系統－雖然東涌線去到2026年改新信號系統，但都仲有可能同市區線的有分別
2）東涌線同將軍澳線共線 ...
2009年初討論「東鐵九卡化」之時，由於涉及改訊號系統，加上英製列車屆使用年限，我已經叫MTR換車，結果「成功爭取東鐵換車」，改作韓製九卡列車過海吧！
當機場三跑起好之時，航空客量又會增加，機場快線又會「擴編」吧！
加上機管局可能建「第二機場」的計劃，機場快線也可能要拉過去吧！
即使未夠期換車，但將東涌線灰色列車改作機場快線藍色列車，工程相對較少吧！
而原有的東涌線列車空缺，就買新車吧，但要同時配合「機場鐵路」和港島線的訊號和隧道闊度吧！
eternalflame 發表於 2017-12-1 18:23
1）信號系統－雖然東涌線去到2026年改新信號系統，但都仲有可能同市區線的有分別
2）東涌線同將軍澳線共線 ...
;P你而家北港島線咩都未批
而家係等夠高鐵沙中綫起好晒先至有資源人手起北港島線
拖下拖下2026年都唔知搭到未
你北港島綫重點係疏導港島綫既人流
東涌綫你要人轉多程先去到維園
同樣又係轉一程先去香港站，仲要行先去到中環既中心
如果你能夠部分直達既何樂而不為
同埋而家都2018年，應該要彈性同先進得多至係
TYChow 發表於 2017-12-1 18:53
2009年初討論「東鐵九卡化」之時，由於涉及改訊號系統，加上英製列車屆使用年限，我已經叫MTR換車，結果 ...
機快都未去到規劃最盡嘅班次, 而且可以加卡, 但班次密左亦都會影響到東涌線香港以西個班次密度
唔係話換車就可以解決問題, 就算將來東涌線同將線個套系統都用同一公司, 入面要interlock的子系統都有好多
本帖最後由 ryandroid 於 2017-12-2 01:51 編輯
認同北港島線揀交匯方案就寧願擱置咗先
明明列車闊度、幕門、電力供應、訊號係有得執
東涌多二十萬人口實會加東涌綫班
明明九龍至香港起多條機鐵過海隧道就可以實現青衣至香港站四軌就已經唔使理青馬大橋限制就可以跟港島綫開兩分鐘一班
明明好多係十幾年後的工程過程中可以解決嘅技術問題
就講到全部技術問題無得解決去誤導人
明明中環灣仔繞道落成後
中環至天后就會少咗塞車
運輸署同巴士公司亦可以就北港島換綫工程後進行巴士重組
加強東區往灣仔、中西區的巴士服務
都只會講巴士公司依家對東區服務有幾差
但又唔係爭取巴士公司改善服務
而係死攬港島綫去解決自己區問題就算
明明依家全香港都知三條過海隧道好大車流
點都大過港島區內居民嘅車流
明明港鐵啲過海轉車嘅人流塞滿車廂、月台、大堂
搞到要封梯封閘
仲要迫啲過海乘客接受交匯方案要大量過海乘客繼續迫月台轉綫迫到大堂封梯封閘
交匯方案只會製造更多迫月台轉綫迫到大堂封梯封閘嘅情況
以新界東、新界西、九龍城區嘅人口
金鐘塞爆車真係唔出奇
仲要係南北綫cut 車廂
政府嚟緊又諗住灣仔站起隧道去入境大樓
方便咗灣仔北去灣仔站
去會展站條路反而仲轉折
金鐘塞爆車搞到會展上唔到客仲煩
咁上面新界九龍三批客喺放工時間灣仔站至柴灣時倒不如直接金鐘站轉南北綫仲好
至少有機會上到南北綫車或者荃灣綫車叫兩飛
邊便慳時間就搭邊條
會展站就變做孤島
返港島西嘅人就被迫繼續陪迫月台、大堂
換綫方案可以直接引分流太古至柴灣轉乘南北綫、東西綫、東涌綫嘅客全部搭北港島綫
直接減輕鰂魚涌至中環嘅繁忙情況
唔使搞到遲啲港島綫炮台山、天后都玩飛站、封閘
去確保銅鑼灣至灣仔呢兩個大站上到客唔會塞爆大堂封梯封閘
港鐵想玩真係咩都玩得出
港島人根本除咗得直車去港島東西之外
放工時間想中區、灣仔區返西區或者東區都要喺月台迫
難道港島人同膠官思維一樣
等多幾班車無乜所謂？
或者放工出多陣街遲啲返屋企就無所謂？