LJC94512 發表於 2018-2-8 07:54

港鐵市區綫(+南港島綫)列車綜合討論

小弟呢排得閒,走去研究下市區綫D列車,跟住有極多疑問想同大家討論一下。由於問題眾多,每條問題會有一個代號方便回覆,請用代號顯示你回答邊條問題。多謝!
Part A:M-train

A1:有6個後備車卡。有冇人知道點解呢6個係後備? B/C459、B/C493、D737、D784
A2:點解當年會選擇特定的3代A/C車卡做老鼠車?A/C291(P/Q501)、A/C284(P/Q502)、A/C289(P/Q503)、A/C274(P/Q504)、A/C281(P/Q505)、B/C490(P/Q506)
A3:承接上題,想澄清一樣野。當年總共有22個3代A/C車卡及13個2C代A/C車卡。其中有30個A/C卡重組做15列將軍澳綫車卡。當年並非全部2C代同3代都去曬建軍澳綫,但係迪士尼綫決定興建後,地鐵公司只想用3代車卡轉做老鼠車,所以只有5個A/C代車卡可以騰空出來做新車。不過都係唔夠迪士尼綫3列4卡車用,所以先攞多個B/C車卡去做老鼠車(另外將B卡加裝駕駛室)。呢個想法正唔正確?
A4:我覺得當年地鐵公司買M-train車卡好奇怪。正常每次買A卡都係雙數,咁先齊全。但係每次2A,2B,2C代購買時都係總共單數A卡,跟住B,C,D卡有係冇咩規律。係唔係當時已經決定有D車卡會用黎做後備?或當時已經知道有需要調動列車比將軍澳綫同迪士尼綫?
A5:我唔知係唔係港鐵公司有遠見定其他原因,由1代起B/C卡都係4字頭起,好似知道未來K-train會用3卡編組所以會有3字頭起既B卡。大家知唔知其中原因?另外咁咪即係冇左1字同2字頭起既B卡,個D編號咪好浪費?
A6:點解咁奇怪B/C459會係2B代車卡?B/C436-479都係2A代但係就凸左個出黎做2B?(不過呢個B/C459都變左後備所以已經冇2B代B/C卡了)
A7:得M-train既車卡係不停地調動做積木車。點解有呢個需要呢?以後K,C,Q-train會唔會有積木車呢?
A8:究竟邊一D列車會裝新訊號系統設備,邊D唔會直接退役?我目前只係見到2C/3代車全部由觀塘綫調去荃灣綫裝新訊號系統設備,難道有1,2A,2B直接退?

Part B:K-train/C-train/Q-train

B1:點解B/C編組會由8字頭開始?好似M-train咁咪浪費左5字6字同7字頭?
B2:S-trainA卡由5字頭開始,同樣問題咪浪費左4字頭?(Q-train變相由6字頭開始)

Part C:列車數量

C1:有冇人知道點樣計算每條綫需要幾多列車行走最密班次?以我所知紅綫37架車用34架,藍綫36架車用35架,綠綫42架車用37架(其中3架去紫綫),紫綫13+3架車用曬。究竟呢個係唔係現時最正確既列車數量?
C2:根據現時班次,究竟每條綫係唔係有適當數量既列車行走呢?
C3:將軍澳綫唔需要後備列車?
C4:有冇人知道將軍澳車廠可以容納幾多架車?我成日覺得點解將軍澳車廠唔可以容納16架佢要用既列車,反而要每日同觀塘綫借3架列車呢?

Part D:未來列車分配+其他

D1:Q-train投入服務後,列車點分配落每一條綫呢?我既意見係盡量統一一條綫既列車,方便維修。九龍灣車廠繼續做所有車款既龍頭車廠+大修工程,所以觀塘綫可以容納不同列車。所以我會話藍綫,紅綫,紫綫全部清一色用Q-train,綠綫用K,C-train+額外Q-train。不過將軍澳車廠可能有特別安排專為K-train服務,所以有可能K-train繼續留係紫綫服務。咁就不如安排多幾架Q-train永久係紫綫服務吧?
D2:而家D列車編號七國咁亂。將來M-train全部退役後,港鐵有冇可能將D列車編號大洗牌,等佢哋冇咁亂呢?建基於唔會有積木車,我提議K-train用A/C/B101-126,B/C501-513;C-train用A/C/B131-174,B/C531-552;S-train用A181-200,C581-590;Q-train用A/C/B201-386,B/C601-693
D3:未來4條市區綫班次會否統一同一個繁忙時間最高密度呢?
D4:將來K-train中期翻新(更遠將來C-train需要翻新時)會唔會令車身及內籠同S-train+Q-train一樣?

GU9338 發表於 2018-2-8 12:02

D3
除非將軍澳線變 1+1 同埋取消非繁穿梭車 , 否則寶林單月台同埋穿梭車令到正線非繁最密都只可以 4 分一班 , 咁永遠夾唔到觀塘線班次

kei_hk 發表於 2018-2-8 12:54

A2 : 明知老鼠車會係長期用﹐基於單單買3抽車的成本太高﹐所以便要用舊車改。既然本身都要做番新才做到老鼠車﹐當然係選最新最健康的車啦。

唔通真係想用幾年之後﹐才發現部車有大問題﹐又再去換過另一卡去取代咩。
最少﹐車齡低會比較可靠。


A8 : 據說新車唔會裝現時市區線的訊號系統﹐只會裝新的訊號系統。即係新車投入服務之時﹐就係首條完成更換訊號系統的荃灣線完工之時﹐新車只可在荃灣線運作﹐直至第2條線完成訊號系統更換為止。

按此安排﹐相信現時荃灣線列車會裝新訊號系統(已經有車安裝了)﹐在新車投入服務後﹐會調至其他路線﹐以進行新訊號系統的測試及其後的運作(直到有新車取代)﹐過程不停loop直至市區線訊號系統全面完成。

這樣就會最少M車要裝新訊號系統。
配合埋你留意到的事﹐即係最舊的車係唔會裝新訊號系統﹐有新車投入服務之時﹐就可以即退最舊的車。


D4﹐將來的事﹐點會有人知。而家列車設計使用周期縮短﹐話唔定唔做番新﹐20-25年後直接換新車。
註 : 當番新車及換新車的成本相差不大的情況下﹐換新車可以有新功能/效益(例如省電)﹐衡量完都未必會做番新。

mtrA279-262 發表於 2018-2-8 14:13

A1: B/C459 係因為A/C254壞零件,而廠方早已沒有生產該零件,因此需要從B/C459移植至A/C254,B/C459因此成為零件車。至於其餘4卡都係因為迪士尼線改裝列車進行列車編組重組後剩下的車卡。

C1: 正確紅線36架用34架車,藍線37架用35架車,綠+紫線20+22+13用50架車 (九龍灣廠現時會為3架車進行大修)
因為依家有車要裝訊號箱,所以紅藍各扣一架後備車,導致四線於早上繁忙時間只得一架後備列車。
C2: 係,除非有列車故障。
C3: 正常情況下會有後備列車係將軍澳車廠
C4: 約17架。因為K-Train只得13架。將軍澳線繁忙時間需要用16架車行走,而且有部份列車需要於早上繁忙時間後留廠維修,所以要借部份觀塘線M-Train到將軍澳線行走。

D1: 紫線會繼續用K-train,因為K-train就係為紫線服務而買。如果唔係維修問題,都係一直行紫線。至於Q-Train投入服務時,都係同現時一樣從觀塘線調派。


A285 發表於 2018-2-9 07:28

kei_hk 發表於 2018-2-8 12:54
A2 : 明知老鼠車會係長期用﹐基於單單買3抽車的成本太高﹐所以便要用舊車改。既然本身都要做番新才做到老鼠 ...

點解唔將所有C-train 調去荃灣線令更少嘅M-train 要裝新信號?

kei_hk 發表於 2018-2-9 09:59

本帖最後由 kei_hk 於 2018-2-9 10:07 編輯

A285 發表於 2018-2-9 07:28
點解唔將所有C-train 調去荃灣線令更少嘅M-train 要裝新信號?
可能........


1. M公司在更換訊號系統初期﹐唔想攪/唔夠人才去攪第3款車? (M車及全新車之外的車款)

待紅藍2線全面用新訊號系統後﹐又有新車投入服務﹐應該有足夠的M車有新訊號系統﹐到時便不再需要為M車加裝新訊號﹐工程人員就唔需要照顧M車的加裝﹐就可以專心/有人才去攪另一款車(C車 或 K車)。

C車得22抽﹐點都唔夠紅線用﹐都係要改M車。實在沒有必要加入多一款車﹐令這班人員要照顧/應付多一款車產生的不同問題。


2. C車仲未可以在紅線/藍線暢順運作﹐所以到而家都好少調去支援其他路線?
交接期﹐C車仲要用舊訊號去行車載客的﹐直到條線正式完工轉用新訊號系統為止。

為免有唔係太夾的情況(舊訊號系統運作情況下)﹐所以唔去調C車去其他路線。


3. 荃灣廠唔識整C車?



4. C車可能仲有原廠保修﹐唔想亂改車內設備?

toyl 發表於 2018-2-11 01:03

kei_hk 發表於 2018-2-9 09:59
可能........





4. C車可能仲有原廠保修﹐唔想亂改車內設備?

我傾向相信唔想好似M車咁要額外空間先可以同時裝兩套系統,不如等堆新車行得之後有M車騰出嚟,到時逐抽入廠換行車電腦好過。

A285 發表於 2018-2-11 01:34

好奇一問,唔知出年沙中線通車塊閃燈路線圖會點搞呢? 如果鑽石山-何文田中間仲要加站咁D 路線名好似就冇位擺(?)

kei_hk 發表於 2018-2-11 16:29

toyl 發表於 2018-2-11 01:03
我傾向相信唔想好似M車咁要額外空間先可以同時裝兩套系統,不如等堆新車行得之後有M車騰出嚟,到時逐 ...

這個推斷﹐都係合理的。

連同K車﹐只要去到最尾階段﹐正路就係新車已經有一部份已經服役。
而已經裝了新訊號系統的M車﹐應該可以全面頂替C車及K車﹐等這批車直接轉用新訊號系統(當中可能有一兩抽提早抽走﹐做 "樣板" 進行大測試)。

就正如我前面都提及﹐唔駛同一時間煩多款車進行改裝訊號系統。

ArnoldC 發表於 2018-2-15 01:32

C1:一轉時間(連停站、調頭)(秒) / 時隔(秒) + 後備列車(通常2至3列)
頁: [1] 2 3 4 5
查看完整版本: 港鐵市區綫(+南港島綫)列車綜合討論