新界東北新發展區擬建鐵路 沙頭角支線有望重現？
如果起得成，有可能係重現沙頭角支線？不過應該起地底同無番十年八載都無得搭？
https://hk.news.appledaily.com/l ... e/20180223/20312667
本帖最後由 eternalflame 於 2018-2-24 00:58 編輯
呢條唔係沙頭角支線, 係《香港2030+》規劃入面的新南北鐵路走廊
https://img.eservice-hk.net/upload/2018/02/24/005624_6955d82a13347a67816a8993a141dba7.jpg
不過北環線既然有東延嘅可能, 點解唔將佢取代恐龍坑個段, 令北環線可以連接晒3條通往市區的鐵路?
https://img.eservice-hk.net/upload/2018/02/24/005803_193a5a212d6e0c412218bb53c326234b.png
eternalflame 發表於 2018-2-24 00:53
呢條唔係沙頭角支線, 係《香港2030+》規劃入面的新南北鐵路走廊
請問第二幅圖來源係？
另外，第二南北綫在九龍坑後經過大埔中心會否更好？
Hongkonger 發表於 2018-2-24 11:41
請問第二幅圖來源係？
另外，第二南北綫在九龍坑後經過大埔中心會否更好？
第2幅係自制嘅
但2030+個概念係九龍坑/粉嶺南之後直接出美孚
https://img.eservice-hk.net/upload/2018/02/24/114738_30e98bdb676e76324ced2438a6e2bdec.jpg
Hongkonger 發表於 2018-2-24 11:41
請問第二幅圖來源係？
另外，第二南北綫在九龍坑後經過大埔中心會否更好？
2030+走線應該應該係九龍坑後經木村谷出美孚，如果九龍坑後再去埋大埔中心難的銜接原走線波 eternalflame 發表於 2018-2-24 00:53
呢條唔係沙頭角支線, 係《香港2030+》規劃入面的新南北鐵路走廊
個文件只係話呢個方向要有運輸走廄冇話要邊條線搭邊條線，再講起出嚟係邊條線唔等於就只係行嗰條線，就好似沙中線都變左東西+南北 eternalflame 發表於 2018-2-24 11:49
第2幅係自制嘅
但2030+個概念係九龍坑/粉嶺南之後直接出美孚
其實幅圖應該係好初步嘅示意圖
有幾樣嘢可以諗嘅係
1) 九龍坑站人口甚少、純粹作用做轉綫站，坪輋、打鼓嶺嘅人有幾多人需要直出美孚？會唔會令南北綫更加繁忙擠迫？
2) 是否需要考慮更有效分流東鐵綫嘅乘客？如果要就需要在大埔、沙田設站
3) 九龍西係咪美孚設站最理想？是否可以與東涌綫交匯？政府應該考慮新界東搭東涌綫去北大嶼嘅交通需求
4) 香園圍口岸遠離深圳市中心及商業區，是否需要重鐵直達？
5) 再退一步嚟講，坪輋打鼓嶺三十萬人口，但根據傳媒資料嘅政府最新文件，坪輋中間會保留不少農地及綠化地，住宅主要集中喺恐龍坑，政府劃嘅新南北走廊係咪以一條完整嘅重鐵興建最理想？以南港島綫模式興建坪輋/打鼓嶺鐵路在粉嶺北接駁重鐵會否是另一個值得考慮嘅方案？
6) 坪輋打鼓嶺新市鎮及上水粉嶺/粉嶺北新市鎮之間嘅連繫將來亦只有沙頭角公路及文錦渡路/馬會道路，政府要發展坪輋/打鼓嶺嘅就業機會，就要先依靠上水粉嶺/粉嶺北新市鎮嘅工作人口支持，新南北走廊及北環綫是否應該要考慮如何滿足北區區內跨市鎮嘅交通需求？
7) 政府落實古洞北、粉嶺北新市鎮講過考慮伸延北環綫至粉嶺北，亦有不少住宅區遠離東鐵綫兩個北區車站，新南北走廊、東鐵綫、北環綫嘅規劃是否應該一併考慮北區嘅地理、人口分佈及交通需求？
我自己認為將來嘅新南北走廊會同政府依家個概念圖會有幾大嘅出入，中間會有唔少嘅討論空間 ryandroid 發表於 2018-2-27 07:53
其實幅圖應該係好初步嘅示意圖
有幾樣嘢可以諗嘅係
1) 九龍坑站人口甚少、純粹作用做轉綫站，坪輋、打鼓 ...
1-3) 根據RDS-2000區域快線方案，區域快線東面走線同南北線係粉嶺南交匯，呢個粉嶺南即係九龍坑。第二條南北運輸走廊嘅北面定線其實同RDS-2000的區域快線無大分別，設置九龍坑站原因亦係做快車慢車互轉。南北線係北區真係隨時上滿，有個九龍坑轉快線就可以令大埔以北客流分左去快線度，令大埔沙田居民更易上到車。再者並唔係只睇佢去到美孚，而係美孚個通達性同轉車設施比較理想，例如轉荃灣線出彌敦道沿線。美孚亦有港口鐵路線預留位置可以使用，避免係市區其他地方興建車站的收地問題。沙田、大埔要再發展的區域唔多，人口增長有限。只要將北區加上新發展區交通係離開北區時分離，南北線就可以有剩餘運力
3) 點解一定要同東涌線交匯呢？規劃上面呢條運輸走廊最終會拉過去交椅洲，到時點解唔係交椅洲轉車去東涌呢？
4) 深圳地鐵已經將2號線延伸去蓮塘了
5) 粉嶺北點樣接重鐵？現時所有鐵路走線都不合乎粉嶺北設重鐵站的構想。觀乎政府呢一批新市鎮，都係會將傳統村落同大量綠化地包括在內（參考洪水橋新市鎮），但唔好唔道得坪輋打鼓嶺仲需要支持政府希望做嘅高新產業同物流方面的就業需求，所以只因為市鎮中心有村落而引申到客流量不足係不切實際
6) 唔太認同有呢個前設，根據以往新市鎮規劃都做唔到原區甚至係就近市鎮就業。政府做新界北個規劃係未考慮本地道路方面接駁問題，前設係佢地覺得交通會善用蓮塘香園圍連接路同粉嶺繞道
7) 呢樣野你應該拎住份初步規劃向有關當局反映喎，我係同意連帶成個粉嶺上水同現有東北兩鎮做好交通研究，避免出現新界西北現時的困境
8) 2030+都只係一個指導規劃文件，最終個規劃一定會再調整
eternalflame 發表於 2018-2-27 09:46
1-3) 根據RDS-2000區域快線方案，區域快線東面走線同南北線係粉嶺南交匯，呢個粉嶺南即係九龍坑。第二條 ...
以RDS-2000嘅區域快綫九龍坑方案應該配合唔到政府依家嘅規劃意向
政府嘅初步可行性研究報告已經寫咗新界北大致嘅鐵路規劃方向
「交通及運輸影響評估
交通及運輸影響評估採納了 2041 年為設計年。在制定支持新界北發展的運輸策略和基礎設施需求時，主要的考慮如下：
平衝新界北的就業職位／人口發展組合以提高自給自足程度，並減少繁忙時間性方向的交通;
增加新界北與都會區之間運輸網絡的容量;
通過更嚴格的管控交通／需求管理措施以減低交通需求;和
以全面的綜合交通系統應對區內及區外的交通需求。此外，規劃在車站附近作高密度混合用途發展，以及提倡綠色交通運輸模式，包括步行、單車和公共交通。
由於情境II對運輸網絡運作水平的影響和基礎設施的需求較大，因此交通及運輸影響評估以此情境來進行。
鐵路網絡評估
新界北的發展理念將以公共運輸導向為本，而公共運輸服務將以鐵路做作為骨幹。本研究所探討可能的新鐵路發展方案，並非政府已承諾興建的鐵路計劃，亦不是《鐵路發展策略2014》擬議的鐵路方案。其設計原則是期望把握已承諾興建／規劃中的鐵路網絡所帶來的機遇，特別是《鐵路發展策略2014》擬議的北環線和正在興建中的沙田至中環線，同時審視現有東鐵線（未來南北走廊）及西鐵線（未來東西走廊）的容量限制。本評估將採用以下所述的鐵路網絡初步概念作為研究假設。
在新界北西部，為了充分利用擬議的北環線帶來的機遇，可考慮沿著擬議的北環線（視乎進一步研究和土地用途規劃）設立中途站，服務落馬洲具發展潛力地區。
在新界北東部，為提高服務具發展潛力地區鐵路網絡的連接性和容量，建議一條可能的南北方向鐵路，連接東部具發展潛力地區的皇后山、坪輋、香園圍和恐龍坑至（i）附近的新市鎮，及（ii）進一步伸延至其他新市鎮和／或市區。此鐵路方案可以分段實施以配合新界北的分期發展。研究建議主線路段會於第二期先由香園圍連接至附近的新市鎮，而第三期將再進一步向南伸延至其他新市鎮和／或市區，但需視乎進一步鐵路規劃研究。」
從報告文件反映出坪輋打鼓嶺鐵路係優先由香園圍連接「附近的新市鎮」，亦即係上水/粉嶺/粉嶺北/古洞北新市鎮
然後「再進一步向南伸延至其他新市鎮和／或市區」
圖則睇到車廠範圍大約只有5公頃左右，似乎並非規劃成長途重型鐵路車廠
政府係希望新界北能夠自給自足
要發展經濟係需要融合上水/粉嶺/粉嶺北/古洞北新市鎮
政府仲以二千年嘅區域快綫嘅思維規劃四十年後嘅新界北鐵路嘅話
咁只會變成翻版科學園、數碼港
頁:
[1]