Kaix 發表於 2018-4-20 23:55
我係商住工分離的支持者
啟德及東九工商貿區轉住宅區，九龍可以住多30萬人，多30萬人住九龍市區，唔係正 ...
係啟德放30萬人住，都係解決唔到新界住超過四百萬人既事實，新界人點都要長途拓涉返工，2件事無關係嫁
tonyng 發表於 2018-4-18 12:59
同意，因此我都對於網上不少意見或討論都是不斷把東鐵由12卡改9卡的問題無限放大，反而忽略了沿線人口增長 ...
點解中環南站開左可以增加班次?
A285 發表於 2018-4-23 10:08
點解中環南站開左可以增加班次?
中環南站採用站前交叉波口方式作掉頭，而金鐘站則採用掉車側線方式折返。
本帖最後由 Ricky403 於 2018-4-23 15:07 編輯
tonyng 發表於 2018-4-23 13:24
中環南站採用站前交叉波口方式作掉頭，而金鐘站則採用掉車側線方式折返。
...
反而想知金鐘掉頭29tph限制係因為清客需要時間？紅線30tph綠線29.5tph紫線28tph限制係咪都同掉頭側線有關
當年港英政府規劃新界嘅新市鎮，都預留咗大片工業區用地，以方便區內人就業。奈何特區政府不懂轉型改劃工業區作商貿區，將屯門工業區，元朗/東頭工業區，大埔工業邨，粉嶺安樂村等等打造新嘅商貿區。假如能夠為那些舊工業區轉型升級，相信可以改善長途通勤問題。
Handsome 發表於 2018-4-24 02:35
當年港英政府規劃新界嘅新市鎮，都預留咗大片工業區用地，以方便區內人就業。奈何特區政府不懂轉型改劃工業 ...
唔係話轉型就轉型的
發展工商業要講地利
財團嘅商業發展會近政府總部方便與政府機關來往
其他商業公司都會盡量選址靠近大財團或政府機構去傾生意或處理公司行政
所以商業發展先會集中哂喺中區及灣仔區
負擔唔起中區及灣仔區先會退而求其次去鰂魚涌區
到依家就再退而求其次去觀塘區
觀塘區本身人口密集帶來嘅大量勞動人口而吸引廠家設廠
到依家北港島CBD唔夠地就先推動到觀塘區轉型
無論北港島定東九龍
交通配套都比新市鎮為佳
港島及九龍合共三百幾萬人可以花較短嘅時間就可以去到北港島或東九龍CBD
作為資本家考慮人力市場、公司營運配套及成本、商業機會等
都會首選揀北港島、其次東九龍
新市鎮人力市場分散、遠離政府機關、遠離大多數已有或潛在生意夥伴
營運效率遠不及CBD
不是政府想將新市鎮工業村轉型就可以話咁易轉型
現時所有新界跨區鐵路都係連接市區為主
就業自然是以市區為主
如能夠發展貫通多個新市鎮嘅鐵路配套
讓非常分散的新市鎮能夠以鐵路融合
縮短新市鎮之間的車程
新市鎮居民能夠搭鐵用半小時左右去到大部分新市鎮
如北區、屯門、沙田三個新市鎮嘅居民都可以用半小時去到其他區新市鎮嘅商貿區
增加新市鎮商貿區嘅人力資源市場
九龍、港島嘅商界人力資源都樂意去新市鎮返工
咁先至有條件去講將工業村變成商貿區
否則講咩都係空話
而新界西北及新界北一係維持依家工業村嘅中小企定位
一係以靠近深圳嘅地利去發展與大陸相關嘅物流業、創新科技業、醫學衞生、產品認證行業等
要新市鎮做商貿區
不是政府說了算
而係說服到商家佬點解要集中住喺九龍、港島嘅員工及佢自己要去新市鎮辦工
喺九龍港島開office 都有四五成人就腳
開公司喺荃灣、沙田又唔係有四五成人覺得就腳
大部分老闆自己都唔係住新市鎮嘅話
又點會無端端將office由配套整全又集中嘅北港島、東九龍搬去交通不便、配套不足、營商麻煩嘅新市鎮？
053h4 發表於 2018-4-25 10:21
其實今時今日住港島的老版都退晒休，中小企老細其實都係新界人多
當然啦，香港人都當中小企無到，覺得中小 ...
唔係大企業就中小企㗎啦
問題係CBD 嘅中小企係咩類別先？
主要係專業服務界別同商貿界
呢啲都係同大企業、大財團有來往
自然會盡量爭取喺港島北營運
會展亦都係港島北
做商貿嘅中小企揀灣仔亦係好合理
除非大企業搬去新CBD 先會真正推動到其他企業主動搬離港島九龍
否則只不過係畀唔起租先消極地搬去其他地方
做得專業服務界老闆同高層
住沙田半山、大埔半山、青公沿途海景豪宅又點？
佢哋有車
油費成本全部claim 公司
Office 何需近自己地方？
將office 設喺北港島都係為咗話俾人聽佢公司賺得起個租金
Show off 自己唔係中資獨有
港企老闆有得揀都揀北港島
呢個係老闆嘅身分地位象徵
除非社會冇咗港島係高人一嘅文化符號
ryandroid 發表於 2018-4-25 00:15
唔係話轉型就轉型的
發展工商業要講地利
財團嘅商業發展會近政府總部方便與政府機關來往
咁可以首先政府部門可以搬入天水圍, 將軍澳等地區先
再給引公司進駐
咁就可以解決繁忙時間一邊逼到沙甸魚, 一邊空空如也既問題