輕鐵票務問題
問題一搭輕鐵，中途唔拍卡離開車站，之後再繼續搭車，直至到達終點站(120分鐘內)先拍卡出閘，係咪合法？
例如市區放工後搭西鐵喺元朗落車，轉輕鐵(入站)去大棠路落車買餸(不出入站)，之後再上車去塘坊村翻屋企(出站)，噉樣合唔合法？
雖然分開兩截坐，但冇重複車站，同屬一個方向。有聽講過話單一車程唔可以中途離開輕鐵範圍，但我搵唔到係邊條附例/守則，若然有呢條例嘅可否喺下面列出？
問題二
西鐵/輕鐵/鐵巴轉乘優惠，係咪必須喺指定轉乘站先有？例如我喺西鐵朗屏站出閘，30分鐘內行去輕鐵豐年路/康樂路入站，噉又有冇優惠？ 本帖最後由 dcyw 於 2020-9-22 09:30 編輯
1. 應該不合法，因為乘客需知有提及「再乘車時」需要重新確認八達通或購買單程票
Quote from 乘客需知：
2. 已確認之八達通或單程車票祇適用於從確認入站或購票車站起，作單一方向乘車前往另一車站，期間不可重複車站。乘客在回程或再乘車時(包括所有循環路綫)，必須重新確認八達通或另外購買合適車票。
2. 應該沒有，但實際上要試過才知曉，因為近數年較少前往屯門、元朗、天水圍，而之前都只在指定車站轉線。
問題2: 沒有，西鐵同輕鐵轉乘站只限屯門站(屯門、河田)，兆康站、天水圍(天水圍，天耀站)、元朗站
但輕巴同輕鐵/西鐵轉乘沒有指定，沿綫或附近站都可以 #3有朋友試過輕鐵安定轉506要比4.9 但我經常在洪水橋坐614到安定轉506，506無扣到錢
#你朋友是否超出轉乘時限，輕鐵出站1小時內和由第一程入站起計2小時內要完成車程 搭車中間做非候車需要的活動如買餸要出閘，冇出唔合法。有些情況可以行去對面月台搭車冇犯規，例如蔡意橋去建安是可以屯門站不出閘到對面轉車去建安，因為沒有直線轉右，當然都可以507行大圈轉505 本帖最後由 groom1002 於 2020-9-23 12:56 編輯
Q1:法理上唔得,但因開放式月台和查票時只睇上車站/入站時間,好難查到中途有冇離開車站,除非假設月台查票職員逗留30分鐘,而乘客唔拍卡出站不足30分鐘回來乘車,巧合職員認得該乘客就另計,甚至玩大D,查車站CCTV
Q2: 豐年路站/朗屏站沒有西鐵/輕鐵轉車優惠
butterfly 發表於 2020-9-23 10:19
但我經常在洪水橋坐614到安定轉506，506無扣到錢
#你朋友是否超出轉乘時限，輕鐵出站1小時內和由第一程入站 ...
仲有如果佢鐵巴》輕鐵》鐵巴
全部要係120分鐘內搞掂
呢樣好易出事
又或者可能佢朋友 西鐵 輕鐵 鐵巴
鐵巴當然無優惠啦
groom1002 發表於 2020-9-23 12:41
Q1:法理上唔得,但因開放式月台和查票時只睇上車站/入站時間,好難查到中途有冇離開車站,除非假設月台查票職 ...
咁如果轉車途中，為咗去另一個車站轉車而離開車站算唔算合法？例如新圍搭507，銀圍落車，喺澤豐轉751去屯門醫院。
本帖最後由 kei_hk 於 2020-9-24 15:33 編輯
miklcct 發表於 2020-9-24 15:13
咁如果轉車途中，為咗去另一個車站轉車而離開車站算唔算合法？例如新圍搭507，銀圍落車，喺澤豐轉751去屯 ...
以我理解係唔得的﹐中間已經斷開2程車程。
轉車係需要同一車站的。
以你的情況﹐507田景方向﹐應該在安定/市中心/屯門/河田/蔡意橋轉751線。
507屯門碼頭方向﹐應該要在大興(北/南) 或 銀圍站轉610線。
而你坐507去到蔡意橋﹐再去對面月台轉乘751線﹐就有少少灰色位﹐我理解就因為無重覆車站﹐所以係可以的。
*此方法如有疑問﹐請自行向MTR了解查詢。
總之﹐唔係坐慣坐熟﹐最好入站之時﹐睇清楚路線圖﹐確定所需的路線方向是否正確﹐以及轉車(如需要)的車站﹐唔好有重覆車站﹐先至好做拍卡入站的動作。
成個輕鐵網絡﹐有些車程有多種坐車方法﹐有快有慢﹐睇完無重覆車站就唔會 "犯規"﹐最多只係車程長左。