港鐵技術上可否做到直通運行?
直通運行，於日本等地之鐵路十分常見，意思大約為一路線之列車，到達某一車站後，駛入另一路線之軌道，從而提供兩個(或以上)位於不同路線車站之間的直達服務，令乘客可減少轉車次數。以下路線之間可否作直通運行？
- 觀塘線 / 將軍澳線 (康城 / 寶林段)
- 觀塘線 / 將軍澳線 (過海段)
- 港島線 / 荃灣線
- 觀塘線 / 荃灣線
- 東涌線 / 荃灣線 (同方向)
- 東鐵線 (南北走廊) / 屯馬線
歡迎討論~ 本帖最後由 JR5204@26M 於 2021-2-21 13:39 編輯
港鐵攪直通運行，係咪想D人上錯車
東鐵線同屯馬線信號、列車門位都唔同，點會攪到直通運行
東涌線LAR Train闊度問題，正常情況下入唔到市區線
觀塘線去東隧過海，會出現上下行調轉問題
觀塘線 / 將軍澳線 (康城 / 寶林段)呢個問題我都問過。上繁唔會有空間做㗎喇，非繁方面，有板友話康城人要過海車多過想要觀塘車
觀塘線 / 將軍澳線 (過海段)
上下行問題，樓上答咗
港島線 / 荃灣線
冇意義。荃灣綫大多乘客係轉柴灣方向。反向嘅直通運行好難搞，要經2次金鐘站。喺金鐘側綫入面停低等調頭，班客寧願喺金鐘跨月台轉車。至於堅城方向，搞嚟做乜⋯而且上繁港島綫班次推到最密，塞唔落額外嘅車。
觀塘線 / 荃灣線
觀塘綫黃埔方向過落荃灣綫中環方向，要先經過觀塘綫旺角站，再入荃灣綫油麻地站。如果係日常車務運作，會好大混亂。班客究竟企喺旺角站邊條綫嘅月台等車？荃灣綫荃灣方向轉入觀塘綫調景嶺方向，就要過咗荃灣綫旺角月台，先入到觀塘綫太子月台。問題如上。至於另一方向，亦有以上問題，同埋需求唔大，冇必要做。
東涌線 / 荃灣線 (同方向)
樓上答咗，車闊唔同。
東鐵線 (南北走廊) / 屯馬線
樓上答咗，訊號系統唔同
JR5204@26M 發表於 2021-2-21 13:38
港鐵攪直通運行，係咪想D人上錯車
東鐵線同屯馬線信號、列車門位都唔同，點會攪到直通運行
香港人連康城/寶林都搞唔掂，仲整到咁複雜，實在太睇得起香港人嘅認路能力
AVBWU291 發表於 2021-2-21 13:59
觀塘線 / 將軍澳線 (康城 / 寶林段)呢個問題我都問過。上繁唔會有空間做㗎喇，非繁方面，有板友話康城人要 ...
東涌同荃灣綫只得荔景站下層有連通，軌道唔支持。
高密度行車之下，直通唔系幫忙而系添亂。 樓主提及既組合都係軌道/訊號/行車方向上唔支持 JR5204@26M 發表於 2021-2-21 13:38
港鐵攪直通運行，係咪想D人上錯車
東鐵線同屯馬線信號、列車門位都唔同，點會攪到直通運行
避免上錯車好簡單，好似外國咁車門旁有目的號顯示屏已經得 AVBWU291 發表於 2021-2-21 13:59
觀塘線 / 將軍澳線 (康城 / 寶林段)呢個問題我都問過。上繁唔會有空間做㗎喇，非繁方面，有板友話康城人要 ...
如果將軍澳人口可以support到全日觀塘線班次，康城可以support到全日將軍澳過海班次，咁可以好做好多，全日開呢兩款車:
- 康城 - 北角
- 寶琳 - 黃埔
(最好就梗係寶琳、黃埔擴建返做兩個月台，唔係既話就開吓調景嶺 - 何文田短棍)
闊度問題可唔可以就咁跟窄d果個?
遲下東涌線同荃灣線齊齊用Q- train，訂一批闊度跟較窄者、車速跟東涌線嘅車
東涌線本身停站時間略長過市區線，空隙闊D大家上落小心D都得?
月台唔同問題唔算好大，各月台、大堂、電梯口加屏幕，話比人聽下班車喺邊度開
歐洲、日本好多大站都有同一路線列車喺唔同月台到發
至於側線調頭，我諗成事機會好微
但我會assume只係停一次月台，另一次直接通過 Waiyin12 發表於 2021-2-21 16:59
避免上錯車好簡單，好似外國咁車門旁有目的號顯示屏已經得
幻想總是美好的，我三年前都開Po問過同一個問題，結論係：FF吓好啦，以香港人嘅智商，不了
香港人慣咗唔睇指示，唔聽指示，唔跟指示，同一個月台出現兩個目的地嘅車，無論你開幾多次咪，幾大個指示牌，一樣會有大把人睇唔到聽唔到，結果就係上錯車大混亂
千其唔好太高估香港人嘅智商，需知道唔少香港人連九城新三間巴士公司都分唔清楚，係龍運站長室問城巴野嘅人日日都有，對呢班低智生物係唔可以比太複雜嘅野，如果唔係佢地會應付唔黎架;P
附上三年前劣作：https://www.hkitalk.net/HKiTalk2/forum.php?mod=viewthread&tid=1049067&extra=&page=1&mobile=2