<急問> 上環 往 九龍城浸信會
近文娛中心出發，城浸係近九龍城警署的，
我6點正收工，
但希望盡量6點半至6點9去到，
價錢唔緊要，
仲緊要係夠快！(的士除外)
先謝大家！:D 試試上環坐地鐵到佐敦，再轉11或14。
由於上環同九龍城都要行，要45分鐘內到有少少難度。 本來諗住suggest 你搭地鐵轉5/5a/28,
但好似11/14 佐敦已經差唔多"尾站", 埋完就上公路,
5/28 就仲要上一大輪客/停一大輪燈先上公路, 好似仲慢d tim.
(5a 就睇你彩數, 唔好彩可以慢過5. 不過就唔駛行咁遠.)
如果去旺角轉9/24 或者914+11, 又好似仲衰.........
[ 本帖最後由 av220 於 2006-7-31 12:00 編輯 ] 原帖由 kmb~mcw1 於 2006-7-31 11:38 發表
若不是的話
坐104到旺角
再轉乘203E/27
我敢寫包單保證
呢個鐘數搭104
絕對冇可能半個鐘至九個字內去到旺角
因為唔好話你上到車都唔得
搭104去旺角
你好彩唔係咁塞車
(千祈咪奢望紅隊果邊完全唔塞車)
半個鐘都好有難度
(印象記得搭咁多次
都未試過搭佢半個鐘落到旺角
更試過搭左九個字都仲響灣仔！:@)
都唔好話目的地係九龍城
何況仲係繁忙時間？
況且最近都唔知點解
呢個鐘數既104彷如失哂縱咁
冇三個幾字都唔會見到有車:@
(但101就大把！:@)
其實又係果句
如果你要由呢個位去旺角轉車
地鐵可能係最可靠既方法
或者你不如去搭905
去到奧運站果邊轉16好過
(但我都唔敢保證
呢兩個方法可唔可準時去到)
仲有一個較冒險既方法
就係去修打蘭搭紅頂落去
但我之前都講過
果度個站頭家陣七國咁亂
你上到車既就真係好快去到
但如果上唔到車既話...:L
[ 本帖最後由 Ketsu 於 2006-7-31 12:10 編輯 ] 原帖由 Ketsu 於 2006-7-31 12:06 發表
況且最近都唔知點解
呢個鐘數既104彷如失哂縱咁
冇三個幾字都唔會見到有車
(但101就大把！)
不如搭101到亞皆老街球場再行過去，不過要半個鐘至九個字去到就有D難度。 強烈建議樓主搭地鐵去旺角再轉車，
首先搭地鐵連上上落落，15-20分左右己經到旺角。
在旺角搭巴士去九龍城既車密，
中途唔多客上落（除佐係旺角較多人上車之外...），
矩離亦係最短，幾乎避哂塞車黑點。
即使0係緊急關頭，時間太MUN，去到旺角後，去旺角中心搭的士去。車資廿元有找。
雖然樓主講明唔搭的士，不過呢程的士唔算太貴，在緊急關頭都不失為一個好方法。
搭巴士的話，可乘2A, 9, 13D, 16等路線，在九龍城裁判法院落車。
車站對面就係。
[ 本帖最後由 s3n370 於 2006-8-1 23:12 編輯 ] 原帖由 cong 於 2006-7-31 13:09 發表
搭地鐵去銅鑼灣轉往慈雲山紅小,九龍城警署對面落車
[順便一問]
請問呢條紅小線係咪行紅隧架？
同埋以小弟平時既經驗
呢個鐘數由上環文娛中心呢個位行去地鐵站
再搭地鐵去到銅鑼灣
大約都要四個幾字
所以唔知由呢度搭紅小過去
五個字到唔到呢？
其實下晝繁時趕時間過海
如果要由陸路去既話
免得過都最好咪踏足紅隧果頭 原帖由 s3n370 於 2006-7-31 01:04 PM 發表
強烈建議樓主搭地鐵去旺角再轉車，
首先搭地鐵連上上落落，15-20分左右己經到旺角。
在旺角搭巴士去九龍城既車密，
中途唔多客上落（除佐係旺角較多人上車之外...），
矩離亦係最短，幾乎避哂塞車黑點。
即 ...
謝謝！我試試用呢個方法啦~
上年我試過好多方法，
包括914+11、905+的士、地鐵>佐敦+的士，
唔係好慢就係車費好甘，
所以想睇睇仲有無咩更好更快既方法，
因為我唔係去一兩日，
而係好幾日！:)