CE/AL放榜的經歷
趁著明天06會考放榜,特地在此分享自己的感受,由於自己為重讀生,已經歷過會考放榜,所以今年我會以平常心去面對,我也鼓勵今年首次會考的版友們,明天不要太緊張,緊張只會令你手忙腳亂,應該冷靜思慮
自己的出路,我明白要會考生在短時間內作出決定是有難度,上年我就選擇重讀,今年我就非常不鼓勵啦~
一來中英文改動實在太大,要用6個月時間去適應根本不可行,二來本港升學的循徑也很廣,同學可根據自
己的興趣去選擇,例如IVE/SBI,一些本港大學開辦的專業進修學院等等......
最後,我希望自己同名會考生一樣,能順利升上預科,就算不成功,也祝福大家找到合適的道路,「條條大路通
羅馬」不要灰心,只要你肯努力,定會有出頭天的:lol
我都想聽聽各師兄姐的寶貴經驗,讓我參考一下:P
歡迎討論 小弟今年都係repeater.....
話會用平常心睇成績,但實情就係非常緊張既(緊張左成個星期了...)
緊張唔緊要,到放榜喊出黎都唔緊要,
最重要係知道成績之後要即刻收拾心情,
重新投入放榜後要做既野
小弟就覺得自己唔掂ga la,
所以我一早plan 定哂走既路,
到真係用o個時咪即刻去做lor
祝咁多位拎到自己最理想既成績,共勉之 六年前(2000年), 我會考只有五分, 中文 u 晒, 英文 f...........
這樣的分數, 中六就唔駛念, 重讀很多學校唔收.......
當時屋企人話試o下報毅進.......
後來 ive 收了我讀基礎文憑, 最後我都選了 ive 的路, 由基礎文憑, 文憑, 高級文憑, 現在出來工作, 人工都幾穩定.......
所以會考放榜, 成績並不代表一切.........
現在很多進修途徑, 可以去參考進修途徑的資料. 即使分數很低, 都不是人生的盡頭,
只要很努力, 按自己的興趣去發展, 將來都會有回報. 死啦…
而家超驚…
小弟第一次考會考，
聽日就放榜喇，
升唔到中六都唔知點算… 原帖由 SSBT 於 2006-8-8 23:24 發表
死啦…
而家超驚…
小弟第一次考會考，
聽日就放榜喇，
升唔到中六都唔知點算…
我都好明白你現在的心情. 因為驚升唔到中六的問題.
其實升中六是其中一條出路, 現在很多進修途徑可以選擇, 包括 ive 的文憑或高級文憑, 副學士課程, 或者其他課程....
所以升唔到中六, 並不表示失敗的. 只要上進心, 任何進修途徑都可以去到大學的道路的. 原帖由 SSBT 於 2006-8-8 23:24 發表
死啦…
而家超驚…
小弟第一次考會考，
聽日就放榜喇，
升唔到中六都唔知點算…
比你升到上去又係點丫....
F.6 D野同F.5差咁遠,
我好多fd都讀到趴哂o係度 原帖由 marioso 於 2006-8-9 00:36 發表
比你升到上去又係點丫....
F.6 D野同F.5差咁遠,
我好多fd都讀到趴哂o係度
唔知呀…
可能真係到時先算…
仲有幾個鐘咋…… 記得好多年前我第一次考會考
未考前我完全冇諗過升唔到中六
但考果陣因為冇乜點操past paper
(咁我果陣時真係諗住「求學不是求分數」嘛...:L)
結果出黎考到六個D...:L
(仲要係full cert!!!:'()
果時我都諗住升中六
但搵極學校都搵唔到
結果去到好遲先決定重考中五
搞到要去搵私校先有得讀...:'(
跟住第二年我終於向現實屈服
走去以「求分數」既心態去準備個考試
(其實咁係一件壞事...:Q)
結果出黎既成績都幾好
去搵學校果陣第一間就已經收左我...:victory:
(不過我可以咁講
我好後悔揀左呢條路...:L)
原帖由 SSBT 於 2006-8-9 02:38 發表
唔知呀…
可能真係到時先算…
仲有幾個鐘咋……
有時真係覺得
臨響放榜之前
真係最好為自己舖定d 後路
以免自己既成績遠低於預期
到時真係好難有彎轉...
仲有就算你夠分升中六都好
你都要睇下自己有冇信心考好個alevel
因為cert同alevel係兩個世界
真係話知你cert考到曉飛
alevel都可以死得好慘
(我就係一個人辦...:'()
仲有就係響決定升讀中六之前
最好諗埋將條路點行
例如去大學讀乜野科
因為其實讀大學根本唔一定要考alevel
你可以讀完中五之後
經IVE讀兩三年都可以入到去
(但當然係睇下你讀邊科啦)
就算你讀完IVE都升唔到大學
我諗你響呢度讀既野
對你出黎搵工係點都有用過
你響中六中七磨果兩年讀既野
咁樣即係白白浪費左兩年時間
(假設你alevel衰左)
其實響考完會考之後
真係要好好諗下自己將來想做d 乜野喇
到你讀完書先諗就已經太遲
或者你中五前你讀書真係可以為讀書
但中五之後就唔同咁講法
就算你讀到更高學歷
但你讀黎得物無所用
你又讀黎做乜呢？
(其實讀到大學唔係咁巴閉咋
俾你揀你寧願有個冇乜用既學位
定係一份月入幾萬既工丫？
你要記住你有學位唔代表有高薪厚職r
有高薪厚職亦都唔一定要有學位)
所以真係千祈咪求其讀d 自己冇興趣
甚至冇諗過會響果行發展
甚至發展前景暗淡既野
況且讀書可以讀成世
你幾時都可以去讀
但係決定自己將來條路點行
如果你唔趁早揀定
年紀再大d 就選擇會越黎越少...:L 其實而家出路真係很多，不一定只是得升中六或重讀的兩條路，講真，重讀效果也不是想像中顯著，因為由開學至會考中間只有7-8個月時間，而且中間仲有假期，所以我個人建議除非你係爭很少分數就可以升中六，可以一搏，但是如果你是單位數字，個人覺得最好是不好浪費時間去重讀，因為重讀或者只可以將分數提升幾分
另外再問自己是否仍對讀書有熱誠?如果自己讀書沒有熱誠，不如去修讀ive或者其實對搵工有幫助的課程，會考只是人生一個階段，如果你只是為了與其他人比較學歷，而去迫自己去讀，效果相信也不會太好，或者你會造樣想，不知如何向親戚朋友交代，因為我試過親戚朋友同我屋企人講:「你仲咩唔迫佢再重讀」，我會答佢呢個社會有唔同階層的人，每個人也有佢用處，最重要係對社會有貢獻。 我自己三年前 (2003) 考會考，雖然考之前一個多月先至準備，
但部份科目都有操 past paper。考完之後，好多科考成點自己
都心中有數，我當時估自己大約會有 18-19 分。
但當然要 plan for worst，都有諗過唔得既話去 repeat 甚至去
IVE，不過當時我對 IVE 了解不深，以為 IVE 只係俾會考得個
位數字的會考生去讀…
咁最尾我會考出黎都有 18 分，雖然唔可以返原校 (當年原校
收 23 分)，但去聯招第一間學校就已經收左我。
SSBT 兄，以你一向成績，返原校讀中六應該唔難喎。
你地學校今年仲要收 19 分咁低…