對samsung好失望
唔知大家點睇，不過佢地既售後服務俾我既感覺就好差。話說小弟部notebook上個禮拜顯示器同底板之間接駁位突然爆開左(非人為)，
電池同audio插頭又有少少問題，諗住拎去samsung一次過維修，
上個星期五就拎左去葵涌整，果陣問左維修時間大約要幾個工作天，
到左星期六，維修員就覆左我部機大致上有咩問題，會點整之類。
星期一，因為電池方面既事打返去samsung跟進一下，
o係呢個時候維修部果面話俾我知底板冇零件，要等4至6個星期先有貨，
(估計應該係由韓國果邊走船過黎)，雖然我部notebook係兩年前既型號，
但我唔覺得呢個係要等既理由，仲做得保養就預左無時無刻都有人拎黎整，
另外佢又話駁口位果度就可以暫時整住先，o甘我都同意叫佢整左果part先。
點知同一日既下午，又收到佢地既電話話駁口位果part零件都整唔到，
o甘冇理由部notebook o係佢度成個月，就叫佢俾返部腦我用住先，
等有零件返再拎去整，果陣佢仲答應左星期二有會得拎，
但到左星期二既下晝都仲未收到電話，都心知不妙，
於是又打俾佢問，果然不出所料，佢地話維修部機未send返去counter，
最快都要我等多一日，去到呢個位真係好激氣，機你又整唔到，
而家想拎返部機都唔得，呢D服務質素叫人點頂啊。
到左今日終於拎返部機，見部機同拎去整果陣冇分別，
覺得好浪費時間同金錢，呢幾日搞到個人好nervous，想搵人反映下又推三推四，
到左而家條氣都仲係頂住，諗返有個friend部IBM notebook，某日下畫6點幾拎去整，
第二日已經有得拎返(佢都要換底板)，叫人邊有信心去買呢隻牌子既產品。
大家覺得係個別例子又好，小弟唔好彩都好，總知就好唔滿意今次呢件事，
(主要有維修時間過長、沒有暫時解決方案、達不到服務承諾、沒有直接反映渠道)
而家想直接反映俾samsung知又唔得，所以真係不吐不快，
如果大家有其他途徑可以反映下俾samsung知麻煩請告知小弟。
P.S.
附件幅圖係駁口位，黃圈圈住既地方就係要更換既位置，
留意爛左果part係金屬製，用黎包住軸心部份，
最出面係有塊膠製的蓋cover呢個位，而呢塊cover係冇任何損毀，
老實講句，我都唔知部機(另一邊駁口位)可唔可以捱多一個月。 若果這一款Notebook在市場上已再沒有售賣的話，部份專用性高的零件出現缺貨，可以原諒，因為這些產品在售賣期後多數來源不多，亦較少會壞，亦很少會大量生產以免浪費，所以會容易缺貨一點。
(除非好做Dell般發現一大批電池有問題......)
至於HDD之類就不可接受，因為這是易壞又常用的東西。
至於對方話可以頂住先，就頂住先，但要講明若果頂不住，要對方負責更換。
至於約定後，維修部未send部機返去counter，這個是他們不對，應該投訴。若你因此白白去多了維修部一次，可考慮要求對方提供免費送機服務。
最後，維修的確是要忍忍忍，因為高科技產品太複雜，總有不少問題。
若果底板有問題，可以換板上的零件，也可成塊板換，但出來的效果、物力和時間都會有所不同，看廠商的取向，通常貴牌子(如Sony, IBM)就會成塊換。 你果部係唔係P-10系列既機?
"三叔"整親一,兩年的notebook,實會冇parts,但最差勁就係收左你部機之後先話俾你知冇貨要等,你要要番部機,等佢有貨再整,佢又話要收三百幾蚊"檢查費"(實際上有冇檢查過任何地方只有佢地知)!
其實佢地係有條hotline跟進投訴,你可以打去試下 我部 NP 30 之前新買用唔半年個"校"位已經用到拍拍聲咁好似就黎爆，CD-ROM又壞左，
於是SEND 番廠去整。整兩樣簡單野都要用成一個星期，果時仲要趕住交 assignment......
之後換左D零件，以為會會可以用好耐。
點知唔夠半年，個"校"位又用到拍拍聲咁好似就黎爆...... 都唔知點解D設計可以咁差勁......
我舅父部NP 35已經入左廠兩次，今次部機仲要等零件六個星期先有得整......
Samsung，以後都唔買佢D野...... I using P10C, the "校位已經用到拍拍聲咁好似就黎爆" I also experience. It cost me $1000 dollar to repair it (echange body cover). So i would not buy samsang product anymore because their product are so easily broken!!
頁:
[1]