[忍無可忍][新聞] 迦 密 柏 雨 72 校 規 抗 歪 風
http://www.singtao.com/yesterday/edu/0823go01.html首先事先申報, 小弟為該學校o既一位學生
作為該校o既學生, 見到有咁o既報導之餘, 開心之餘亦都有一番感慨
老實講, 呢位校長見報已經多次 ... 先前因為今年 / 上年 ( 我都唔係好記得時間, 總知係上個學年 ) 有學生燒垃圾桶而見報
亦都有該校o既學生上網評論呢位校長
小弟講野會盡量儉點小小 ... 免得該校有老師 check 到有呢篇係有位叫「KV7798」o既人貼出離o既時侯, 要搵「KV7798」呢個人處分 ...
小弟起呢間學校就讀 3 年
本身校規已經諸多限制, 部份做成不便之餘, 亦都有礙學生之間o既正常交往, 老師之間, 部份過於認真, 部份嘻皮笑臉, 學生適應老師已經有所困難
呢 3 年, 老師, 走o既走, 留得低, 一係就唔理d政策, 一係就支持d政策
走o既老師, 換入離o既新血, 部份又過於不濟, 曾經有一位新老師入離教, 第一年竟然可以令某科某級o既級總平均分跌十幾廿分都有 ...
而當中部份老師更加不知所謂
教學上完全唔顧及學生o既感受, 務求完全科程
更有部份老師 ... 會考英文唔知係咪拎個 U 返離, 連1d學生都識o既字竟然要我指正返比佢聽
講完老師
講下校長
呢位校長 ... 十分不濟
以為自己定o既政策係最好不過, 至高無上, 無其他學校能及
報導中, 粗框眼鏡事件 ...
點解要設立呢條校規, 講起都有趣, 原因係「出面開始多人戴, 有d顏色又過於顯眼, 實為潮流歪風, 禁也」, 可笑可笑 ...
仲有一單野係呢度無講, 報導裏面講外牆掛o左幅 banner
其實係是年學校主題也 .... 今年o既主題係「確立整全信念．力抗潮流歪風」
但係睇睇上年o既主題, 竟然係「建立整全信念．抗衡潮流歪風」, 連諗多個標題都唔想, 食塞米也 ...
唔講呢樣, 呢位校長創意奇高, 臨到考試竟然整返個「個人信念概念」出離, 叫學生寫下今年「確立」o左咩信念, 「力抗」o左咩歪風咁勁
仲話「你唔可以唔交, 一係交張白紙」, 不過臨尾打返句, 「交白紙o既同學暑假我會請佢返離校長室傾下」, 明係政治迫害啦 ~ ?
之後呢個「個人信念慨覽」仲要年年都要做, 又要攝起成績表個 file ... 有趣有趣 ...
講完老師校長
後果係乜 ?
學生操行差 ( 我承認任何一間學校都有d咁o既人, 但係呢間學校唔講粗口真係冇乜邊幾個 )
學生成績每況愈下 ( 又唔可以怪哂佢o既, 電腦普及o左自然少理d功課, 但係教學方面係最主要原因 )
學生上堂無機聽書, 老師齋廢 up, 講完收工 ( 當然唔係全部老師都係咁, 當中不乏又教到書上堂又唔悶o既老師啦 )
band 1 學校, 睇佢幾時變 band 3 ....
小小意見, 如有過火, 多多包涵, 有咩問題, 或者意見, 歡迎提出, 任插任評 一間有自發性既學校, 乜RULES都唔使SET, 學生都會乖乖地讀好書~ 只不過... 青少年就係喜愛反叛
似乎NOWADAYS既PRINCIPALS都好愛用RULES去規範學生而使提升校譽
( 呢批校長係咪同一個老師教出黎架 =.="?? )
呢種「倒模式教育」又係咪真係岩HK先?
又要講話CRITICAL THINKING, 又要只可以WORKING UNDER INSTRUCTIONS
下一代既學生真係越見可憐... 之前就話知識上填鴨式教育, 但架陣連價值觀都要實行填鴨式教育?
『唔係呀嘛...』 我都感到好反感,原因有:
一﹑唔俾帶粗框眼鏡雖然係潮流,但係唔係歪風,唔應該被禁.
二﹑部分家長雖然認為出發點正確,但係過於苛刻,雖然關心仔女既操行,但係都反對.
三﹑此等行動唔可以太急進,需要「循序漸進」,唔係一年就即刻和盤托出.
我間學校好就好在有學生力量,
過往校方推行一d唔太公平,唔太合理同埋唔太可行既政策同校規,
都總會有人公開宣佈反對,(尤其是高中年級)
有時仲會迫校方撤回校規,
加上家長幫忙,
有時都可以成功.
[ 本帖最後由 4437 於 2006-8-25 11:05 編輯 ] 呢個口號係唔係呢間學校的關注事項？
係既話，在校務計劃相關部份上叫佢加多一項工作：
1. 研究學生對「歪風」的理解與跟學校的偏差
2. 研究開放學校管理，加入家長、學生、教師，學校管理層一同作校規的訂定的可能性〔by學生、教師、家長、學校管理層不記名統計〕
如果係咁嚴，會唔會連under都要規定埋？ 小弟仲讀緊中學的時候，
仲記得呢間學校好勁...
學生亦都相當醒目...
何解學校的領導人會落得這個田地?
難道他想見到學校走向奴才之路?
不是想踩樓主，反而覺得樓主相當不幸，
看著自己讀的學校由光明步向這做法，
真的... 我都係呢間學校0既畢業生,都畢業0左幾年,之前已經唔鍾意呢個校長,又成日定呢樣定0個樣....
不過睇0黎而家呢間學校仲變本加厲,我以前讀0個時都冇咁多呢d 野,最無聊0既校規都只係唔准邊行邊吃,唔
准0係學校食gum......... 小弟當年讀同村另一間都出名"要出名"的中學
還覺得當年入到"CPU"是一種不錯的派位結果
但估不到現在竟然連校服"配套"都有諸多限制
而學生成績一落千丈又好像有關係的話
難怪某書院廣告提出"校服型仔,成績都好些..."
至少當年小弟的中學的校服是由學生自己設計
又不會有這麼多"無聊"的限制...
總之就理它甚麼"歪風"
學生自己明白甚麼是"王道"就成:P
[ 本帖最後由 CardCaptor 於 2006-8-26 13:02 編輯 ] 唔該請該校提供埋校服同眼鏡比學生,
免得再話學生服飾唔岩佢規格. 原帖由 307 於 2006-8-25 12:42 發表
小弟仲讀緊中學的時候，
仲記得呢間學校好勁...
學生亦都相當醒目...
何解學校的領導人會落得這個田地?
難道他想見到學校走向奴才之路?
不是想踩樓主，反而覺得樓主相當不幸，
看著自己讀的學校由光明步 ...
我都唔算睇住光明步向 .... :P
都係讀o左 3 年o者 「唔俾帶粗框眼鏡」，我以前間學校都有呢條規矩；
而且仲唔可以帶類似手鐲的粗帶手錶