【專訪】鐵路迷羅哲琛患自閉症曾遭欺凌 交通迷朋友助重拾勇氣
港鐵東鐵線過海段本月通車，因二創洗腦歌「屯馬開通真的很興奮」而成名的鐵路迷羅哲琛，在港鐵宣傳片粉墨登場，再次引來網民熱議。「羅本尊」接受《Yahoo新聞》專訪時透露，他9歲確診自閉症，一度遭受校園欺凌，後來在交通迷圈子結識了同是自閉症的朋友，終於不再避忌，「佢哋都願意去講，所以亦令到我有勇氣同大家去講。」對於被網民嘲「鐵膠」，他不以為然，「鍾意鐵路有乜所謂？又唔影響到人。」今年17歲的羅哲琛是應屆DSE考生，一直很喜歡二次創作，去年在學校考畢中文聆聽試後，考試背景音樂《綠袖子》的旋律在腦海揮之不去。屯馬線開通前一晚，他靈機一觸，為《綠袖子》配上新詞，翌日早上在通車現場接受記者訪問時大膽唱出「屯馬開通真的很興奮」，「我諗住為大家帶嚟歡樂，無諗過喺網上爆紅得咁緊要。」
鐵路是羅哲琛創作的靈感泉源。本月6日是東鐵線俗稱「12家姐」的12卡列車（MLR列車）最後一日行駛，當天他須備戰DSE，無奈留家溫習，遂二創《Let It Go》，重新填詞變成《懷念東鐵綫MLR》，向12卡列車致敬。他又改寫了孟子的《魚我所欲也》抒發無奈心情，「MLR我所欲也，溫書我所欲也，二者不可得兼，咁就捨MLR，而溫書也。」
初中遭欺凌 躲廁所吃飯
成為鐵路迷之前，羅哲琛曾經歷一段不愉快的校園生活。他9歲確診自閉症，初中年代遭欺凌，有次同學不斷阻礙他吃飯，又向他扔報紙，「同學真係玩得好過火，我只係想食飯啫，點解係咁阻住我？我當時情緒失控。」他反手將報紙扔向前方，躲進廁所吃飯盒，大哭了25分鐘。
他說，到了高中才漸漸變得堅強，起初仍避提患自閉症，僅自稱有少許社交障礙。直至他4年前結識了一班交通迷，有人坦誠說出患自閉症，讓他重拾勇氣，「算啦，其他人都講、都唔驚。我都講啦。我都有坦白同同學講，教會都係，佢哋無再笑我。」
外界未必理解鐵路迷的世界，有人更嘲他們是「鐵膠」。羅哲琛反駁，喜歡鐵路本身並無不妥，「鍾意鐵路有乜所謂？又唔影響到人。有啲人為咗影鐵路阻住列車關門，咁嗰啲就真係『鐵膠』。
羅哲琛指，交通迷當中的確有患自閉症的人，但不希望社會將交通迷都標籤為自閉症，或者認定自閉症人士不擅社交，加上一堆負面標籤，「呢個世界上唔只係香港，全世界各地好多人有自閉症，唔通自閉症就係代表壞事咩？好多自閉嘅人喺某啲方面特別叻喎。」他就認為自己的記憶力不俗，幾乎熟背香港所有鐵路的廣播。
他更一度因沉迷鐵路無心向學，中四那年數學科延伸部份(M2)的測驗，30分滿分只考獲7分，直到2020年才努力追趕，「見自己追得咁辛苦就後悔，點解當初咁沉迷鐵路呢？」他以過來人身份勸喻升高中的學生，「希望你哋迷一樣嘢時候，唔好迷得太緊要，迷到荒廢學業。」
雖然是鐵路迷，但羅沒有計劃投身港鐵工作。他想成為記者或數學老師，現時趁考畢DSE的空檔拍片帶歡樂給港人，就算被人嘲笑也不放在心裏，「每個人都有自己興趣，最緊要佢嘅興趣唔好傷害任何人。」
https://hk.news.yahoo.com/%E3%80%90%E5%B0%88%E8%A8%AA%E3%80%91%E9%90%B5%E8%B7%AF%E8%BF%B7%E7%BE%85%E5%93%B2%E7%90%9B%E6%82%A3%E8%87%AA%E9%96%89%E7%97%87%E6%9B%BE%E9%81%AD%E6%AC%BA%E5%87%8C-%E4%BA%A4%E9%80%9A%E8%BF%B7%E6%9C%8B%E5%8F%8B%E5%8A%A9%E9%87%8D%E6%8B%BE%E5%8B%87%E6%B0%A3-092809201.html
其實配合埋Riders最近出嘅嗰篇長文
代表香港鐵路迷未必真係自閉，亦無需標籤化。
希望今次東鐵過海可以喚起大眾對交通發展嘅關注。 唔係明報個篇文將佢地劃上等號
邊有咁多話題走出黎
不過有時諗
做人要做好自己
同一定程度的放縱自己下
可以點樣做得好D
但東鐵過海過得第一次就無第二次
之後未來幾年又無新鐵路通車
今日唔瘋狂等幾時 kay 發表於 2022-5-23 21:06
唔係明報個篇文將佢地劃上等號
邊有咁多話題走出黎
咁我又覺得
香港大多數嘅鐵路迷都係生性同守規嘅
不過讀緊初中或者以下嘅
始終疫下長時間留喺屋企
社交本身就少咗
有D失控場景同行為都無可厚非
至於東鐵過海
其實關注度高都正常
因為一來主角係百年鐵路、二來亦都有唔少陪伴香港人好耐嘅嘢亦走入歷史
加埋未來5-7年都冇新綫
自然多人出去搶風頭
kay 發表於 2022-5-23 21:06
唔係明報個篇文將佢地劃上等號
邊有咁多話題走出黎
山頂纜車新車 同人唔同命。當年有鐵迷創作愛在天慈、輕鐵大笑之歌嘅MV但係無人欣賞 京华客车 發表於 2022-5-25 18:55
同人唔同命。當年有鐵迷創作愛在天慈、輕鐵大笑之歌嘅MV但係無人欣賞
但佢翻唱既鹹歌好多人share，連唔係鐵迷既fd都叫我聽:lol
BTW佢係咪移民咗去瑞典?
本帖最後由 uh6761 於 2022-5-27 10:13 編輯
VK4642 發表於 2022-5-25 19:10
但佢翻唱既鹹歌好多人share，連唔係鐵迷既fd都叫我聽
BTW佢係咪移民咗去瑞典?
...
佢去旅行,去咗波蘭:lol
下個week返嚟HK
⋯你係咪數漏咗215X:P
頁:
[1]