有冇發覺荃灣線個別車站經常出現停站不準的問題
我接近每晚十點幾太子搭荃灣線過荔景，再轉車返青衣。咁近幾個月發現有個情況，就係入荔枝角站嗰時，經常突然急煞車，然後車長再慢慢對準幕門位，車程大約要用多20-30秒。
跟住下一站美孚又係出現同樣情況，之後到荔景就正常返，依種情況大約成一半機會遇到。
有時唔係上行入荔枝角站出現停站不準問題，而係美孚站先嚟料。
如果係咁，即係去到荔景站埋站都會有停站不準問題。
仲試過有一晚到荔景停站停前咗，用多成兩三分鐘先開到門，
本來對面東涌線車未到，過一分鐘到站開門但TO未搞得掂，
再搞多一兩分鐘先搞得掂，結果對面東涌線抽車已經準時閂門開走要等多十分鐘。
已經連續三晚都有咁個問題，反而日頭時間又唔覺，有冇人都留意到？如是，係乜原因？
反而太子、深水埗、長沙灣停站完全冇試過有出問題，一係荔枝角+美孚，一係美孚+荔景（太子之前同荔景打後就唔知）:L
其實次數真係多左,但間公司吾(識)去改善個系統既情況下,下下要人手去補救系統bug！然後又出幾廿層保安全既指引,高層交晒功課,但做死D前線員工,最後就變成依家有咩事都慢慢同你做！, 好似有執過，半價嗰兩日雖然落雨路跣但埋葵興都識出番聲
當然班車可能遲得唔夠多;P
頁:
[1]