油塘-尖沙咀-中環(循環航線)即將開辦
由五礦地產與渡輪公司合作之油塘-尖沙咀-中環航線即將開辦, 蔚藍東岸住客可免費乘搭該線及三家村-西灣河航線一年.引述自「經濟通」消息:
23/01/2024 10:15
五礦地產(00230)營銷及市務總監黃少鴻表示，截至目前為止，油塘「蔚藍東岸」已累積售出約398伙，佔項目單位總數688伙約58%，套現約35.5億元，平均成交呎價約20260元。項目已於2023年12月28日取得「滿意紙」，現時正進入交付程序，將於春節後盡快安排開放現樓臨海示範單位，包括從未正式對外開放參觀之第1及2座內實用面積約1000至1300平方呎之三房至四房大戶。
此外，他指出，現時可售之開放式至3房實用面積較小之單位，亦將會以現樓方式推出，預計將會受到市場追捧。
集團與渡輪公司合作，將開辦往來油塘至尖沙嘴、中環的循環線，持可乘船證明的住客，可在航線開啟後1年內，免費無限乘搭；另蔚藍東岸住客亦可在相同的1年內，免費乘搭來往三家村碼頭至西灣河碼頭的渡輪。
航程同班次鬥唔鬥得過14x同603？ 非住客有無得坐同埋幾錢先係重點 kay 發表於 2024-1-23 14:54
非住客有無得坐同埋幾錢先係重點
住客要「持可乘船證明」先有免費, 其他人應該可以搭嘅, 如果捱得過東源街所有樓盤落成, 到時繁時有得爭下. sunhoo 發表於 2024-1-23 14:41
航程同班次鬥唔鬥得過14x同603？
14X經埋觀塘商貿區之後, 出尖咀已經唔再吸引, 早繁東九龍走廊亦有塞車風險, 而假設船只停尖沙咀公眾碼頭, 要出番彌敦道同尖東就要搭一程巴士, 所以都係睇住客們寧願近近地搭船, 定係行上地鐵站.
搭603要行番上山, 一係地鐵見, 就算係由崇德圍行出三家村碼頭亦只係5-6分鐘步程, 如果用快船, 都肯定快過603到中環碼頭, 穩定度亦勝過巴士, 但係船費估計唔平得去邊. EX-TL 發表於 2024-1-23 15:09
14X經埋觀塘商貿區之後, 出尖咀已經唔再吸引, 早繁東九龍走廊亦有塞車風險, 而假設船只停尖沙咀公眾碼頭, ...
由交通服務多元化嘅角度去睇，在巴士同鐵路之外多左船運加入係好事，不過我就希望客底夠大，令每種交通工具都能維持營運。603營運狀況無問題，但14x原本可能指望隨海皮人口增加而加班，而家多左人來分蛋糕，14x嘅前景唔太明朗。
會唔會變翔龍灣-中環住客專船翻版？ MCLee 發表於 2024-1-23 17:55
會唔會變翔龍灣-中環住客專船翻版？
包船，我覺得像。
ccicoltd 發表於 2024-1-23 23:37
包船，我覺得像。
近期有無公司向政府申請相關航線?
船的航線有無好似村巴/商場接駁車一樣﹐要政府批准才可運作?
如果無﹐就真係可以如你所講﹐碼頭/船上唔會收錢﹐走灰色地帶運作。
ps. 如果同船公司合作﹐反而覺得佢會正正經經去申請開辦新線。
收發展商一筆錢(當係航線的資助)﹐同時又試下這條線是否有客源﹐有無機會長做。
一兩年之後(發展商資助完結後)﹐都係無盈利咪交回牌照囉。
頁:
[1]
2