港鐵復活節假期加密列車班次
本帖最後由 TA7343@N241 於 2024-3-25 14:09 編輯https://www.mtr.com.hk/archive/corporate/en/press_release/PR-24-018-C.pdf
竟然冇東鐵份，只係著重有海洋公園同迪士尼嘅兩條線。
幾年前復活節第一日跟團北上，朝早七點好記得架車入到粉嶺上水打晒仗咁，入到落馬洲，迫個幾鐘先過到關。
依家減到九卡，嚟緊星期五清晨東鐵（尤其入落馬洲keep住十幾分鐘一班）會點，完全唔敢想像，過九龍塘未必上到車。
最後一日夜晚南下情況亦類同。
東鐵綫應該諗住用嗰份轉咗永久嘅節日表handle算
估計佢都係七點幾鐘先開始隊車沙田起載南下再做番全程北上，去落馬洲要八點幾鐘先開始密少少車
但係其實北上成日排海關倒塞搞到關口都負荷唔到嗰陣，東鐵綫開密啲都無用啦，只係送多啲人去關口逼
反而南下無塞排海關問題，尾日或尾二日晚要清關口客，由14分鐘加到10分鐘就真係有用，雖然都係逼爆，有一半車卡紅色嗰種🤭 Ricky403 發表於 2024-3-25 21:46
東鐵綫應該諗住用嗰份轉咗永久嘅節日表handle算
估計佢都係七點幾鐘先開始隊車沙田起載南下再做番全程北上 ...
跟得深圳出發嘅旅行團，冇一次遲過九點集合，依啲團多數福田／深圳灣出發。
當八點北行開始加密，入到羅湖／落馬洲計埋過關都過晒集合時間。
事實上，一到連續幾日紅假，清晨北上客係多得好誇張。
改到九卡後，每抽載客量下降，如落馬洲班次keep住咁疏，其實容量反而少咗。
今年復活節算係疫後北上熱潮開始後第一大長假期，無論係咪要返星期六嘅打工仔，只要放紅日，今個星期五齊齊開始放假北上玩，人潮唔講得笑。
加密東鐵班次，冇錯解決唔到塞關口問題，但某程度係解決中途站未必上到車嘅問題，依啲大時大節唯有大家鬥早出門。
好記得2018年復活節第一日坐唔知第二班定第三班279X入上水（已經加到5分鐘一班），離開青衣頂晒閘。
到上水轉東鐵，入落馬洲班車已經迫迫哋，嗰時綠線兩邊頭班車仲未到九龍塘。 TA7343@N241 發表於 2024-3-26 05:56
跟得深圳出發嘅旅行團，冇一次遲過九點集合，依啲團多數福田／深圳灣出發。
當八點北行開始加密，入到羅 ...
呢啲時間，唔知如果搞大學起載往落馬洲，攝兩班羅湖車中間，可以企到幾多人🤭
你咁講應該比平日下繁更有需要，平日下繁其實用番2022年時間表呢種起載時間已經夠應付需求
反而係當全部車開哂上羅湖落馬洲之後，又將下繁加班車出車時間越拖越遲，可能龜真係覺得北區南行17:43前、火炭南行17:45前唔值得開3.2分鐘一班，咁一係先改個時間表做火炭南行或太和南行開均勻班次再睇情況 本帖最後由 TA7343@N241 於 2024-3-26 16:09 編輯
Ricky403 發表於 2024-3-26 09:56
呢啲時間，唔知如果搞大學起載往落馬洲，攝兩班羅湖車中間，可以企到幾多人🤭
你咁講應該比平日下繁更有 ...
至少我覺得粉嶺上水可以食到班客。
我永世記得某年復活節第一日七點上水入落馬洲一幕。
成架車已經爆，每道門超過20-30人等緊，一開門得少量客落車，死迫爛迫先上到車，鬧交打交乜都齊。
好在個個都上到車，因為佢哋都知遲到去唔成旅行，可能要等出年先有得去。
嗰種迫法係平時繁忙時間絕對唔會出現。
而感覺龜啲車務安排往往立場先行，加唔加班係睇佢想唔想，而唔係睇客量，相信公司有晒數據。
東鐵有三類乘客喺唔同時段主導：
1. 星期一至六早繁（九點前）、星期一至五日間、星期一至六下繁至深夜，本地客（往返九龍／港島）主導。
2. 一至五放學時段至下繁前（三至六點），跨境／新界通勤客主導。
3. 星期六早繁後的日間及假日全日，跨境客主導。
晚繁成日嘈嘅沙田特就係2所講嘅時段，可能龜覺得班客一定係新界住港九返工，而唔係調轉。
只要唔駛咁執著一定要向南出車，2同3個問題都可以輕易解決。
最經典係疫情未通關但轉咗九卡後嗰半年，平日下午非繁開緊6分鐘一班，頭卡南行到火炭已經人貼人。
一通關改密到4分鐘，即刻鬆動晒，因為客源冇大變動。
再睇返今次加密嘅南港島線同迪士尼線，搵個平時星期日加都得啦，一個主題樂園要玩幾日？復活節係內地長假期？ 又睇下今次呢D加班又係求求奇奇是但一個位加一班車,定係真係全線拉密D班次!
不過相信都係前者,玩數字遊戲! 十幾廿班車入面,得一班係密左 TA7343@N241 發表於 2024-3-26 16:05
至少我覺得粉嶺上水可以食到班客。
我永世記得某年復活節第一日七點上水入落馬洲一幕。
成架車已經爆，每 ...
不過你講旅行團，起碼而家同2018年或之前相比多咗高鐵，高鐵團應該分流咗部分人，超過兩日嘅假期真係睇定啲先
如果淨係上深圳食玩住，又應該未至於要早到九點前就過咗關
至於平日下繁都係唔會撇得甩向南出車，而向北出車以前係有，但不載客🤣
四五點北行羅湖或落馬洲車行全程食埋火炭或之前上班人，去到上水都唔會話大量留後，又真係未必夠客去justify件事
屯馬綫󠄁下繁整體客量係多呀，但開架南昌短特851出黎又唔太企得多人，雖然時間唔理想但勝在佢肯開🤭
只係東鐵綫下繁17:45 (成日實開17:46-17:48即係影響又大啲) 攝架沙田特配合沙田先拉勻班次呢個極品組合搞到火炭南行瀨哂野，龜肯改火炭或太和就拉勻班次，大埔墟至火炭唔好臨近6點仲有班次隔6-7分鐘，已經好唔少 HU6455 發表於 2024-3-26 19:57
又睇下今次呢D加班又係求求奇奇是但一個位加一班車,定係真係全線拉密D班次!
不過相信都係前者,玩數字遊戲!...
咁成日畀人話班次疏攝車當加班嘅屯馬綫，某個星期六都試過真係整個全個日間開6分鐘一班嘅時間表出黎 (當然可能係而家呢份表黎，當時係為收集數據）
呢啲係睇到嘅，如果佢宣佈個加班前後班次接近一個鐘加開一班車，咁好大機會係攝架車當加班
不過市區線向來加班都比通勤路線加班黎得鬆手，當然將軍澳綫󠄂係例外🤭 本帖最後由 1372mm 於 2024-3-27 19:19 編輯
而家港深之間咁多關口，其實唔應該再咁依賴東鐵 1372mm 發表於 2024-3-27 19:18
而家港深之間咁多關口，其實唔應該再咁依賴東鐵
深圳灣、蓮塘應該好快打爆，跟住又要報新聞見又話節假日開24小時又無咗影