兩鐵合併后，你同意廢除前九鐵的新聞直線嗎?
由05年8月開始，九鐵歩巴士公司後塵車箱內電視改為播新聞並發聲廣播
不論交諮會及運輸都接到不少投訴
而小弟亦覺得此系統相當有問題
根據鐵路公司的附例，規定任何人不得在處所內使用任何錄音機、電視或任何器材使用楊聲器發出聲響，如需使用必須使用耳筒收聽，避免令其他人覺得煩擾、不便或受到騷擾。違例可被罰$2000
附例原意正是為車廂乘客提供寧靜以及舒適嘅環境，免受噪音等問題滋擾
點解當時九鐵出爾反爾，要當啲乘客失聰，大大聲喺列車內轟炸乘客呢?
就算有靜音卡，本人認為應該將比例提昇至一半，即卡啦卡啦形式去設置
方便兩者乘客按自己需要選擇，減低需要靜音乘客歩行距離
請各位扳友持平討論新聞直線去留問題 雖然靜音車廂冇左電視聲，
一樣都咁嘈 ..
不過我都同意增加靜音車箱數目 ..
始終而家太少靜音車箱喇 ... 原帖由 SSBT 於 2007-12-3 17:57 發表 http://www.hkitalk.net/HKiTalk2/images/common/back.gif
雖然靜音車廂冇左電視聲，
一樣都咁嘈 ..
不過我都同意增加靜音車箱數目 ..
始終而家太少靜音車箱喇 ...
好似話做過調查... 不同意
大大個電視有聲有晝, 能夠知道即時新聞不知幾好
加上, 現時新聞直線的新聞與廣告數量能取得一個平衡
暫時唔見得有值得取消的理由
唔通好似地鐵d資趣台咁, 得個2句新聞,
仲要o係同一程車中repeat十幾次, 呢d叫好呀? :victory:
講真個句, 講嘈, d缺德乘客大聲講電話仲嘈啦......:L 應該保留, 靜音車廂數目亦適中
新聞直線擴展至"地底線"會更好, 因為地底車程實在是沉悶
[ 本帖最後由 ryulky 於 2007-12-3 21:16 編輯 ] 按地鐵早前的機鐵發展方向，
理論上機鐵電視會擴展至用耳機供乘客選擇性收聽。
若果結果可以由乘客選擇性收聽，相信也不用增加靜音車廂，小弟亦不會反對。
否則，小弟建議暫時不應將新聞直線擴展至全港鐵。 乘客對新聞直線的接受程度應該唔低, 這應該同所播放的節目有關 (相信大部份人都會睇新聞或者至少唔會對新聞報導反感吧) , 而且現行已經有兩卡靜音車廂, 照顧唔想聽新聞的乘客的需要, 我覺得咁ge安排已經唔錯. 個人覺得, 只要唔係開得太大聲, 認為新聞直線係滋擾的乘客, 相信唔會好多 (坦白說, 今次係我第一次見到有人出聲話新聞直線唔好) .
Roadshow剛好相反, 就算佢熄晒聲, 我依然會覺得roadshow係多餘兼且係滋擾緊乘客. 我想講ge係, 滋擾與否, 播放的節目的質素是其中一個必須要考慮的因素, 聲浪問題反而係冇咁重要 (事實上, 有幾可會開到鬼死咁大聲呢?) .