原帖由 AVW56 於 2008-2-10 09:03 發表 http://www.hkitalk.net/HKiTalk2/images/common/back.gif
大家經常話天水圍係悲情城市, 但係政府做過d咩?
反而九鐵最實際, 身體力行出月票
在居民眼中, 這已是最好的協助
但合併後, 眼見優惠被取消, 心中當然是難過
閣下亦不能怪居民(包括小弟)對港鐵的不滿
這純粹是個人的感覺, 眼見被港鐵踩到上心口
已經很難再理性討論港鐵的 "做生意模式"
港鐵要咁做, 誰可以阻止?
唯一可以做的, 相信只是唔搭港鐵
現在, 若非趕時間, 小弟都唔會搭西鐵以節省車費
抱有相同想法的居民為數不少
我只能忠告港鐵一句, 居民可不是水魚
並不一定要搭西鐵的, 煩請港鐵好好檢討一下
做生意時, 唔該立品, 大拿拿捐一百萌元返大陸救災
但協助天水圍貧困居民的小小措施都唔肯繼續
咁有咩好講?
小弟多言了
政府的交通政策經常鼓勵市區使用鐵路，但港鐵連小小的轉乘優惠都想取消
對於部分居住於距離鐵路車站「話遠唔遠，話近唔近」的市民來講搭車太快到，
那幾元的接駁車費其實不太值，步行前往太遠及費時
其實港鐵往往漠視這些居民
[ 本帖最後由 thomasman 於 2008-2-10 09:54 編輯 ]
原帖由 thomasman 於 2008-2-10 09:53 發表 http://www.hkitalk.net/HKiTalk2/images/common/back.gif
政府的交通政策經常鼓勵市區使用鐵路，但港鐵連小小的轉乘優惠都想取消
對於部分居住於距離鐵路車站「話遠唔遠，話近唔近」的市民來講搭車太快到，
那幾元的接駁車費其實不太值，步行前往太遠及費時
其實港鐵往往漠視這些居 ...
輕鐵轉西鐵的免費轉乘取消了嗎？
你講呢個情況，全香港區區都有，東涌逸東、荃葵青絕大部份公屋(葵興/芳、長發/安、青逸軒以外全部)、將軍澳翠琳、觀塘四順秀茂坪、黃大仙慈雲山、沙田顯徑美田新田圍廣源、大埔富亨、北區華明清河.....有邊個唔使一係行餐死，一係畀多不太值既幾蚊接駁車費？唯獨屯元天就好到冇人有，免費輕鐵K巴開到一街都係，不過西鐵通車幾年黎，我只係見好多「貴客」咁都唔滿意，係咁鬧西鐵站唔就腳唔o係正自己樓下姐
講漠視，咁以上呢堆叫乜野呢？一句「不是目標乘客」味講晒囉，或者學B2板某些眼中永遠有好冇壞既人話齋：唔滿意就唔好揀住呢度，冇得揀又住著呢度又搬唔走，就怨自己唔好彩，個個要方便，市中心/港鐵站上蓋起二百層都唔掂.............
以上地方唔只齊晒紅字講既情況 ，有部份o係鐵路通車後，鐵路方便冇份都唔只，僅有既巴士路線被削班就鑊鑊中。要嘈，排隊都未到屯元天既人嘈。
[ 本帖最後由 mckhgc 於 2008-2-10 17:04 編輯 ]
原帖由 AVW56 於 2008-2-10 09:03 發表 http://www.hkitalk.net/HKiTalk2/images/common/back.gif
其實, 早在兩鐵合併後的首幾天
幾份華文報章已大肆報道
指西鐵線收費表車費, 無錯係減左
但係, 如果與居民常用開的月票與日票比較
顯然是貴了不少
仍記得, 當天的報紙, 是以 "數字遊戲" 4字作標題
小弟又問，貴了多少？
當天取消的巴士路線優惠（正確上是合併前一天取消），
只有新巴的 701／702／971，
971 只是少了 $1.5 轉乘優惠；
而 701／702 是取消免費轉乘優惠。
大家先不看日／月票，只看八達通，
八達通車費即日減的費用 $1.5 早已抵消原有 971 的優惠，與合併前一樣車費。
而且，701／702 的優惠只是減少了（乘客需支付 $2.0／$1.7），
但是對比通車初期的 $1.0 優惠，八達通車費直減 $1.5 還多了 $0.5。
實際上，相比西鐵剛通車的時候，合併後的優惠變相多了一些。
我們再看回日／月票，不理會八達通單程收費，
971 只是變相加了 $1.5，701／702 只是變相加了 $3.5／$3.2。
可是，我又不見得去海麗邨一定要乘坐 701／702，
為何不在美孚站駁綠小81K？
同樣，轉乘東鐵的乘客，仍可乘坐 K16 取代 701。
看來受影響的乘客，只有去旺角／西環／香港仔的日／月票持有人。
再用日票計算下去，究竟相比巴士而言，合併後實際貴了多少？
元朗至旺角：
巴士：68X = $12.5x2 = $25
日票：西鐵+701 = $20 + $3.5x2 = $27（合併前 $20）
兩者相比：巴士比西鐵便宜 $2（合併前西鐵比巴士便宜 $7），若轉用巴士，實際貴了 $5
天水圍至旺角：
巴士：69X／265B = $13x2 = $26
日票：西鐵+701 = $20 + $3.5x2 = $27（合併前 $20）
兩者相比：巴士比西鐵便宜 $1（合併前西鐵比巴士便宜 $6），若轉用巴士，實際貴了 $6
屯門至旺角：
巴士：58X／59X／60X／66X／67X = $10.7x2 = $21.4
日票：西鐵+701 = $20 + $3.5x2 = $27（合併前 $20）
兩者相比：巴士比西鐵便宜 $5.6（合併前西鐵比巴士便宜 $1.4），若轉用巴士，實際貴了 $1.4
如果全部人轉用巴士，以居民角度而言，元朗／天水圍至旺角合併後交通費增幅較高，
可是在實際角度而言，此增幅是與巴士拉回合理的水平。
相反，看似屯門區的交通費增幅不大，實際上增幅根本不合理。
計完一大堆數字遊戲，從此得出兩個結論，
首次，九鐵舊有的收費不合理（閣下見解：九鐵要協助天水圍居民），
屯門區日票的競爭力不是太高，相反，在天水圍及元朗區簡直是「賣大包」，
仍是固有「劃一收費」的老問題。
另外，港鐵合併後西鐵乘客前往旺角／香港仔變相加價（閣下見解：港鐵合併後令市民白上加斤），
我們在數字遊戲中可見，合併後西鐵乘客前往旺角／香港仔的車資直接加價，甚至加回與巴士的價格水平。
但是，以上問題只局限於西鐵乘客前往旺角／香港仔。
總括而言，根本是閣下將事實誇大化（與傳媒無異），
小弟也記得，當日有線是利用月票前往旺角的車資「做新聞」。
為何只選擇前往旺角？而不選擇前往香港仔／海麗邨，甚至中環／尖沙咀？
正是其他地區的加幅問題影響不太大。
[ 本帖最後由 dennis28a 於 2008-2-10 17:10 編輯 ]
原帖由 virus 於 2008-2-10 16:58 發表 http://www.hkitalk.net/HKiTalk2/images/common/back.gif
包甘多小巴/巴士線
我諗都唔算小小優惠
再者
原地鐵網絡/東線沿線
絕大部分地區都無免費轉乘接駁
真係要嘈既
有排都未輪到天水圍既人喇
其實隨著位於西邊的新機場落成啟用，新界西根本就最大受益者，相比以往只依靠一條屯公的時代，簡直是天與地的分別。不難發現，鐵路與及很多基建的發展，係重西(西鐵線、東涌線、荃灣線、九龍南線)，重東(將軍澳線)，輕中(東鐵線、馬鞍山線、觀塘線、沙中線)
不信？比較一下欖隧、西隧、三幹、西鐵線、東涌線的有路無車行，有鐵路無人搭，再比較下紅隧(連同其巴士站)、東鐵線的有車無路行，有人無鐵路搭，再看看西鐵線的奢華與馬鞍山線的簡陋，觀塘線兩度讓路(出年再多一次東鐵線讓路，一共三次，當中仲有兩次係多數服從少數)，已有東涌線，仍優先興建幾乎完全重疊的九龍南線，相反土瓜灣完全鐵路盲點，途經該處的沙中線卻無了期的拖.....
偏偏受惠最大o個班就就最多不滿，真係唔知講乜咯
兩鐵合併, 表面上的確係有著數。
好記得當日港鐵公佈車費果時,佢好多例子印平左好多.....
例如佢有個例子: 由元朗去上水,合併前要$26.7,合併之後要$18.5,慳左$8.2。
不過車程要轉幾次車:L 元朗→ 美孚→ 太子→ 九龍塘→ 上水.......全程大約77分鐘
不過係元朗西鐵站G出口果個「新元朗中心」巴士站搭76K......一程車可以去到,係「上水鐵路站」落車,係正上水火車站出面,都只係$6.9....仲要車程都係45分鐘左右
何必左轉右轉:L ...仲要未必有位...仲要俾貴10幾蚊?
仲有,好似係天水圍去青衣,係天佑苑搭264M去青衣鐵路站, 35-40分鐘左右,收我$9.1。如果搭港鐵,要$14.9,仲要咁搭天水圍→ 南昌→ 青衣都要37分鐘...未計你等西鐵綫,南昌站暫時要落完又上...之後等勁疏既東涌綫,再之後係青衣站落車。隨時要60分鐘....你話264M都疏車啦...你可以係天佑苑搭69M/天慈邨搭265M、269M等等去大欖轉279X....都得啦...有可能追到前一班264M。
如果你係去青衣市中心還好,你可以行過去.....如果你係去青衣南/長亨/長宏,仲要轉車。當你唔搭$3.2既248M/249M啦....你搭$2.8既88A/88F或者$3.0既409啦.....TOTAL都要$17.9/$18.1啦.....
仲有一個例子, 由大埔去中環/銅鑼灣,收你$14.6,比你搭307平成5個幾...合併前要$18.5....不過要大埔墟→ 九龍塘→ 旺角→ 金鐘→ 銅鑼灣.....要46/50分鐘...如果係返工既,係東鐵綫已經迫爆,去到荃灣綫同港島綫又迫到hihi:L點解唔俾多幾蚊,一程過,仲多數會有位....
記得果日無綫訪問大埔人,有好多人都會搭307,大多數人都唔會搭港鐵左轉右轉。
仲有,你沙田去屯門/元朗都唔會搭港鐵掛...要$15.1...合併前要$24.0....係平左成9蚊....不過又要係左轉右轉...搭巴士前者就263一程KO...$13...後者47X/48X轉269D...都係$6.6+$$7.9=$13.9...快D又唔駛迫...
其實佢可以搭得過既車,都係平左幾毫至$2左右...反而港鐵話平左好多果d.....根本唔會有人搭......佢好取巧咁來sell話合併平左好多....真係好唔要得...
仲有,佢而家一路縮骨服務。一路cut轉乘、cut日/月票...根本同加價無分別....反觀當年九鐵好積極咁去sell鐵路,加轉乘、日/月票,去吸引人去搭....果時都吸引唔少人.....就算有d佢係蝕本既都做....最想都係希望市民有一個好既車程....而家,港鐵就一路cut...一路陰乾市民....
如果佢一路都係咁cut既....真係唔搭佢好過。完全唔得囉。大家一定話我係為九鐵而插港鐵...唔係囉...當年九鐵年代...一樣照講囉.....我係對事不對人既.....而家佢咁搞法...取消月票..睇下d客會點囉:handshake 仲有..而家唔係得鐵路迷係度嘈囉....我曾經都聽過有唔少既市民係度嘈....
唔該大家係插我之前/扣分之前......諗下係咪有問題先....唔好為左保港鐵而講d反話...thx!:)
我認同板友JA5764的說話，自從合併之後，眼見優惠不斷取消，本身西鐵線有先天缺憾，講真以前九鐵為了推起客量，推出那麼多優惠，人流增加，無可否認令佢現金流減少，但是這些流失係客量增長上面可以補充回一些，講真如果港鐵真係取消日票同月票，相信客量會有一定程度下跌，始終新界西北交通比較方便，二來市區站位全部不近市中心區，再轉車令時間增加，二來就算減左價仍俾坐巴士為貴，而家最擔心港鐵會否因客量下跌，將個班次一減再減，因為而家西鐵最大吸引力就係班次也算頻密，如果有朝一日將西鐵減班，到時情況真係不敢相像
原帖由 mckhgc 於 2008-2-10 12:36 發表 http://www.hkitalk.net/HKiTalk2/images/common/back.gif
輕鐵轉西鐵的免費轉乘取消了嗎？
你講呢個情況，全香港區區都有，東涌逸東、荃葵青絕大部份公屋(葵興/芳、長發/安、青逸軒以外全部)、將軍澳翠琳、觀塘四順秀茂坪、黃大仙慈雲山、沙田顯徑美田新田圍廣源、大埔富亨、北 ...
免費k巴開到通街都係......
知唔知點解以前九鐵要咁做?
點解九鐵要提供免費輕鐵接駁?
原因係, 九鐵有自知之明, 知道西鐵先天不足
講講屯門站, 係市中心, 如果無免費接駁, 頂多吸引到屯廣, 時代d人搭
碼頭區d居民, 如果無免費接駁, 邊個會晒時間晒額外錢去搭西鐵
天水圍站, 如果無免費接駁, 頂多天耀天盛居民搭
私樓客北區客, 通通唔會理會西鐵的存在
元朗站, 如果無免費接駁, 頂多新元中yoho客
大馬路客, 只會照舊搭九巴
都係個句, 港鐵有膽識的, 不妨試下取消晒全部k巴
取消埋輕鐵免費轉乘, 然後睇下西鐵客量會有何改變 :lol