今朝東鐵係咪有事?
正常情況下，早上在九龍塘站北行，T824通過後，大約2分鐘便會有往落馬洲列車到達，列車依次係 1.落馬洲2.大埔墟 3.羅湖，但係今朝，我去到九龍塘站月台，見到T824，
之後月台顯示屏竟然顯示 1.大埔墟(9分) 2.落馬洲(1x分) 3.羅湖(1x分) (x是看不清楚)，
一瞬間又將落馬洲同大埔墟車調返轉，次序正常返，落馬洲車9、8、7咁好快倒數，然後停留在6分。
（關於這些幾多分鐘的轉變，老實說我不太記得，也因為距離遠而看不清楚，但我肯定有見過第一班車要7分的一刻。）
其時，月台上乘客越積越多，顯示由6分轉到5分，幾秒內再轉到4分，之後就係「堅」的，真係等好耐先有車到。
月台長不斷叫乘客入返黃線，班車到時，大約第5、6、7卡都「頂閘」，我在第12卡，都上到好似地底部地鐵咁。
列車開出，我見到第1-8卡有大量乘客上唔到車（或目的地係羅湖而冇上車），第5卡排隊位要由職員維持秩序。
大圍、沙田站，有大量乘客落車，列車開出時電梯都未清晒人潮，
而九龍塘、大圍、沙田的月台長旁邊都有一位職員在交談，火炭沒有。
列車在大圍開出時，曾經有一段好短時間，月台係顯示 1.落馬洲(1分)，但車尾經過下一個顯示屏時，轉返做大埔墟。
我在大學站落車，月台顯示下一班大埔墟車於1分鐘後到站。
總括而言，今朝出現以下情況：
一、T824之後往落馬洲的列車比平時遲了最少3分鐘
二、月台顯示屏曾經資訊混亂
三、港鐵係知道出事，有額外人手傳話及維持秩序
唔知有冇板友都經歷到，或者知道發生乜事？:o
歡迎討論或補充。
[ 本帖最後由 DIH 於 2010-11-12 09:22 編輯 ] 我今朝應該早你20分鐘左右 (08:00 @ 九龍塘)
搭既係大埔墟特車
當時都好正常 後車亦無異樣
似乎只係之後半個鐘內出現問題
頁:
[1]