[轉]住馬鞍山真係唔方便 住元朗好過
剛在黃金討論區，看到這篇文章，深感讚同住馬鞍山真係唔方便 住元朗好過
MTR馬鞍山線真係慢到得人驚，乜都要去到大圍轉東鐵線，以前東鐵線有尖東站仲好少少，而家東鐵唔去尖東站仲衰， 過海焗住九龍塘轉車， 之後旺角又要轉， 轉到頭暈，仲要多人得滯唔只等一班車喎！回程仲衰，o係大圍站又上又落。唔好彩唔近MTR的話，又行餐死，或畀多幾蚊小巴/九巴接駁。
總之起左條馬鞍山線，都冇咩特別方便左，係來往大圍、城河東一帶好左，唔使再挨垃圾綠巴803或天價九巴81C/86C，出市區就同十幾年前都係一樣，要o係九龍塘人迫人咁轉車，跟著旺角又轉。圍返時間，同以前87K去大學站再轉東鐵差冇幾，返馬鞍山的話，隨時去大學站轉87K，仲快過大圍轉馬鞍山線。
過海巴士681/680X係快， 但只限非繁忙時間,，早繁由馬鞍山出中環都要一個鐘，過八點三老隧口就塞，過左海東區走廊就由北角一路慢慢塞出灣仔，落雨天就更塞，試過八點四上車， 九點八先到中環， 而且車費貴，$19 。
反而元朗個邊，西鐵線真係好快好方便，有成南昌、美孚、尖東三個有效轉車站，三個站都係轉一次車就過到海出中環，係要行一段路，但西鐵站少，轉車次數又少，比起轉到阿媽都唔認得既馬鞍山線+東鐵線+觀塘線+荃灣線，真係又快又方便
仲未計西鐵線區內有完善免費接駁來往港鐵站，馬鞍山冇
仲仲未計968同大量合法非法村巴。 原本沙中線就係黎造福馬鞍山人
鬼叫九鐵/港鐵點都要東鐵過海咁白痴
第日沙紅線開左係紅磡轉東鐵過海一定比而家仲衰(加多鑽石山+土瓜灣馬頭圍何文田+東鐵轉紅磡過海巴人+西鐵人)
跟住仲要整條[屯門-九龍-馬鞍山]咁荒謬既路線出黎先至好野
除左東鐵沿線同荃灣線受惠外全部都loser 講左幾次, 都係要講多次: 你睇人好, 人睇你好!
1. 又唔計下元朗去旺角, 尖沙咀, 中環要幾錢?
2. 又唔計埋新界西北多數人都要轉輕鐵, 既要腳程又要時間!
3. 如果 681/680X 係塞同貴, 咁 968 一樣可以係唔夠載, 全程企同車程長 ..........
我諗咁講落去, 其實各區都有交通唔好的理由. 問題只係, 如果你有條件搬的話, 大可搵個合你條件的地方住 (你想平定快?). 如果冇的, 就慳番唔使諗 :( 原帖由 h2o 於 2010-11-24 17:48 發表 http://www.hkitalk.net/HKiTalk2/images/common/back.gif
講左幾次, 都係要講多次: 你睇人好, 人睇你好!
1. 又唔計下元朗去旺角, 尖沙咀, 中環要幾錢?
2. 又唔計埋新界西北多數人都要轉輕鐵, 既要腳程又要時間!
3. 如果 681/680X 係塞同貴, 咁 968 一樣可以係唔夠載, 全 ...
如果計元朗, 除左1.車費(往九龍市區及過海)普遍貴過馬鞍山外,
(出沙田搭269D要$14.5, 往觀塘搭268C $16.5)
2.同3.係元朗(以住係市中心的元朗西巴總附近計算)都唔係咩大問題,
例如由朗屏站行返去大棠路都只不過係5-10分鐘之內步程,
而3.除非住係元朗西鐵站附近/YOHO TOWN,
否則住係元朗西巴士總站附近,
真係搭咩巴士都有位坐, 行去西鐵站近, 食肆又多又平......
若果返工返中西區, 的確係住元朗搭968著數過680X/681好多,
968去上環信德中心, 以頭兩站計算, 35-40分鐘就得,
而平日朝早上環往灣仔方向的塞車時間應該無紅隧/告士打道果邊咁又早出現~
不過都唔好忽略馬鞍山出觀塘/港島東區比元朗果邊方便好多:lol
尤其係巴士果邊, 馬鞍山有89D/682,
如果住元朗返港島東區, 一係搭西鐵去紅磡轉隧巴 ,
一係就搭968係上環轉地鐵 (最貴但最有機會全程有位坐)
(唔知元朗區有無村巴去港島東呢:lol)
仲有馬鞍山係馬鐵/將來東西線的總站,
增加車卡後有位坐的機會更大大增加,
元朗果邊搭鐵路出市區? 企足全程吧:lol
所以其實住係邊都好, 在交通上都有該地區的獨特優勢,
亦即係你講的 - 你睇我好, 我睇你好~
就算係極度依賴鐵路的上水區, 我都可以話果度返大陸方便,
配合現今北上工作的大趨勢XD
不過上水去東九龍/港島中西區/荃灣區就真係無元朗同馬鞍山有咁多彈性,
去某地方都可以揀一程過的巴士路線:L
但如果再數交通再差D的地區, 我諗葵涌(石蔭,安蔭,石籬)果邊應該仲差吧,
離地鐵站又唔近, 巴士服務又唔係好好......
(特別係出晒名繁時供不應求+脫班的38/42C)
而港島南區無地鐵就仲大鑊,塞車都要焗搭巴士;P 自從有咗大欖隧道及西鐵, 元朗確係方便咗好多
馬鞍山又唔可以同元朗比,
如果用大陸果套行政規劃去比喻
元朗算係一個鎮級區劃, 而馬鞍山只係一個鎮下的所屬社區
如果要比, 用天水圍同馬鞍山去相比會對稱d
不過, 話說回來, 新界東/北的公路和鐵路交通的確係食柴d 無人迫佢搭鐵路架喎，又唔計下85C同268B票價相差足足九元正？
以上例子正正是屯馬鐵路的巴士版。
以為自己係日本人，只可以搭鐵路？;P
沙中線係有需要盡快興建，咁起咪有沙中線就馬鞍山好過元朗N倍？世事有咁簡單就好囉。 原帖由 mckhgc 於 2010-11-24 13:44 發表 http://www.hkitalk.net/HKiTalk2/images/common/back.gif
回程仲衰，o係大圍站又上又落。唔好彩唔近MTR的話，又行餐死，或畀多幾蚊小巴/九巴接駁。
反而元朗個邊，西鐵線真係好快好方便，有成南昌、美孚、尖東三個有效轉車站，三個站都係轉一次車就過到海出中環，係要行一段路，但西鐵站少，轉車次數又少，比起轉到阿媽都唔認得既馬鞍山線+東鐵線+觀塘線+荃灣線，真係又快又方便
仲未計西鐵線區內有完善免費接駁來往港鐵站，馬鞍山冇
老實講，返工返中環，係人都知住邊條線最方便。
有條件有得揀既，我好肯定無論馬鞍山定元朗都唔係好既選擇。
銀行無錢，買又買唔起，租又租唔起黃金地段既，講黎都多餘。我建議 (1) 轉工 (2) 接受現實。 原帖由 ahbong 於 2010-11-24 23:37 發表 http://www.hkitalk.net/HKiTalk2/images/common/back.gif
老實講，返工返中環，係人都知住邊條線最方便。
有條件有得揀既，我好肯定無論馬鞍山定元朗都唔係好既選擇。
銀行無錢，買又買唔起，租又租唔起黃金地段既，講黎都多餘。我建議 (1) 轉工 (2) 接受現實。 ...
今次真係不得不認同你! 在下都係住馬鞍山, 自從九龍南線通車, 搭港鐵出港島返工真係轉車轉到好鬼灰.
首先點行法都要轉四次車 (以前往單純港島線車站如上環/ 灣仔計), 二來行邊條路都令人不快. :@
行荃灣線? 九龍塘/ 旺角迫兩次沙甸魚.
行紅磡/ 尖東? 成日夾唔到月台轉車, 一係跑上跑落轉月台, 一係閒閒地呆等十分鐘.
行東隧? 兜餐飽都未去到.
所以我而家寧願搭東鐵到旺角東轉 905 出上環, 只要轉兩次車. :victory:
至次點解唔搭 680x/ 681 呢? 樓主已經講左.
而我有時諗, 既然東鐵馬鐵乘客被剝奪 "尖東/ 尖沙咀" 呢組轉車站, 況且沙紅/ 沙中線落成無期 (有沙紅線就可以由烏溪沙直達尖東嘛), 如果港鐵可以俾返 "旺角東/ 旺角" 轉車站我地做安慰獎都好丫. :loveliness:
[ 本帖最後由 JC3987 於 2010-11-25 02:00 編輯 ]