今朝港鐵救番我 ...
10 點鐘要出到紅磡9 點2重係天北
諗住答巴士過去, 大欖轉車
但係不幸走左架巴士, 等第二架就要兩個字後
肯定無可能7 個字出到去
把手一横飛去西鐵站
around 半個鐘到紅磡, :L:L 唔洗遲到比個客壞印象 原帖由 leemeilai 於 2011-3-21 12:48 發表 http://www.hkitalk.net/HKiTalk2/images/common/back.gif
10 點鐘要出到紅磡
9 點2重係天北
諗住答巴士過去, 大欖轉車
但係不幸走左架巴士, 等第二架就要兩個字後
肯定無可能7 個字出到去
把手一横飛去西鐵站
around 半個鐘到紅磡, :L:L 唔洗遲到比個客壞印象 ... 只預留五十分鐘時間由天水圍北乘搭巴士前往紅磡站未免太緊迫吧。 原帖由 leemeilai 於 2011-3-21 12:48 發表 http://hkitalk.net/HKiTalk2/images/common/back.gif
10 點鐘要出到紅磡
9 點2重係天北
諗住答巴士過去, 大欖轉車
但係不幸走左架巴士, 等第二架就要兩個字後
肯定無可能7 個字出到去
把手一横飛去西鐵站
around 半個鐘到紅磡, :L:L 唔洗遲到比個客壞印象 ... 你依篇文想講咩?我覺得你寫緊日記lo 原帖由 YC 於 2011-3-21 13:13 發表 http://www.hkitalk.net/HKiTalk2/images/common/back.gif
只預留五十分鐘時間由天水圍北乘搭巴士前往紅磡站未免太緊迫吧。
因為之前有d 野整緊, 所以整晏左, 係我就唔岩時間
如果唔係我都會早一兩個字去答西鐵
因為都擔心巴士佐敦去尖沙咀一段會塞 原帖由 nr5800 於 2011-3-21 13:39 發表 http://www.hkitalk.net/HKiTalk2/images/common/back.gif
你依篇文想講咩?我覺得你寫緊日記lo
咁又唔係日記既, 只係一個小小分享
想講 , 有時答鐵路真係容易控制時間d , 較少受到外圍因素拖慢行程 原帖由 leemeilai 於 2011-3-21 13:55 發表 http://www.hkitalk.net/HKiTalk2/images/common/back.gif
咁又唔係日記既, 只係一個小小分享
想講 , 有時答鐵路真係容易控制時間d , 較少受到外圍因素拖慢行程
只係你個分享對其他站友有幾大意義?
討論價值方面亦係偏低 原帖由 leemeilai 於 2011-3-21 13:55 發表 http://www.hkitalk.net/HKiTalk2/images/common/back.gif
咁又唔係日記既, 只係一個小小分享
想講 , 有時答鐵路真係容易控制時間d , 較少受到外圍因素拖慢行程
又唔好咁講，今朝觀塘線都出少咗車，所以鐵路都唔係100%做到準時，好睇其他因素（例如天氣，落雨超多人，行車又慢d）。 原帖由 leemeilai 於 2011-3-21 12:48 發表 http://hkitalk.net/HKiTalk2/images/common/back.gif
10 點鐘要出到紅磡
9 點2重係天北
諗住答巴士過去, 大欖轉車
但係不幸走左架巴士, 等第二架就要兩個字後
肯定無可能7 個字出到去
把手一横飛去西鐵站
around 半個鐘到紅磡, :L:L 唔洗遲到比個客壞印象 ...
基本上得一粒鐘時間仲走去搭268/9B同玩自己無分別，269B講緊全程要90分鐘，非繁時大約70分鐘喇。我上兩個星期由天頌->觀音街，全程順燈兼無塞車剩車程都要60分鐘，最重要係268/9B兩條線都唔密。 其實不嬲都覺得，鐵路比巴士，唔算係100%無缺點，但優勢係壓倒性的多。
以前小弟寫落篇文，一直未有發表，而家都係時候post了(如貼去B2，保證罵戰，同埋長文注意)
(以下係以香港既重鐵同專利巴士黎講)
1.準時：係！鐵路會有延誤、故障，但遠遠冇巴士咁常見咁普遍，而且鐵路一有咩風吹草動，新聞幾乎一定報，因為鐵路延誤而返工/返學遲到，都有多D籌碼向公司/學校求情，巴士延誤、脫班？邊個知？邊個理？
巴士始終受太多內在外在因素影嚮，如司機駕駛態度、車型、上落乘客數量、天氣、路面情況(修路、封路、燈位、其他道路使用者數量、有冇撞車壞車阻路....).....，絕冇可能有鐵路咁準時可靠。而且巴士班次普遍冇鐵路咁密，一旦有事故，又或是司機病假又冇替工，引致收車、脫班，延誤程度幾乎一定比鐵路嚴重。
巴士脫班，等半粒鐘甚至更耐，家常便飯，唔係奇事；鐵路等半粒鐘？第日唔上晒全港報紙頭條？港鐵敢話自己準時率99.9%，有邊間巴士公司敢講自己準時率係幾多？
2.班次：即使無延誤，巴士班次普遍不及鐵路頻密，鐵路非繁時班次，都密過好多巴士線既繁時班次。某D人成日話西鐵線、東涌線非繁時7-10分一班係「疏」，慘得過好多「密車」巴士線，即使繁時都係咁上下.....
3.安全：鐵路唯一會引致乘客喪命既意外，只有等車時墮軌(不論畀人推定自己企唔穩...)，但而家唔少鐵路站都有月台幕/閘門，呢個問題已解決一大半，而且你可以選擇企o係較遠離月台邊位置。
巴士呢，一樣有可能等車時跌出馬路，巴士站有冇幕/閘門呢？亦唔可以畀你企o係較遠離馬路邊位置(以大部份巴士站而言，除非你甘願做最後上車既一個)，就算唔係自己仆出去，都可能有車剷上巴士站；鐵路，又會唔會有列車或任何物體剷上月台呢？
上到車，巴士可能有奪命車禍，灣仔杜老誌道翻車、將軍澳翻車、汀九碌落山.....。鐵路，試過行車途中有意外令乘客喪命嗎？
4.收費：鐵路唔一定平過巴士，收費亦非絕對合理，但鐵路收費較巴士簡單又公道。除機場快線外，其餘各線，只要入/出閘車站、車廂等級(東鐵線)、車票種類相同，收費就一定相同，唔會計你當中搭邊條線、邊個站轉車、搭既列車邊度開出、邊度做總站....。即使特快線，都係同價，例如中環<->荔景，不論搭較快既東涌線，定較慢既荃灣線，都係同價；又例如美孚<->南昌，不論搭較快且免轉車既西鐵線，定較慢且要轉車既荃灣線+東涌線，都係同價。
巴士收費複雜又混賬。兜少D路加個X字就話特快線，可以收貴，兜到阿媽唔認得又話車程長，又收貴。絕大部份路線一上車就當你搭足全程，收足全費，昔日就有大量中學生，冇選擇下，被逼搭81C/86C，由馬鞍山去沙田城河東一帶返學放學，可憐佢地要畀足去九龍既全程車費(你話九巴呢度謀左幾多暴利？)，鐵路(馬鐵)一通車，此問題即迎刃而解，兩鐵合併後，還有學生優惠。
即使有分段收費，但又常有同路程同服務，但唔同價既唔公平收費，例如沙田市中心出發，去穗禾苑，80M同81K根本一模一樣，但80M $4.8，81K $3.9；去博康沙角，81K、47X、E42又係一模一樣，但就有$3.9、$5、$6.3三種收費。類似同路同服務唔同價例子，多如恆河沙數。
大時大節，鐵路通頂服務，都係照常收費，絕無掠水。同時巴士做緊乜？，開一堆所謂「節日特別通宵線」，收費往往較相若既常規路線貴得多，斬到你一頸血囉。
仲未計鐵路有12-25本地全日制學生優惠。
5.支援：搭巴士，上到車，先發覺冇帶八仔，或八仔冇錢、壞卡，身上又冇足夠神沙，或夜蘭人靜時中途站等車，唔知尾班車走左未，都唔知死等定打的好(常見例子：城隧轉車站)....有邊個幫到你？係冇呀！！搭過龍、搭錯車？畀多程錢轉車啦(除左少數有轉乘優惠情況)，如果落車後搵到合適路線的話！
搭鐵路遇同樣情況，有一站式支援，有關八仔問題？客務中心幫到你，冇現金增值？幾乎站站有提款機，就算情況壞到連「才禁」提款機都「才禁」唔到，只要夠錢買一張單程票就得，有唱錢有找錢，無須神沙。夜蘭人靜時唔知尾班車走左未？點會唔知？車站有廣播、可以去客務中心問，又或者根本連個車站入口都落左閘了。搭過龍、搭錯車？免費回頭車。
6.認站落車：搭慣搭熟就大家差唔多，人生路不熟的話，鐵路明顯比巴士容易知道邊個站落車。唔好拗話咩九巴有報站，o個部野根本完全唔可靠，全靠司機人手按掣報站，班友錯按/漏按/亂按，屢見不鮮(呢樣我唔怪佢，始終佢要顧既野實在太多)，有時又唔知點解直情冇開，唔熟路旨意佢就死得。城新就仲死，報站機「測試」多年仍未正式運作。仲未計巴士站命名有幾混亂，幾個站一個名，一個站幾個名、站牌/報站機/網頁/路線紙站名版本不一致、唔係總站又叫總站.......同埋萬一落錯車，又回到5既情況...
7.鐵路只要畀$10(原站出閘)或通常$4既最低車費(隔一個站出閘)，就可2.5粒鐘內任縱橫(除機場快線)，無無聊聊牛河又得，逐站同人隔閘交收物品又得。巴士？
回復 9# 的帖子
其他 point 我無意見，我亦都試過一上到巴士無耐睇倒有唔對路o既情況就落車跑去坐西鐵最後竟然唔使遲到o既例子，不過：原帖由 mckhgc 於 2011-3-21 15:07 發表 http://www.hkitalk.net/HKiTalk2/images/common/back.gif
7.鐵路只要畀$10(原站出閘)或通常$4既最低車費(隔一個站出閘)，就可2.5粒鐘內任縱橫(除機場快線)，無無聊聊牛河又得，逐站同人隔閘交收物品又得。巴士？
我覺得只係港鐵受制於其網絡範圍內一o的往來極端站位o既例子先容許你遊足 2.5 小時出閘都只係 $1.4/$2.8，唔係港鐵認同你可以俾 $1.4/$2.8 任坐。
車票發出條件都有寫：
「……所有乘客進入已付車費區域後，須在合理可行的情況下，盡速登上第一班到站的列車前往目的地，並須在入閘後150分鐘內完成車程，透過出閘機離開已付車費區域。……」
唔計機場快線，已知最長o既官方車程大約係 80-90 分鐘（e.g. 落馬洲去柴灣 84 min.）左右，額外俾多成個鐘你去完成 le 段路程算係仁至義盡。
[ 本帖最後由 ATE24 於 2011-3-22 07:12 編輯 ]