東鐵線列車總站提示
有冇人覺得東鐵線列車總站提示播得太密?例如北行列車,個個站都提你兩,三次"本班車以XX為終點站,往XX至XXo既乘客請o係XX站轉車".有時除左用預錄廣播,車長仲要用咪講多幾次,驚死人地搭錯車會鬧佢咁.
另外,小弟有時會搭早上08:02由火炭往旺角東班車,計埋月台廣播的話成程車聽左成廿次"本班車以旺角東為終點站.往紅磡o既乘客請等候下一班車/於九龍塘站轉車".真係好煩...
其實每停一個站,o係月台同車廂播一次"本班車以XX為終點站",個人覺得已經足夠. 算啦...要搭錯既，講十幾次都係聽唔到....
仲要欣賞D車長/月台長既英文...而且最重要既普通話佢地又唔講/唔識講...
(始終東鐵綫往羅湖/落馬洲都有一半係內地人卦....冇一半都有三成啦...沿途唔過境既..駛乜理往羅湖定落馬洲呀？？最重要唔係往沙田/往馬場/往大埔墟 JE)，你唔用普通話，車長講幾多次都冇用...
回復 1# 的帖子
呢類濫發廣播成日阻住我收聽新聞直線 通常有人真係搭錯車的話，係在列車關門後見到車廂走馬燈先知道，廣播的效用可見一斑。;P 原帖由 DIH 於 2011-4-10 10:58 AM 發表 http://www.hkitalk.net/HKiTalk2/images/common/back.gif通常有人真係搭錯車的話，係在列車關門後見到車廂走馬燈先知道，廣播的效用可見一斑。;P
根本你做幾多次廣播﹐都係有人會上錯車﹐話MTR 有問題架啦﹐香港人特色:L
但係實情﹐他們係唔會睇班次電子版﹐上車聽MP3﹐打機﹐有什麼廣播都會聽唔到﹐對於他們來說﹐廣播有鬼用。:L
唔好講東鐵﹐大家繁忙時間去青衣(大嶼山方向月台)﹐看看青衣特車﹐每一個黃昏繁忙時間﹐有幾多人要由月台職員請他們離開車廂﹐又幾多人可以青衣上車再被人叫番落車。;P
答案係﹐黃昏時段﹐差不多每一班青衣特車都有人要月台職員請他們下車。:P
正因如此﹐所以青衣車便會由香港開出後﹐每一個站都會用最短時間上落﹐在荔景唔會等對面荃灣線轉車的人﹐即使對面荃灣線的車已經停定準備開門﹐青衣車都係會照關門開車的﹐相反東涌車係會等埋這班轉車客才會關門開車。以便部車去到青衣有更多時間供月台職員清客﹐不會停站太耐影響下一班東涌車入青衣站。
[ 本帖最後由 kei_hk 於 2011-4-10 11:21 編輯 ] 其實而家月台播勁多次"本班列車以xx為終點站",
都有大把人唔睇月台顯示屏, 唔聽廣播就走上車
一陣火車唔播多d廣播,
實會有大把人投訴指示唔清晰… 而家將軍澳線往將軍澳方向都係四個站車程播3次終點站+轉車PA，油塘同之後既站月台又會播PA，應該又係驚人上錯車，但感覺有少少過密 原帖由 wong099 於 2011-4-10 16:33 發表 http://www.hkitalk.net/HKiTalk2/images/common/back.gif
而家將軍澳線往將軍澳方向都係四個站車程播3次終點站+轉車PA，油塘同之後既站月台又會播PA，應該又係驚人上錯車，但感覺有少少過密
而家巿區線乘客被寵慣1個月台只有1個方向1個總站，真係唔見輕鐵有人投訴喎！
定係投訴果班人根本係巿區人眼盲耳聾見車就上就走去投訴呢？ 原帖由 toyl 於 2011-4-10 18:16 發表 http://www.hkitalk.net/HKiTalk2/images/common/back.gif
而家巿區線乘客被寵慣1個月台只有1個方向1個總站，真係唔見輕鐵有人投訴喎！
定係投訴果班人根本係巿區人眼盲耳聾見車就上就走去投訴呢？
乜近期仲有人投訴將軍澳線咩？ 我逢週六搭0931那班大埔墟車內只有人手廣播。司機完全不說普通話，間中幾個站會說英文。
[ 本帖最後由 miklcct 於 2011-4-10 19:31 編輯 ]