原九鐵站的站員，對八仔票務問題一塌糊塗
以下係兩鐵合併後，我o係某原九鐵站(下稱U站)客務中心，處理八仔問題時既真實經歷：1：08年初，兩鐵合併後不久，我既個人八仔壞了，係完全冇反應，連餘額幾多都唔知o個隻，拎去U站客務中心攪，獲發紙仔，若干日後去同一站取新八仔同卡內餘款。我去取卡時，佢問我要封「信」，我話冇信畀過我喎，唔係憑張紙仔同ID就拎得咩？佢死都係話有封信，當時趕時間，唔同佢拗。之後打去八仔CS，八仔CS話咁既情況係冇信，憑張紙仔同ID就拎得，我話U站個站員堅持話有信，八仔CS細細聲吟左句「合併後佢地唔係咁清楚啦」(此話何解？睇黎背後大有文章)。之後再去U站拎過，今次佢冇問我要信，放左我張ID同一疊待領個人八仔上檯，望下ID，又望下疊八仔，見唔係我既，揭下一張，然後又望下ID，又望下疊八仔，揭下一張........不斷重複，唔使每次見張八仔唔係我，都要再望一次我張ID下哇？最離譜係部份待領個人八仔有相，相中人明顯唔係我(如：係校服學生妹，而我係一個點睇都唔似係中學生既男性)，佢都仲唔即揭下張，仲要「對」下我張ID至揭！跟著我話「我o個張冇相架，你見到有相o個D一定唔係我架，唔使對啦」，佢：「哦哦哦」，但意見接受，態度照舊，依然係張張八仔，有相冇相，相中人係老係幼係男係女，都要「對」下ID至揭下一張！ 如是者，幾乎到最底一張至係我。
2：早兩個月既事，又係八仔全壞，又係去U站攪，佢放張野上感應器，冇反應，然後將張野反轉、扭轉、直擺、橫擺......喂，張野係得既，一擺上去就得，係唔得既，你點反點擺都唔得啦下話？跟著當然又寫紙仔，佢問我張野有冇「特別功能」 ，我唸要問既咩？好似上次都冇問，我答佢有日日賞同自動增值，佢就o係張紙仔寫上「 日日賞 自動增值」，話：「你話有呢D特別功能，咁我照寫上去啦」，喂，如果程序上係要咁做既，你使乜寫完又同我講？感覺上，佢係根本唔知個程序係咪要咁做，對自己呢下動作好冇信心，都唔知應唔應該做咁樣，而佢亦冇提過話有呢D「特別功能」既八仔壞左，作為user既我，有咩要注意同要處理。真係咁邪，同日，又壞另一張八仔，又係一樣壞法，呢次拎去某原地鐵站攪，個站員一放張野上感應器，見冇反應，即寫紙仔，完全冇將張野反黎反去，亦冇問我有咩特別功能。同之前U站既雞手鴨腳，大相徑庭。
3：早幾日前，我一張封存幾年既特別版八仔，入閘時閘機唔畀過，顯示「請往票務處」，又係拎去U站攪，佢check過後，好悔氣咁話「過晒期啦喎！用唔到喇！」我問咁可以點，「冇架啦！用唔到啦！」。好，算，拎返張野，去某原地鐵站攪，禮貌同態度就係差唔多咁「好」架喇，但我問佢可以點時，佢就話增值就可以用返，結果增$100後攪掂。
雖然，以上三次都係發生o係U站，我唔肯定係咪剩係U站有咁既問題，但從八仔CS一句「合併後佢地唔係咁清楚啦」，加上Case 2,3入面，原地鐵站員爽快利落/提出增值就可用得既明顯對比，似乎係成個原九鐵網絡既問題。但無論如何，八仔早在兩鐵合併前十年的1997年，已經在地鐵九鐵通用，九鐵站員一樣要處理八仔票務問題，而絕非兩鐵合併後，才出現於原九鐵網絡既新事物，點解合併後，會變到好似懵左咁？
本來九鐵站員予我既印象係比地鐵既好，雖然唔算好好態度好有禮貌，但點冇地鐵既咁冷漠，而家.......:L態度差晒唔在講，仲連處理失效八仔呢D日日都唔知幾多單既基本野，都好似唔多識做咁:@。
亦在此建意各位站友，除增值外，其他八仔問題，盡可能勿往原九鐵站處理。
邊個係U站？可能係全港最簡陋既重鐵站~~
[ 本帖最後由 mckhgc 於 2011-7-2 19:46 編輯 ] U = University ?:o 樓主真係唔好彩，成日壞咭又成日遇上不如意的服務，本人深表同情，但我經歷少真係講唔出乜野。
我張個人八達通（有相）由2002年用到而家都只係有一次失常，在地鐵站內出唔到閘，好快搞掂。
有一次在U站入閘，因為人多，我過機時冇嘟聲而道閘郁到，我照入，但諗落唔對路，驚出閘時有麻煩，
我就直接去U站客務中心，同佢講我懷疑張咭未入閘，佢好快同我搞掂，返到屋企出閘時都冇問題。
撇開職員態度不談，樓主張咭成日壞（幾年內壞兩次我認為係成日壞），會唔會因為係較早期的產品？ U站嘅客務中心我都用過幾次，通常都係影車時去增值，係有一次因為我唔明某啲坐頭等嘅條款而去問。
我問後職員都能對答如流，唔知係人嘅問題定八仔嘅問題，但係我用過幾次就唔覺呢個站嘅職員特別差。 原帖由 DIH 於 2011-7-2 17:38 發表 http://www.hkitalk.net/HKiTalk2/images/common/back.gif
樓主真係唔好彩，成日壞咭又成日遇上不如意的服務，本人深表同情，但我經歷少真係講唔出乜野。
我張個人八達通（有相）由2002年用到而家都只係有一次失常，在地鐵站內出唔到閘，好快搞掂。
有一次在U站入閘，因為人多，我過機時冇嘟聲而道閘郁到，我照入，但諗落唔對路，驚出閘時有麻煩，
我就直接去U站客務中心，同佢講我懷疑張咭未入閘，佢好快同我搞掂，返到屋企出閘時都冇問題。
撇開職員態度不談，樓主張咭成日壞（幾年內壞兩次我認為係成日壞），會唔會因為係較早期的產品？
非也，剛剛相反，早期既反而唔易壞
我壞過既八仔，而我又記得既
1.個人八仔(上面事件1既卡)，99年9月發卡，08年初死亡，約8年半，最早期既一張，反而最長命。
2.個人八仔(上面事件2既卡)，09年5月發卡，11年4月死亡，接近2年
3.不記名普通八仔(上面事件2既另一卡)，唔記得幾時買，11年4月死亡，唔知用左幾耐，但應該唔超過5年
4.citibank八仔信用卡，08年10月發卡，約11年初死亡，2年幾貨仔
咁講，除左以上事例，我試過o係U站拎新個人八仔，都好快好順利攪掂，冇出現過上面case 1既發傻行為
如果再有下次，姑且去非U站既其他原九鐵車站攪，睇下又點。
題外話一講，有冇師兄知道，呢個U站既A出口既 3 部閘機，係咪唔可以用磁性車票入閘既(出閘就冇問題)？我試過最少 3 次，用MTR club 400分既飛，用U站既A出口閘機入閘，例係入唔到，跟手拎上隔離C出口個客務中心問，就次次都話張飛冇問題，試下C出口既閘機啦，哈，又得喎。再睇下U站既設計，A出口一片荒蕪，售票機都冇，咁A出口既閘機，入閘方向既磁性車票部份，真係可能十世都未必有人用到，會唔會因為係咁，所以壞左都冇人知，或知都廢事整？ 原帖由 mckhgc 於 2011-7-2 19:10 發表 http://www.hkitalk.net/HKiTalk2/images/common/back.gif
題外話一講，有冇師兄知道，呢個U站既A出口既 3 部閘機，係咪唔可以用磁性車票入閘既(出閘就冇問題)？我試過最少 3 次，用MTR club 400分既飛，用U站既A出口閘機入閘，例係入唔到，跟手拎上隔離C出口個客務中心問，就次次都話張飛冇問題，試下C出口既閘機啦，哈，又得喎。再睇下U站既設計，A出口一片荒蕪，售票機都冇，咁A出口既閘機，入閘方向既磁性車票部份，真係可能十世都未必有人用到，會唔會因為係咁，所以壞左都冇人知，或知都廢事整？
U站A口，之前有一段時間中間閘機（入閘）八仔總係唔得，但個個都係過隔籬入到就算，
無人投訴聯員就唔知唔理，我唔知而家得返係有人整過定係佢自己正常返。
如果係咁，可能要再試下用磁卡入A口，再唔得就去客務中心話以前都試過磁卡入唔到A口，叫佢地了解一下。 原帖由 mckhgc 於 2011-7-2 19:10 發表 http://hkitalk.net/HKiTalk2/images/common/back.gif
非也，剛剛相反，早期既反而唔易壞
我壞過既八仔，而我又記得既
1.個人八仔(上面事件1既卡)，99年9月發卡，08年初死亡，約8年半，最早期既一張，反而最長命。
2.個人八仔(上面事件2既卡)，09年5月發卡，11年4月死亡，接近2年
3.不記名 ...
如果張飛冇問題，但d閘機唔比你過，你可以試下用闊閘機或新式九鐵閘機，成功率達99%
[ 本帖最後由 LOTSZ 於 2011-7-2 22:27 編輯 ] 題外,冇惡意,好奇怪樓主點解壞咁多次卡
小弟張個人學生八達卡00年發卡,11年來冇病冇痛.
屋企4個人亦從來冇壞過卡
係咪放得唔好,壓/屈到? 原帖由 DIH 於 2011-7-2 21:59 發表 http://www.hkitalk.net/HKiTalk2/images/common/back.gif
U站A口，之前有一段時間中間閘機（入閘）八仔總係唔得，但個個都係過隔籬入到就算，
無人投訴聯員就唔知唔理，我唔知而家得返係有人整過定係佢自己正常返。
如果係咁，可能要再試下用磁卡入A口，再唔得就去客務中心話以前都試過磁 ...
講起呢部野, 我諗起有一次繁忙時間排長龍入閘但冇人用中間部機於唔知咩事兼覺得有少少奇怪既情況下 就行中間部機度拍
點知果陣先知果部機壞左, 拍極都拍唔到,
同行的同學若無其事同我講: 「果部野壞ga, 你日日搭車都唔知?」:L(平時走通常搭北行多, 較少搭南行, 較少用A出口)
講起 U 站
有次入閘拍卡拍得太快
前面果個人背襄條帶 kick 住個閘令個閘轉多左一個圈
我入唔到閘唯有去客務中心排長龍
本來諗住佢同我 set 過張卡
點知佢就咁叫我開行李閘入番去 :L
[ 本帖最後由 kks 於 2011-7-2 23:42 編輯 ] 我張8仔之前都經常出/入唔到閘，尤其是舊款滾筒式閘機，新閘機/闊閘機都冇問題，不過我張卡係99年出的個人八達通，最後一次入唔到閘係喺粉嶺站，客務中心的職員整咗一陣就OK，近呢兩年都冇哂事。
不過，我覺得樓主的的遭遇，應該是個別職員的問題，我上次個friend係荃灣西壞卡，那時剛合併不久，職員的效率都很高。