補課與補習？
大家覺得邊個好Ｄ呢？
有時見到有Ｄ學校補課補到好癲，好似今年，年初四已經有人要返學補課…
其實補課有無用呢？
我覺得就一般囉，好睇個老師，因為Ｄ老師真係唔知佢講乜的，有時仲衰到罰 ...
補課要睇下補乜, 如果之前教唔晒, 當然要補, 但如果唔係, 我覺得作用唔大...
我中學政策/傳統, 本身唔太支持有補課o既, 即使我f.5/f.7, 都極少補課, 除左
之後故意去練中文oral 外..因為平時老師, 都有正式時間去教, 而且我會覺得,
教得耐多d, 都唔代表係好d, 平時唔明去問, 已經足夠.....(有d學校f.1都有補課,
都唔知補黎做乜)
而補習, 就要睇下乜形式了, 如有d係特別針對公開試的....教法唔同一般學校的,
我自己會覺得對部分人係有用的...而且人好衰的性格, 要另外俾錢的, 會特別
有心上, 至於私人補習, 我未試過....講唔到... 七年的中學生涯, 小弟補課的次數一隻手數完都仲有剩,
唔計長期蛇王從不教書那些, 就算而家A-level 唔補課一樣
早幾個月教完書...
有時我見其他學校補課補到濫哂, 暑假可以有大半用黎補課,
但教書唔係話時數越長就越好, 好多時講完最基本、最重要的
資料已經可以, 有部份根本可以俾學生自己讀。聽朋友講,
要補課主因係老師講得過份詳細, 或者係上課時間因各種理由
離奇消失而教唔哂書。如果因為咁而要補課, 個起因已經唔正常。
至於補習, 同補課無得比較, 大家本質已經唔同, 前者針對考試,
後者原因五花八門, 但肯定非全為考試。
[ 本帖最後由 kwyeung 於 2006-2-16 00:34 編輯 ] 學校補課應該主要是為了課程進度, 補習則是為了學一些考試技巧及貼題,
而補習社大行其道, 不多不少就是因那些補習名師的貼題資料 原帖由 kwyeung 於 2006-2-16 00:29 發表
七年的中學生涯, 小弟補課的次數一隻手數完都仲有剩,
唔計長期蛇王從不教書那些, 就算而家A-level 唔補課一樣
早幾個月教完書...
有時我見其他學校補課補到濫哂, 暑假可以有大半用黎補課,
但教書唔係話時數越長就越好, 好多時講完最基本、最重要的
資料已經可以, 有部份根本可以俾學生自己讀。聽朋友講,
要補課主因係老師講得過份詳細, 或者係上課時間因各種理由
離奇消失而教唔哂書。如果因為咁而要補課, 個起因已經唔正常。
所以有時就係取決於學生自已學習的主動性
有好多學生都係等老師"畏"佢地
攪到老師不得不補課
講起補課同補習
我記得以前中四暑假都係補課由七月尾已經開始
不過我有班同學需要上街外的補習堂
原因係班同學認為出面俾哂錢,而且出面係講考試技巧(速成),
所以唔想上補課(教書同做習作)而浪費時間
結果有四份三人都"走堂"(我自己從未補過習)
有學生的家長向校長反映補課時間太長
及後,老師開始向這批學生大發雷霆
經過幾年後,老師仍對這批學生感覺到十分憤怒 我學校設導學班,考試成績唔好就要去。F.4,5全班一定要補。
也好ge,提升水平。 我覺得補課作用不大…
學生返去補課全部都係被迫的，
又唔駛自願，
又唔駛交錢，
咁自然返左去補課，
都只係驅殼響課室，
靈魂響屋企…
頁:
[1]