為何九龍南線會如此急急優先興建
現在港鐵興建中的路線，每條也delay再delay，想想對上一次新線通車，已經係2009年的事，當時除了明顯「地產鐵路，為李建造」的康城站外，就是九龍南線了。查<鐵路發展策略2000>，
http://www.thb.gov.hk/tc/psp/publications/transport/publications/rds.pdf
P.17-18，原來當時的新鐵路方案，分了三個階段，分別為
第一階段，港島線延線(北港島線和西港島線)，預計2008至2012年完成
第二階段，沙中線(大圍至鑽石山、東九龍線、第四過海線)，預計2008至2011年完成
第三階段，九龍南環線(後稱九龍南線)，預計2008至2013年完成
還有北環線，無提及第幾階段，但預計2011至2016年完成
但最後結果，大家也知道，
港島線延線只做到西線，而且比預期最遲2012年落成再遲2至3年。北線就2014年仍十劃未有一撇，再過10年的2024年仍機會渺茫。
沙中線，更加離晒大譜，預計2011年落成，居然2012年才動工。
北環線，似乎比北港島線更遙不可及，當年預計最遲2016年完成，但以現在情況看，再10年的2026年也不會有。
唯一如期落成，就只有九龍南線，還要是預計範圍中偏早，預計2008至2013年完成，結果2009年完成。
當年是基於甚麼原因，會令九龍南線打尖急急上馬？請問有否高手知道可以賜教？
題外話，南港島線和觀塘線延線也是特別幸運。該份文件中，南港島線僅在結尾以「長遠發展方案」輕輕帶過，無時間表無定線資料，同樣情況的，就是西部外走廊(堅尼地城<>欣澳<>屯門)、后海灣線、第五過海線、屯門<> 機場線、東西九龍線這些異次元空間物體；至於觀塘線延線，該份文件更是隻字無提，連「長遠發展方案」內的異次元世界物體也不如。但兩者居然在「短短14-15年」間完成，比起同期另一些有齊時間表和定線資料的路線，更早完成。
又是為甚麼呢？這個就好明顯，和堆填區一樣，「地產鐵路，為李建造」，海怡、黃埔塊地如果係公/居屋.....:@
[ 本帖最後由 mckhgc 於 2014-6-12 22:25 編輯 ] 我只會講﹐如果西鐵只到南昌﹐根本係太浪費﹐達不到去到市區的目的。
而拉到紅磡﹐便達到真正的市區﹐可大大舒緩出入市區同天水圍元朗的交通壓力。
另一方面﹐亦可減輕美孚至尖沙咀一段的荃灣線壓力﹐原因西鐵客再不需要在美孚轉車便可去到佐敦及尖沙咀。
同時東涌及青衣荔景的人﹐可坐東涌線於南昌轉西鐵﹐更快到佐敦及尖沙咀﹐同樣地減輕荃灣線的壓力。
唔知係唔係上述因素令到政府很快便做西鐵第2期。
至於沙中線﹐西港島線及南港島線﹐問下貪曾點解提出多年﹐講到會即刻興建﹐但係都拖了好多年才正式批錢動工啦。
不過﹐我都講一句﹐北環線一直都無話落實要起﹐其中一個原因係現時的新界東北發展的配套。即係講﹐而家唔少人反對的新界東北發展﹐只要唔通過便等同北環線唔會起﹐而東北發展絕對不是近一兩年提出的方案﹐在起落馬州支線時已經有此計劃﹐所以才有古洞站的預留位。 我記得維基已經講得好清楚，各個項目各有阻滯，只有九龍南線可上馬，加上九鐵亦願意推動為西鐵吸客。 原帖由 h2o 於 2014-6-12 22:29 發表 http://www.hkitalk.net/HKiTalk2/images/common/back.gif
我記得維基已經講得好清楚，各個項目各有阻滯，只有九龍南線可上馬，加上九鐵亦願意推動為西鐵吸客。 所以如果九龍南線在攪兩鐵合併時興建, 地鐵就一定用荃灣線級東涌線有容量, delay 南線興建. 九龍南線係九鐵項目,當時南線通車前,西鐵係到喉唔到肺,客量偏低,唯有提早興建南線先可谷客!
宜家新鐵路原本可按時間表進行,但政治環境因素可影響興建次序,例如高鐵在本人心目中應在2012-2017完成,南港島線2008-2013完成,但政府一句無高鐵香港就邊緣化要提早興建,本地新鐵路要押後,本人非常不滿 原帖由 kei_hk 於 2014-6-12 22:28 發表 http://www.hkitalk.net/HKiTalk2/images/common/back.gif
我只會講﹐如果西鐵只到南昌﹐根本係太浪費﹐達不到去到市區的目的。
而拉到紅磡﹐便達到真正的市區﹐可大大舒緩出入市區同天水圍元朗的交通壓力。
另一方面﹐亦可減輕美孚至尖沙咀一段的荃灣線壓力﹐原因西鐵客再不需要在美孚轉 ... 只想提一句，「西鐵第二期」係專有名詞，專指現時我們所稱的北環線和港口鐵路貨運站，與九龍南線無關
另附 1994 年「鐵路發展策略」、2000 年「鐵路發展策略 2000」及現時各項目狀態的比較，方便討論 一個兩鐵合併 搞到好多工程都延期進行
尤其是沙中線 為左個兩鐵合併就響度諗埋D咩合拼方案
講到鑽石山站可以平行轉線
當然 一切美夢都響合併之後拉倒重來
如果唔係因為無啦啦要搞兩鐵合併 而家大家一早都舒舒服服坐緊東西線去土瓜灣, 南北線去會展啦 南港島線係曾生選舉時的競選承諾, 所以由當初仲揀緊四幹香港仔段同西/南港島線, 快快手搞左出黎