MK站大堂中央變付費區 朗豪坊往旺中需繞路
http://www.on.cc/hk/bkn/cnt/news/20150807/bkn-20150807002643282-0807_00822_001.html其實點解港鐵一言堂, 都無人話有問題,
點解要將兩個收費區變做一個收費區? 現時旺角站幾好, 點解無啦啦嘥錢要改, 做D擾民同浪費市民同遊客既小動作?
CD果D 通度都唔多人行, 就算合併咗收費區, 都唔會多人行咗好多啫 有說法係方便急＿的巿民可以去洗手間，順便減少閘外等候空間 佢話合併收費區之餘，加三部扶手電梯喎，有幾無啦啦呀？
以旺角站的人流，每層得一條半扶手電梯上大堂。計一計數仲衰過一般島式月台非轉線站。
去過旺角站都應該知要排幾耐先上到去。
小弟都唔記得佐幾耐無搭過扶手電梯，因為行樓梯上仲快趣。 如果可以改善埋 CD 行人隧道既通風度會更好 講兜路﹐其實只係還原基本步﹐重回最初的大堂設計﹐過馬路往返彌敦道2邊的人用番中層(路面與大堂之間)的通道﹐仲可以上落少一層。
如果真係乘車的乘客﹐直情無影響。
應該唔少人遺忘了這條通道的存在﹐以為橫過彌敦道一定要經車站大堂﹐封了之後要兜大路。
講不便﹐只係影響個等人集合位﹐日後又要站頭站尾2邊。
講好處﹐月台會多了上落通道﹐真係處理唔少人流問題。
早年加樓梯﹐已經係其中一項改善之一﹐只係樓梯唔夠自動梯吸引。
據說﹐尖沙咀車站都會有合併車站大堂﹐又係還原基本步﹐變回最初的模樣。
[ 本帖最後由 kei_hk 於 2015-8-7 16:59 編輯 ] 原帖由 053h4 於 2015-8-7 04:46 PM 發表 http://www.hkitalk.net/HKiTalk2/images/common/back.gif
其實港鐵應該減少旺角的出租面積重好啦, 銀行櫃員機應該放係車站四角, 例如改係泡芙個位, 減少其他鋪頭, 比番D路人行, 咁會好D
其實﹐今次大改最主要係想處理往返月台及大堂之間的人流問題﹐唔係大堂本身的人流。
只係唔重新封番大堂中間的「大通道」﹐便沒有位置去增加自動樓梯﹐無法處理往返月台及大堂之間的人流。
上面都已經有人講﹐由月台去大堂的自動梯﹐條人龍長期存在。
當龍尾剛剛入自動梯的範圍﹐下班車又到﹐人流又補充成一條長人龍﹐人龍清的七七八八時﹐下班車又到﹐這個過程不停LOOP。