建議港鐵繼續優化各線班次：
港鐵近幾年已經不斷地加密班次，值得一讚，不過我希望港鐵可以因應狀況繼續微調各線班次，始終有啲時段的班次並唔太吻合個乘客量。
市區四線平日班次（由最近車廠的站起計）：
頭班車至0630：維持現有班次（4-5分鐘或以上）
0630至0715：2.5分鐘一班
開始多人返工，加上個早晨優惠計劃，乘客量顯著增加。
事實上，朝早七點幾未密車嗰陣，市區線都有難以上車嘅情況出現。
0715至0900：最繁忙時段，維持現有班次（最多2分鐘一班）
0900至0945：2.5分鐘一班
已經過咗最繁忙的時段，因為大部分公司一般返0900，返0930會比較少啲，返1000會仲少啲。
如果0900由上行尾站開始搭車，去到市中心都已經係0930，需求一定冇咁大，所以可以早啲疏車少少。
0945至1515：日間非繁忙時段，維持現有班次（3.5分鐘一班）
1515至1730：3分鐘一班（1615-1630前班次比較現時密，1615-1630後班次比現時疏）
呢段時間係放學時間，乘客量會高出非繁忙時段少少，但未到放工時段，所以唔會開好密。
其實咁早就晚繁係冇意思，因為多數公司放工時間係1800，少數放1730，更少數係1700，唔同幾十年前嗰陣，
有留意嘅話1800前搭車其實係好易上到車，轉車站人潮都係1815後先出現。
1730至~2100（大約係接駁至落馬洲尾車的時間）：2分鐘一班（1915後班次比現時密）
呢段係多數市民的放工時間，加埋OT，七至八點後都仲有好多人放工，就算八九點車廂都仲好擠迫，有必要延長晚繁時間。
~2100至~2230（大約係按駁至羅湖尾車的時間）：2.5分鐘一班（星期五晚2.5分鐘時段延長至2330）
已過最多人的放工時間，但因有唔少乘客放工後未必即時返屋企，所以都會有唔少需求，盡可能提供比較密的班次。
~周一至四2230/周五2330後：繼持現有班次（4-5分鐘或以上）
市區四線周六班次（由最近車廠的站起計）：
除2000至2230之間可以加密至3分鐘一班外（現時為4分10秒一班，因為周六晚亦有不少人外出，故乘客量較多），其他時間都的班次不需改動。
而周日假期班次亦不需改動，另外其他東涌線西鐵線馬鞍山線的建議班次安排應該像市區四線般，0715至0900及1730至2100左右提供最密的班次，0630至0715、0900至0945及2100至2230之間提供次密班次。
[ 本帖最後由 gsrc0525 於 2015-8-19 23:05 編輯 ] 那有時間做維修？ 唔知幾時香港可以同倫敦紐約接軌
開24小時服務 (好似Underground咁部分綫逢五六通頂都好)
[ 本帖最後由 busfunfun 於 2015-8-20 14:10 編輯 ] 原帖由 busfunfun 於 2015-8-20 22:08 發表 http://www.hkitalk.net/HKiTalk2/images/common/back.gif
唔知幾時香港可以同倫敦紐約接軌
開24小時服務 (好似Underground咁部分綫逢五六通頂都好)
換來嘅代價，
會唔會係星期六日日間停駛維修？ 原帖由 busfunfun 於 20/8/2015 10:08 PM 發表 http://www.hkitalk.net/HKiTalk2/images/common/back.gif
唔知幾時香港可以同倫敦紐約接軌
我唔知倫敦點做，但紐約好多線都係4軌，而就算唔係4軌（如Manhattan過Queens），因為有咁多條隧道，佢哋可以非繁時改行另一隧道內。呢D香港諗都唔使。 London冇4軌不過開24既代價係執曬全線既票務處
改為全部用車站助理係閘口幫乘客解決問題 其實周末通宵唔係唔得，只係唔好太密，例如20分鐘一班，只要就好曬轉車時間，照計都有捧場客嘅
至於人手方面，係1230～0530上車要俾附加費當俾番人工D staff啫
噤你唔係個個站都通宵嘛，例如欣澳站.......... 原帖由 TommyS58 於 2015-8-27 06:38 PM 發表 http://www.hkitalk.net/HKiTalk2/images/common/back.gif
其實周末通宵唔係唔得，只係唔好太密，例如20分鐘一班，只要就好曬轉車時間，照計都有捧場客嘅
至於人手方面，係1230～0530上車要俾附加費當俾番人工D staff啫
噤你唔係個個站都通宵嘛，例如欣澳站.......... ...
00:30 便收付加費?
咪玩啦﹐平日尾車都未開啦:L
唔好講多﹐中環去荃灣尾車開 00:54 ; 車站開放時間去到01:14﹐自己評估下正常的尾車到站/開出時間。
大窩口去荃灣﹐尾車係 01:22 ﹐你估下 00:30 便開始收附加費﹐有幾多人無辜辜加價:L 其實lunch time都好多人, 特別係港島線
有時真係會上唔到車, 或者夾硬迫上去
結果我宜家金鐘去上環/銅記都係叮叮算
頁:
[1]