Enviro500th Turbo 12m for KMB (長文, 多圖注意)
http://i6.photobucket.com/albums/y206/super-bus/my%20avatar/madokaavatar.png
(麻帆良市時報記者鹿目まどか報導)
由 Alexander Dennis limited (ADL) 嘅前身 TransBus International
喺 2002 年首度推出嘅 Enviro500 三軸空調雙層巴士,
可以話係現時 ADL 最引以為榮嘅 Enviro 巴士產品系列之一,
佢地嘅底盤、車身同車廂內部設計經過多番創新同改良,
加上同九巴嘅合力研發, 以迎合香港各巴士公司唔同嘅運作要求同需要,
Enviro500 喺香港嘅成功更令 ADL 成功地將佢地打入地球嘅另一方--
美加嘅巴士市場, 喺美國嘅大城市例如華盛頓、拉斯維加斯、
三藩市、紐約, 同埋加拿大嘅卑斯省、安大略省等地,
都可以見到 Enviro500 嘅蹤影, 喺市內嘅公交路線行走,
或者作為開蓬觀光車, 接載遊客遊覽市內各地嘅景點。
踏入 2012 年, Enviro500 亦轉眼推出左十年時間,
而骨子裏嘅 Trident 3 型底盤自 1996 年面世至今亦已經有十多年歷史,
ADL 亦為呢款巴士作出全面性嘅改款同革新,
除左車頭設計同 ADL 旗下嘅 Enviro 巴士系列睇齊之外,
底盤亦作出大幅度嘅改良, 並且與 Enviro400 並用更多組件,
令新一代 Enviro500 嘅重量比舊款輕 700 公斤, 新 Enviro 500 配上全新設計嘅 Mark III 車身,
車窗經過重新編排, 成為八個井井有條嘅車窗排列。新 Enviro500 易名為 Trident E500 Turbo, 簡稱 E50D,
亦有稱為 E500NG (Enviro 500 New Generation) 或者 E500 MMC (Major Model Change),
新 E500 沿用上一代使用嘅 Cummis ISL 340B Euro 5 標準 Turbo 引擎,
連接配有 TopoDyn 節能程式嘅 ZF Ecolife 6AP1700B 六前速全自動波箱,
亦可選配 Voith D864 四前速全自動波箱, 車軸就放棄一直使用嘅美國 Dana 出品,
改由 ZF 提供, 並且配有全碟剎車, ABS 同 ASR 系統,
油箱亦使用同 Enviro 400 一樣設計, 以梯形設計, 收藏於上下層上落樓梯嘅底部,
以善用車身底盤同車廂嘅寶貴空間。
九巴由 2012 至今一共訂購超過 1000 部 Enviro500 MMC 巴士, 包括 12m 同 12.8m 版本,
成為香港專營巴士歷史上最大單一型號車隊,
遠遠打破當年由利蘭勝利二型 (Leyland Victory MK2) 立下嘅 540 輛 (G5 - G544) 紀錄。
2015 年 5 月 14 日, 九巴第 500 架 Enviro 500 Turbo 正式出牌並且投入服務,
車身上並且貼有 "Enviro500th Turbo 12m" 嘅字樣,
話比大家知佢就係九巴車隊入面第 500 架 Enviro500 Turbo 12m 巴士。
至今九巴車隊中嘅 Enviro500 Turbo 巴士, 單以 12m 版本計,
已經超過 770 多架, 而且正式投入服務嘅新車數量亦正繼續增長中,
成為九巴車隊中嘅主力車型, 以取代年事已高嘅舊巴士, 同改善服務質素。
今日, 麻帆良市正式歡迎九巴第 500 架 Enviro500 Turbo 巴士登場!!
身為 E500 嘅 Fans, 市長 Super Bus 對呢架第 500 架 E500 Turbo 亦自然無可抗拒,
不過佢亦坦言同公司同款車都有咁多架, 未免太沉悶,
"以前第一二代 E500 出一架就追一架, 依家都冇咁癲啦,
講真依家真車都已經成街都係, 九龍城新鐵甚至中電都有嘅時候,
就算你係幾咁鍾意果款車, 對得多你都會覺得悶啦~"
不過今日適逢市長生日,
呢架九巴第 500 架 E500 巴士就成為左市長最佳嘅生日禮物啦!
Super Bus 仲話, 期待已久嘅龍運 E500 NG 同九巴嘅 E500H ATH1 快將推出,
佢亦都會支持。隨住 E500 NG 推出 Facelift 版本並且已經抵港,
Super Bus 亦表示如果出模型佢都一定會支持, 佢仲話好鍾意新車嘅車身設計,
"有啲人唔鍾意新車嘅設計, 覺得佢樣衰, 我反而覺得佢都唔係好似咁多人講到咁差唧,
係就係科幻感重好多, 真係好似架太空船咁, 不過相比起威巴嘅 Streetdeck,
同 Optare 嘅 Metrodecker, 我反而會更鍾意 ADL 嘅 E400 同 E500 Facelift 版,
覺得佢地更有線條感, 依家周街都係 E500 一式一樣款嘅時候,
真係要有呢款 Facelift E50D 岀嚟衝擊一下~"
隆重歡迎! 九巴第 500 架 Enviro500 Turbo 巴士, 見參!!
http://i6.photobucket.com/albums/y206/super-bus/My%20collection-6/IMG_0242.jpg
http://i6.photobucket.com/albums/y206/super-bus/My%20collection-6/IMG_0243.jpg
http://i6.photobucket.com/albums/y206/super-bus/My%20collection-6/IMG_0245.jpg
http://i6.photobucket.com/albums/y206/super-bus/My%20collection-6/IMG_0246.jpg
證書編號 0079, 全球限量 500 架
http://i6.photobucket.com/albums/y206/super-bus/My%20collection-6/IMG_0248.jpg
正式落地!!
http://i6.photobucket.com/albums/y206/super-bus/My%20collection-6/IMG_0249.jpg
http://i6.photobucket.com/albums/y206/super-bus/My%20collection-6/IMG_0250.jpg
http://i6.photobucket.com/albums/y206/super-bus/My%20collection-6/IMG_0251.jpg
http://i6.photobucket.com/albums/y206/super-bus/My%20collection-6/IMG_0252.jpg
http://i6.photobucket.com/albums/y206/super-bus/My%20collection-6/IMG_0253.jpg
http://i6.photobucket.com/albums/y206/super-bus/My%20collection-6/IMG_0254.jpg
http://i6.photobucket.com/albums/y206/super-bus/My%20collection-6/IMG_0255.jpg
http://i6.photobucket.com/albums/y206/super-bus/My%20collection-6/IMG_0256.jpg
http://i6.photobucket.com/albums/y206/super-bus/My%20collection-6/IMG_0257.jpg
http://i6.photobucket.com/albums/y206/super-bus/My%20collection-6/IMG_0258.jpg
同另一架九巴 E500 MMC 合照
http://i6.photobucket.com/albums/y206/super-bus/My%20collection-6/IMG_0259.jpg
http://i6.photobucket.com/albums/y206/super-bus/My%20collection-6/IMG_0260.jpg
同中巴 ML1 合照, 大家都係行 116 喔~
http://i6.photobucket.com/albums/y206/super-bus/My%20collection-6/IMG_0261.jpg
http://i6.photobucket.com/albums/y206/super-bus/My%20collection-6/IMG_0262.jpg
Super Bus 按: 因為怕比初音對新車發動恐怖襲擊, 小劇場將暫停一次 :O)
隨便幾攝, Thanks for reading~
頁:
[1]