啟德環保連接系統觀塘走線
本帖最後由 syp 於 2016-2-26 19:01 編輯附圖係第一次見以下連結的立法會文件的第 6 頁的樣子, 有關啟德環保連接系統觀塘走線只餘下敬業街走線, 開源道走線不見了。不過今日再撳入去睇, 又見返開源道走線了。究竟只係手民之誤無心之失, 還是透露了什麼玄機呢? :P 大家又認為開源道走線能否落實？ :)
http://www.legco.gov.hk/yr15-16/chinese/panels/dev/papers/dev20160223cb1-600-1-ec.pdf
同LRT有乜分別
我覺得係手民之誤，誤將內定定案放落去（表面話未揀其實已經心有所屬）。
我個人喜歡敬業街走線，行開源道太焗促同烏煙瘴氣。 小弟一向贊成敬業街方案, 但之前咁多次真實世界討論都係開源道方案獲得大比數支持, 而從最新規劃去睇, 敬業街方案又唔係太差, 現時成業街休憩公園會改劃為商貿用途, 而停車場和翠屏河岸會發展為生態公園, 加上敬業街已有一些商廈, 開源道無論路面抑或街道兩旁工廈烏煙瘴氣, 人流如鯽, 若在開源道上興建新鐵路線, 對將來工廈重建帶來一定規限, 新站設於敬業里亦能方便商貿區和麗港城居民, 有效把人流分散到市中心周邊, 只係對轉乘港鐵的乘客帶來不便, 而若能在成業街或觀塘道加建行人天橋系統連接觀塘站, 就能夠解決此問題. 現時連接敬業里和翠屏道的行人天橋, 就是有意改建成新行人系統一部份, 把敬業里.翠屏道.觀塘站巴士總站.觀塘站D出口.翠屏北邨連接起來, 加上啟用不久連接月華街的行人系統, 新站設在敬業里就更加能夠帶動觀塘人流向周邊地區活動, 而不只集中在市中心和開源道一帶.
本帖最後由 LAK2 於 2016-3-3 12:17 編輯
講起就扯火, 開源道走線係靚, 但擺明無位/會阻街,
偏偏所謂咨詢就比商家佬把持, 做到好似好多人支持行開源道...
至於敬業街本身係有位, 但點樣接番入觀塘站又係一個問題
接駁方面可能仲衰過可以搬走消防局既開源道。
再後退一萬步講, 根本直頭唔應該駁入觀塘站/九龍灣站,
依家兩個站已經各自食好多商貿區客, 繁時條條電梯都塞爆,
加上附近又有大量住宅, 就算非繁都有唔少人流
依家要再放條輕鐵做接駁, 觀塘站/九龍灣站唔大改就難以負荷。
明明有個現時相對無咁大壓力、附近空間亦足夠既牛頭角站唔去善用,
適逢倡議之時觀塘工廠大廈、九龍灣工廠大廈、九倉電訊廣場、貨物裝卸區重建,
連同雅麗道花園、海濱道公園用地, 莫講話車站及走線, 放埋車廠都仲得...
再玩盡D, 西面用番舊方案連接啟德站(甚至宋皇臺站), 東面甚至可以接駁藍田站,
咁樣先至可以引到通勤人士使用之餘, 亦可分流現時觀塘站/九龍灣站既擠逼問題。
PS 再睇多次張圖, 如果當局只係想用單線而非網絡模式運作,
可以係中間走線不變, 總站方面以牛頭角站代替九龍灣站、藍田站代替觀塘站
找到B廠介紹innovia 系列投影片以供參考，Monorail 300 為單軌列車.....個人覺得 Innovia Metro 300 (行LIM propulsion) 適合東九龍線
http://www.cifi.it/UplDocumenti/torino12/08%201%20Claudio%20Tavella%20BOMBARDIER.pdf
(內文是意大利文，暫未找到英文版)
據知啱啱先開始深入研究可行性，觀塘二選一走線未咁快有定案，顧問亦可以建議擴充走線去其他地區。
系統模式都未定，不過聽聞之前做過諮詢，
結論係唔傾向揀現代化路面電車，
理由都係佔據已有限嘅路面空間云云。
有呢個講法，好自然地BRT都唔會有機會跑出。
LAK2 發表於 2016-3-3 12:09
講起就扯火, 開源道走線係靚, 但擺明無位/會阻街,
偏偏所謂咨詢就比商家佬把持, 做到好似好多人支持行開源 ...
九龍灣福淘街都仲有位, 至於觀塘站真係無位再塞...
同埋政府根本就唔諗住用黎通勤, 佢主要只係想用黎做旅遊景點
如果純粹係旅遊線
搞觀塘去啟德再去九龍城觀光渡海輪可能仲吸引
前跑道有郵輪碼頭又有商廈, 啟德北有住宅, 九龍灣.觀塘係CBD2, 條鐵就肯定唔係純旅遊觀光用, 九成係想搵啲新嘢擺入去, 叫做有少少獨特性, 引吓其他區的市民同埋遊客得閒去坐下, 有多一種體驗.
頁:
[1]