洪水橋/元朗南EFTS介紹
近期鬧得熱哄哄的橫洲事件, 同時引起市民關注大西北各個新發展區規劃的問題。其中洪水橋同元朗南兩個新發展區, 都有規劃環保連接系統 (EFTS) 做區內連接。洪水橋EFTS (發展大綱圖的綠色粗虛線)
http://www.hsknda.gov.hk/files/rodp/Revised_RODP_500x500.pdf
主線最南方接駁輕鐵泥圍站, 中間先經過東西線洪水橋站的站前廣場, 再順時針經過廈村鄉村式發展的外圍地方, 接近天水圍渠時折向南取道取消後之天影路路段, 直到屏廈路交界轉走洪天路東側, 過東西線高架橋後轉入興建中屏欣苑以西的總站, 接駁東西線天水圍站。主線於鳳降村附迎有一平交道, 有一條支線沿流浮山道伸延到流浮山。這條支線於天華路口會有另一個高架平交道, 有一條支線沿天華路以高架形式接駁輕鐵頌富站。
EFTS主要行經路面, 但於洪水橋站前廣場前後會有下沉路段, 而廈村以北一段走高架。細心留意圖則的虛線, 會見到天華路支線明顯較幼, 好可能係以單線形式行走。整個系統有27個車站, 其中主線22個, 流浮山支線3個, 天華路支線2個。
http://www.epd.gov.hk/eia/register/report/eiareport/eia_2482016/EIA/Figures/02%20-%20Project%20Description/Figure%202.1.pdf
http://www.epd.gov.hk/eia/register/report/eiareport/eia_2482016/EIA/Figures/04%20-%20Noise/FIGURE%204.8.7_TR19A_732.pdf
元朗南EFTS (藍色虛線)
http://www.yuenlongsouth.hk/images/draft_rodp_traffic.jpg
元朗南EFTS只有一條路線, 由天水圍站屏欣苑以西的總站出發, 先有一段同洪水橋EFTS共線。於洪天路的平交道向南行, 橫過青山公路及元朗公路洪天路交匯處, 進入唐人新村一帶的規劃就業地帶及花園城市外圍, 走線大致沿唐人新村路東面一段東行至朗天路交匯處折向南。於山下路過明渠後, 折回北方再沿元朗公路南面走過。於欖堤東路轉入發展區的都會生活區, 深入至接近公庵路為止。這個系統於元朗南發展區內的設站情況不明, 但於洪水橋發展區內, 青山公路以北有5個車站, 其中2個跟洪水橋系統共用。圖則虛線也是用較幼方式表現, 看來也會以單線形式行走。
政府未有指明使用那一種環保運輸系統, 但於洪水橋發展區環評報告有一份名叫EFTS Track Enhancement Reference的文件, 是Rail One公司「綠色」路面軌道的產品介紹。似乎政府比較屬意興建路面電車系統, 而EFTS很大機會會獨立於現時的輕鐵系統運行。
http://www.epd.gov.hk/eia/register/report/eiareport/eia_2482016/EIA/Appendices/04%20-%20Noise/Appendix%204.8.6%20Track%20Enhancement%20Ref.pdf
本帖最後由 20160424 於 2016-9-26 12:13 編輯
多謝分享，留名返屋企慢慢睇
只不過，搞咁多區內發展，唔該搞掂十一號幹線同埋西部外走廊先啦
洪水橋所謂新增既15萬職位遠不及大西北既人口增長，吹到商業地皮面積有4個太古坊咁大
但我唔睇好會引到高增值產業入去，連政府自己都唔肯以身作則搬D副部門總部入去大西北，
住港島既老細鬼得閒山長水遠入去返工，到頭來又係淨返D僧多粥少既基層保安清潔飲食工，
D白領又係搭貴車逼西鐵沙甸魚出市區，公路又飽和，大西北長遠都係唔適合打工仔住
利申:住大西北返港島，計劃未來20年內一定要搬走
同意, 兩個新區加埋近年大量私人樓盤落成, 相信20年後屯門元朗人口會到100萬, 只有一條西鐵同屯門公路+三號幹線, 恐怕到時塞車塞人會十分恐怖
hippohippohippo 發表於 2016-9-26 11:25
同意, 兩個新區加埋近年大量私人樓盤落成, 相信20年後屯門元朗人口會到100萬, 只有一條西鐵同屯門公路+三號 ...
而家大西北人口已經過左100萬好耐，根據政府未來發展策略，洪水橋，元朗南，錦上路一帶完全發展好後，20年後係150萬人
多謝分享!
睇落個網絡最大嘅擔心係唔同現有輕鐵網絡有效地接駁,
照計喺西北區而非其他地區如新界東北搞電車/輕鐵都係為左同現有嘅系統相輔相成啫,
但就咁睇個線路圖, 新路段同現有網絡嘅接駁位好似未構思好,
如天華路 (現有係天橋上面再加個站, 新線接入去會變成T 型路口, 好似屯門站兩端咁?);
如天水圍站 (新線只到站嘅西南面, 同現有喺東面點連接?)
又如元朗南新線, 要兜一輪先去到洪水橋/ 天水圍站,
點解唔搵條直接D 嘅路經十八鄉路一帶出去YOHO/ 元朗站一帶?
leochill 發表於 2016-9-27 10:30
多謝分享!
睇落個網絡最大嘅擔心係唔同現有輕鐵網絡有效地接駁,
照計喺西北區而非其他地區如新界東北搞電 ...
區內明明有輕鐵有搞多個新系統
一個系統唔駛轉車
兩個系統又要轉多次:L
本帖最後由 dogdog002 於 2016-10-22 12:22 編輯
ksmbh 發表於 2016-10-22 02:22
區內明明有輕鐵有搞多個新系統
一個系統唔駛轉車
兩個系統又要轉多次
港鐵都唔想再發展輕鐵
寧願買多幾部巴士都唔買多幾部輕鐵
好似506到而家都仲未變番做輕鐵
已經違背晒原本起輕鐵既原意
可能寧願起過一個新系統好過
leochill 發表於 2016-9-27 10:30
多謝分享!
睇落個網絡最大嘅擔心係唔同現有輕鐵網絡有效地接駁,
照計喺西北區而非其他地區如新界東北搞電 ...
如天華路 (現有係天橋上面再加個站, 新線接入去會變成T 型路口, 好似屯門站兩端咁?);
如天水圍站 (新線只到站嘅西南面, 同現有喺東面點連接?)
又如元朗南新線, 要兜一輪先去到洪水橋/ 天水圍站,
點解唔搵條直接D 嘅路經十八鄉路一帶出去YOHO/ 元朗站一帶?天華路應該係T字型路口了, 而天水圍站應該要使用重鐵車站大堂做接駁。
元朗南接駁元朗站, 規劃建議係用BRT。EFTS似乎係想將區內的就業帶連接去重鐵站同住宅區域,
亦希望元朗南可以共用部份洪水橋的社區設施, 如洪天路以東規劃有新醫院。
ksmbh 發表於 2016-10-22 02:22
區內明明有輕鐵有搞多個新系統
一個系統唔駛轉車
兩個系統又要轉多次
EFTS意向係用路面電車, 制式唔同應該唔能夠做到EFTS同輕鐵共用車輛, 轉車在所難免。
本帖最後由 DIH 於 2016-10-22 21:38 編輯
eternalflame 發表於 2016-10-22 18:05
EFTS意向係用路面電車, 制式唔同應該唔能夠做到EFTS同輕鐵共用車輛, 轉車在所難免。
...
港鐵唔想做輕鐵，但政府又研究一樣同輕鐵相似甚至更慢的交通工具......
既然係咁，點解唔整合埋輕鐵系統度。
聽住先，可能到時變成電容巴士。;P
頁:
[1]
2