[即日]真正太子下一站又係太子 + 列車閃燈報站數問
話說今天小弟由何文田站登車往調景嶺方向（調頭吉車），開車後報站如常報下一站油麻地及轉綫往中環，但路線圖卻只閃何文田燈（即變成黃埔去緊何文田）；
咁我初頭以為只係閃錯燈，不過油麻地開車後（即往旺角途中）廣播又跳返報下一站油麻地及轉綫往中環，:funk:
並閃油麻地紅燈及中環方向橙燈（呢個時候有一位剛上車之伯伯都發現有問題，話架車報錯站等等）。
如是者之後路線圖及報站都係講上一站資料；
所以當太子站閂門，大家所聽到的係「下一站：太子……」;P
由於個人對列車機械不太認識，故現問：
1.路線圖閃燈是否純粹靠車門開關停站自動運作，車長會否得知閃錯燈？
2.駕駛室是否不能聽見車廂廣播（無理由聽得見又唔理佢一直錯掛）？
3.最神奇係點解何文田去油麻地可以正常報下一站油麻地，但之後油麻地去旺角又會跳返報下一站油麻地？
路線圖與廣播有無聯繫？（我只知道廣播未報站資趣台係唔會預早顯示下一站。）
相片為由旺角往太子途中，至到達太子站時仍閃旺角紅燈及荃灣方向橙燈。:lol
當東鐵綫上水尾車係九龍塘站開出後，為咗避免播出「乘客可以轉乘東鐵綫」，所以有兩個做法：
1) 熄路線圖，熄咗就唔會有報站廣播，之後車長改為開金口報站「下一站 九龍塘 Next Station Kowloon Tong」
2) 唔熄路線圖，照播「下一站 九龍塘...」，播到「九龍塘」之後即刻Cut咗佢（無咗「乘客可以轉乘東鐵綫...」）
所以，
路線圖與廣播應該有聯繫，同埋駕駛室應該聽到車廂廣播
本帖最後由 kei_hk 於 2016-12-5 12:37 編輯
1.路線圖閃燈是否純粹靠車門開關停站自動運作，車長會否得知閃錯燈？
2.駕駛室是否不能聽見車廂廣播（無理由聽得見又唔理佢一直錯掛）？
1. 似乎唔係單純靠開關車門去運作﹐或者會有多個模式都唔定。
親身經驗﹐M車。
某日在某站開車﹐開行少少列車未完全離站(估計頭1-2卡離站)﹐有乘客按緊急制﹐司機即時緊急停車。
路線圖當然係已經顯示下一站啦。
而列車等了一陣之後﹐倒車返回月台﹐月台職員處理事故。而倒車後開車門﹐閃燈係自己在正確車站(即係倒行一個車站)﹐之後開車又正常跳下一車站。
2. 應該係聽到的﹐但是否聽得清晰﹐有無心去聽﹐理唔理﹐有無得理便另一回事。
事關﹐youtube 都有人拍片﹐故意偷入非載客掉頭路軌﹐當列車去到正確位置﹐會有廣播話「列車位置正確」(大既字句)﹐這一句好明顯係如司機聽﹐所以駕駛室入面應該係聽到﹐只係未必係清晰。
個人去睇 : 司機日日都聽﹐又知道係自動處理﹐他們未必會真係理廣播內容﹐因為已經係麻木左﹐所以即使係錯左﹐他們都未必短時間內發現。
(唔計算需要人手介入的情況﹐例如轉線站尾車已經開出)
************************************************************************************
巧合地﹐今天觀塘線出問題﹐何文田站掉頭波口故障﹐列車服務分成2段﹐油麻地至調景嶺(4分鐘一班) 及 油麻地至黃埔 (1部車做穿梭10分鐘一班)。
facebook 有影片影到黃埔穿梭車在油麻地轉行車方向時﹐路線圖的閃燈情況。
https://www.facebook.com/MTRiders/videos/1871968226370303/
另問 : 究竟這部穿梭列車﹐係用人手駕駛定係自動駕駛?又話前地鐵線沒有雙向訊號系統﹐點解這部車又可正常速度逆向行走?
頁:
[1]