解決金鐘站逼爆擔憂 或可從中環站及軟件著手
本帖最後由 lsc04d11 於 2016-12-6 20:51 編輯南港島綫通車，個個都擔心金鐘站會逼爆，轉車又要等多班，但個個都係O係D冇乜可能做到/要等幾年先做到既硬件黎解決問題。
(如︰改善荃灣綫信號系統加密班次，勸人OT遲D放工分流喎……)
根據我日日放工都O係金鐘轉車既經驗，我認為其實有方法可在28號已解決(部份)問題，或者叫做減輕問題啦。
-金鐘站上唔到車，但架車開走，總見到中間企多十幾人都得。試過有一次有個大叔好大聲嗌「行入去」，佢自己逼埋入去後，O個道門真係已經可以上多十幾人。
-唔知點解，總有人在金鐘站想落車，要讓佢落車，就O徒左好多時間，門很快又要關了。
-成日叫人去車頭、車尾上車，但車尾其實都係好難上。而主因係中環站設計，車頭會好少人，車尾會聚滿人。
-輪椅客在金鐘站轉往荃灣方向，簡直是不可能的任務。但要他們乘回頭車到中環，已被排隊人士包圍的他們又很難回到升降機處上月台
1. 在繁忙時間不准荃灣綫(往荃灣方向)金鐘落客，只准上客，排隊時唔洗中間整個窿，月台空間可以發揮得好D。(中環往金鐘乘客，請使用港島綫。我個人認為，與其俾港鐵賺，不如自己行過去，唔行？電車囉，5B/10都好方便者)
2. 中環開出列車，在中間條柱至右邊車門，劃出一個「預留空間」，中環上車乘客不得佔用，讓金鐘客起碼可以每道門上番廿幾人。 (金鐘站的月台助理，或調往中環站工作，嚴謹執行)
3. 唔好再叫人去車尾上車喇，唔記得邊個站聽過「去少D人既位置上車」。仲有車站助理加緊阻止已不能再擠入的乘客試圖逼入去，你每磨一分鐘，數萬乘客與你一同浪費60秒。係成個荃灣綫既客都要陪你DELAY
4. 好彩南港島綫近少D中環客既車頭，如果唔係中環站真係要考慮谷哂D客去車頭/車中間。
落客問題，你點控制？不過你話中環留幾卡唔比上，搞得掂班投訴之都尊貴市民就都幾可行。
GK3258 發表於 2016-12-6 21:33
落客問題，你點控制？不過你話中環留幾卡唔比上，搞得掂班投訴之都尊貴市民就都幾可行。
...
MTR 講左遲D 可能真係用呢招....
http://www.mtr.com.hk/ch/customer/main/crowd_control.html
在個別車站，我們會在部分車卡實施「只落不上」安排，以騰出空間給下一站的乘客上車
(不過上次九龍塘試左一兩次後就冇再做...)
rickycheng 發表於 2016-12-6 21:56
MTR 講左遲D 可能真係用呢招....
http://www.mtr.com.hk/ch/customer/main/crowd_control.html
只落不上，當然可行，我亦認同。
但限制唔比落，就應該好困難。。
GK3258 發表於 2016-12-6 22:24
只落不上，當然可行，我亦認同。
但限制唔比落，就應該好困難。。
其實唔難，因為金鐘站上車既客好"狼死",見過有客真係寧願唔落，去尖沙咀先落過對面，不硬拼
我其實係想港鐵喺中環就提定金鐘落車客只能使用港島綫，否則後果自負。
廣播又好，通告又好，派人出聲/錄音都好。
(但最重要唔該有英文及普通話，因為唔知荃灣綫在金鐘落唔到車既通常都係遊客)
而我一直冇嗰過預留任何車卡俾金鐘客上，係每道門都預留中間柱至右邊門既空位。
其實只係有啲強逼中環上車客企入啲，唔影響到中環既上車乘客數目。
最憎啲中環上車客扮哂緊握扶手唔肯入去，平時又唔見啲扶手有人扶？
永遠喺金鐘等第二架車時睇到，車門與車門間的幾條扶手只有少於十人使用。。。。
跨張少少既諗法
學何文田站善用金鐘站側綫
部分金鐘清客
中環站就善用二號月台打爆左邊車箱空間
金鐘站就可以打爆埋右邊車箱空間
而家西鐵兆康至錦上路最明顯就係有呢個問題，
打爆晒右邊，左邊又未爆
缺點就係「精明」香港人會等因為吉車而塞死晒
不過唔比金鐘落只會將問題轉嫁比港島綫
而加港島綫都面對同樣情況
而且港島綫甚至有西港島班人係金鐘落...
所以不如反而係中環封起列車中間部分
反正中環站人流集中在頭尾...
你估打機咩
你中環迫d人企入去，抽車未出哂月台d人就企返鬆
識自律就唔駛攪咁多0野
不如狼死少少叫月台助理直接點名叫人行入去
「黃色衫果位小姐唔該行入少少啦」
其實大家都係FF下，樓上果位唔洗咁緊張既⋯⋯
本帖最後由 lsc04d11 於 2016-12-8 22:05 編輯
dogdog002 發表於 2016-12-8 18:18
不如狼死少少叫月台助理直接點名叫人行入去
「黃色衫果位小姐唔該行入少少啦」
我直情係想所有企金鐘站/中環站既助理唔好再舉個無用既牌，企O係預留區內啤住中環站乘客唔准企上去，然後金鐘站助理就出番黎，再搭車去中環，循環工作……
直接點名呢個POINT根本全線車站都應用，成日話「請勿靠近車門」，根本佢都唔知你「鬧」緊佢衝門……
回koneotis
我講緊淨係唔俾客由中環站經荃灣綫去金鐘站落車咋喎
呢堆乘客可以改用港島綫，甚至路面交通。
堅尼地城客搭既係港島綫，唔會金鐘站落唔到架……
為左每班不足10個既落車客，而影響上車流程，值得嗎？而且他們還可有同是港鐵的替代品呢。