似乎你唔清楚當年點解要合併, 就係九鐵當年行政好大問題,
包括田二少呢個主席同下面管理團隊由暗鬥打到上電視, 兵變迫宮大會.
加上入連串管理問題 (不論係果期黑仔定真係管理差), 連番爆大鑊
包括車底裂紋, 行行下跌零件等等. 比左好多籍口人整治佢.
加上, 政府本來就好想甩手呢d公營大笨象, 即係前房屋署商場, 火車.. 呢d大件公營服務, 洗費大, 管理複雜, 政府覺得如果唔由商業運作唔合經濟效益.
所以先甩左領匯同地鐵上市. 呢兩間今時今日變左香港最大無良吸血鬼把持公共必須業務.
反觀九鐵雖然由80年代之前係政府部門獨立做公營機構, 但係出名係退休高官俱樂部.
作風守舊, 洗錢又唔洗計最大利益. 田二少同上手前高官主席楊生公開鬧交又係人都知.
根本就想消滅佢好耐. 加埋兵變事件, 車底事件... 好一個理由送比地鐵食埋佢. 政府就甩身.
當然. 以上係政府睇法. 唔代表我認同. 我個人係覺得九鐵人性化得多, 有人情味, 職員對乘客親切, 定期搞活動收集意見, 出版刊物同報告.
出紀念品都係與民同樂, 唔似得地鐵咁成日出埋d商業化野cap水, 又漠視香港鐵路發展史, 當係一盤生意去經營, 唔當佢係公共服務.
本帖最後由 K.C.R2007 於 2017-3-27 10:02 編輯
中巴同九鐵似乎無乜可比性
當年中巴係因爲服務實在太差，新嘅管理層無心經營巴士業務，同政府關係亦不和，使其公衆形象極其敗壞
新巴取代中巴之後實行去中巴化，化解公衆對中巴服務差的不愉快記憶和印象，實在無可厚非
但至於九鐵，除左火車電氣化初期之外，自九廣鐵路80週年（1990年）以後則從來沒聽過佢有服務差、管理層無心經營鐵路業務之類嘅批評，除左就05年一次裂紋事件，似乎都係純政治問題居多：https://zh.wikipedia.org/wiki/20 ... 5%E9%A2%A8%E6%B3%A2
cn2661_2d32 發表於 2017-1-9 00:57
似乎你唔清楚當年點解要合併, 就係九鐵當年行政好大問題,
包括田二少呢個主席同下面管理團隊由暗鬥打到上 ...
80-90年代九鐵好官僚, 做又36唔做又36, 多做多錯唔做唔錯, 唔見佢服務有幾好!
九鐵去到九十年代尾打後服務水平都好高啦已經，而且九鐵透明度的確比龜鐵為高
以前有咩故障九鐵都會出新聞稿交待因由，依家就仲靠緊個非官方組織發佈
講到尾其實都係政府想將九鐵甩手者，只能夠講人係短視同只著重眼前利益
一間上咗市既公司，一句股東利益優先就可以為所欲為
當年個地鐵股東會投票仲要得少量股東出席
除咗立法會外，當年兩間公共事業既合併竟然係把持喺少數股東手上
如果樓主真係更想知詳情 兩鐵合併前的地鐵及九鐵也有舉行過開放日，地鐵於1999年2月免費開放過九龍灣及小蠔灣，2001年則舉辦了要捐150元給公益金才能參加的未翻新市區線列車榮休之旅，而九鐵則於2001年、2006年及2007年先後開放過何東樓、八鄉及大圍車廠，但是兩鐵合併後不單沒有舉行過公開的車廠開放日，甚至如九龍站的展廊不單要是會員才能登記，而且極難成功。
頁:
[1]