討論 KTL TKL 合併可行性
如果觀塘線和將軍澳線合併，一半列車由黃埔/何文田往北角，一半列車由黃埔/何文田往寶琳/康城。繁忙時間加開特別車由中途站起載疏導過海客流，原先將軍澳過海乘客於藍田轉車，這樣是否可行？有咩問題存在？歡迎討論先 CUT 一半車比康城再 CUT 一半車入將軍澳再落藍田轉車仲要得返一半車過海，去到北角仲要轉多鑊
如果真係實行既話，巴士公司重開 691 一定大把客;P
減少一半過海能力再要出入將軍澳的所有人潮迫在藍田站一個島式月台等隔班車，如果可行當年一早做咗。 將軍澳線本來就係因為將軍將會有大量人口入住，而且將軍澳以住宅區為主，
需要一條獨立路線直接出港島，所以將軍澳線先取代觀塘線過海，
東九龍區可以兩邊走分流，唔似將軍澳只近東隧，
加上沙中線又多條路俾東九龍區，
的而且確觀塘線任何一個過海方法都要轉車，
但觀塘線將會有3個選擇，而將軍澳線只的東隧可以過海，人口又多，
咁即係，觀塘線好難有理由去拎返將軍澳線個過海優先權
waterboy1984 發表於 2017-1-16 14:27
將軍澳線本來就係因為將軍將會有大量人口入住，而且將軍澳以住宅區為主，
需要一條獨立路線直接出港島，所 ...
好似當初選擇將軍澳線過海係因為藍田站唔夠位起多個月台俾將軍澳線,所以要放棄觀塘線過海. 不過唔可以否認現時今日將軍澳線過海客量非常大. 不過如果港鐵之後更新訊號系統後班次會加密, 在這種情況下合併方案是否可行?
okey852 發表於 2017-1-16 15:06
好似當初選擇將軍澳線過海係因為藍田站唔夠位起多個月台俾將軍澳線,所以要放棄觀塘線過海. 不過唔可以否 ...
俾你班次可以升, 月台冇得改喇呱
你點升, 果兩個月台都做唔到多重方向嘅客啦, 到時塞爆月台都似
本帖最後由 waterboy1984 於 2017-1-16 15:46 編輯
okey852 發表於 2017-1-16 15:06
好似當初選擇將軍澳線過海係因為藍田站唔夠位起多個月台俾將軍澳線,所以要放棄觀塘線過海. 不過唔可以否 ...
總之，將來東九龍有3條路線選擇可以轉車過海，將軍澳無替取嘅話，將軍澳線就唔會讓返路咖啦！
6516 發表於 2017-1-16 15:23
俾你班次可以升, 月台冇得改喇呱
你點升, 果兩個月台都做唔到多重方向嘅客啦, 到時塞爆月台都似
...
唔止塞爆藍田站月台，而係觀塘綫沿途各站月台
過海嘅班次埋站，去油塘、將軍澳各站嘅人唔上等下一班
調轉，入將軍澳嘅班次埋站，過海嘅人又唔上等下一班
唔上車嘅人就會阻住成個月台嘅人流動:handshake