你想對住中門沒問題,好似AMN咁一樣用曲梯,樓梯口一樣對住中門,油缸一樣擺樓梯下面,但對下層空間佔用非常少,人地又識得相應係樓梯同前輪之間位置放置座椅善用車廂空間。 當然尼種佈局就德國味重啲,鐘唔鐘意就見仁見智,我個人就好鐘意,更加似係一部繁華大都市的城市巴士的感覺。 當然也許香港巴士公司並唔好尼口。 不過我承認九巴早期直梯巴士載客量少+下層侷促也有底盤設計不理想的因素所在。 宜家E500MMC油缸重新設計成平行四邊形狀,搭配較短小的方梯先實現到138的高載。 但早期型的E500油缸係長條型咁訓住咁擺牙埋中擔個位。 九巴問題就係明知位置本來已經唔算多,仲要執著要對住中門同所謂更加安全而用佔用位置較多的直梯。 僅僅為左摼個一兩秒落車時間用直梯而犧牲載客量及下層車廂空間感,實在非常唔抵攞。 更何況曲梯同直梯安全性其實沒咩野區別,有啲意見更認為曲梯甚至比直梯更安全。 人地新城引入的後期批次E500就明智地用翻傳統曲梯,載客量不僅比九巴超直略多翻几人,下層車廂感覺都無九巴批超直壓迫感咁強。
|