(多圖, 3 yrs) 新巴水塘康豪 VA50 的起點終站: 三柴 111 (5 Mar 2014)

三年前的3月5日, 新巴水塘豪排隊尾的 VA50 最後一單
真可以高歌一曲 <起點終站>

據資深行家分享, 架車新出首航307代VA12,

該字軌有份柯打111, 行內俗稱三柴; 即係 111都係佢首日線,

尾兩日都行番佢新出路線, 在東區車計, 係很難會中;

但這記錄, 由VA50 創下了....

由新出中巴 果陣說起, 架車由新出到轉新巴兩年多, 身為111中巴尾車,

星期日卻固定行走106, 上落柴斜, 然而, 架車表現一向都是數一數二虧,

平路上斜都無力, 臨退更壞波箱, 幸好無成日水滾......

架車在新巴之後有段時間長駐南區, 常行 38, 970, 亦曾固定於早上做 301 柯打 93A,

由碌神渣, 碌車加慢車, 可以想像到架車係點.........

到1999年9月, 架車第二度髹油, 再不久兩邊換上密封玻璃,

水塘豪改到一半果陣轉戰西區, 常做過海, 或者18號 同埋 905.......

2001年1月13日, 我見佢依舊做 905, 不過4日後, 佢入左去柴廠, 原來係改水塘....

係新巴最後一架改水塘的富豪.

改完後, 佢全車被噴油, 白雪雪好新咁, 有日坐到佢行104, 剛好在我留學之前......

數月後, 架車入黃廠改裝內籠, 係同款車第二, 三架改 (頭兩架係 VA48 , 35)

改完初出都係布牌示人, 再不久就轉電牌加電視, 常見於西區.......

到尾期, 架車波箱都壞埋, 行車聲就好似(行)船咁, 不過都有人獨愛這特色......

講番正題, VA50 在2014年最後兩個多月的行程,
佢多數周圍走, 常見過海, 不過佢又在二月尾去番南區,
多見於 30X, 78 或者去北角的 42......
佢返回東區前就係做42....

到最後服務的尾三日, 架車返回 東區同埋過海,
先做2 號 (但不知是東區出定中環出), 晚上跳去東隧線 601P 同埋 601;
尾二日回到新出起點做111, 再在下段跳601 收調景嶺站...

現在先貼架車尾日的日頭相, 下段講架車尾日的行程......

上回提到 VA50 最後的一日就由調景嶺站出車做全日 111;
回到新出的路線, 但出車收車地方已不同........

當日下午我收到友好來電通知架車返緊港島, 我就去灣仔利景酒店等佢,
等到 VA50 轉彎, 隨即留影, 亦係對我來說特別的一張, 因為好少人咁影,
之後上車會合行家, 再由下午影佢, 同埋坐到尾單.......
返到港澳碼頭, 我都影哂架車四角
相的廣告同外觀都依然清新,

不過到近望, 年月留下的痕跡若隱若現....
架車表現都係麻麻, 出紅隧都係用盡力咁,
同以前壞波箱的VA32 尾日表現更不用提.....
到尾二單過九龍, 更是全車爆滿, 亦都帶我返回時光隧道,
不同的是, 架車多左企位, 同埋裝修左........
架車仲有樣特別, 就係上層車頭的扶手柱係原裝改裝後的樣,
沒有因為裝電視而改十字, 係全隊車獨一無二.....

後來返到中環, 再影最後夜相, 上車去坪石,
過紅隧果陣收到消息, 話架車返坪石後收西九廠,
即係架車過八點之後埋單, 心諗點解收西九, 係都私創富廠吧!~~~

架車返到坪石, 車長上樓上檢查全車後, 離站時全車熄燈, 但出站後開番燈,
路線牌無轉, 估計係上呈祥道返西九廠, 回廠比載客更辛苦...........

我的送別就在坪石結束........
後來有人話我聽, VA50 收西九後被發現係到期,
於是即刻搵廠務拉架車返創富廠退休.......
遊河分享完, 謝點閱.....