引入豪華巴士服務是否可行？

佢係講緊點樣可以拎揸緊私家車番工果班人搭番巴士姐

本身非專專巴就係做緊呢樣野囉

直接來往商業區同住宅區

一定有位坐，特別舒服，（講緊九十年代，比起熱狗/3+2）

特別快，唔洗站站停

但運吉一方面又保鐵又偏向專營巴士

有錢賺既轉專利，又唔俾開新綫

尾班果班一係逼鐵一係逼企巴士

中產俾得起小小錢既咪揸晒車囉

ATSE40 發表於 2017-3-18 17:18
香港嘅巴士係數一數二靚又如何？淨係香港巴士嘅服務已經唔知去咗邊啦

成日話有頭枕/2+2/有冷氣好豪華啦仲想點，難怪成日有人話香港人固步自封

唔係既，座位都有分用咩野品種既座位。
不過就算例如大陸果邊都統一唔到某些大巴線用哂有邊托頭枕既坐位啦。

如果要超越現有巴士的舒適度，要非專邨巴先可以。

一般常規巴士線你放部豪華車落去一定有人嘈要低地台，而這是一個合理要求。

假如只係保留少量車隊行走長途線，於公司角度並唔化算。

我夠想有類似台灣國光客運的高地台旅遊巴行機場線，
但政府規定要低地台，B10M 或 Falcon 的服務已不可能再出現。

而樓主講「長途多人」路線就更加免問啦，都塞爆架E500，要幾多架 coach 幾多個司機先夠？
巴士公司有何誘因？可能加價都唔夠補償多出的油錢同人工。

有車在手的人，錢就一定計過可以支持落去，經歷過那種便利，點會返轉頭？

peterson 發表於 2017-3-18 16:47
抱歉，對城巴車務唔多熟，想問一問你指緊Flyer嘅咩嘢狀況？

應該係講緊A車行E線,E車行A線呢個老問題

呢度有啲人對私家車車主存有不少誤解

鄙人公司有 (唔少) 高層 (坐房) 就算可以享用公司免費車位都唔揸車

假日揸車都唔見得好方便，例如個個禮拜見成條街嘅車都係等入商場就覺得佢哋好笑，為咗嗰雞水嘅泊車優惠就走去浪費無聊時間

其實好似「帶住個細路、費事轉來轉去或搞親其他乘客」，先至係啲人去揸車嘅主因。呢啲係點樣改善公交設備同路網都滿足唔到嘅嘢

首先點樣定義豪華？如果無實質規格去定義豪華，根本無意義。另一方面，你話龍運A車係咪豪華？你只可話佢多一Ｄ設備；你話Flyer係咪豪華？你可以話佢只係用返97年嘅規格。
香港又唔需要好似大陸咁城際車，需要提供廁所，提供臥舖，提供蒸餾水。
如果定義豪華係客車，香港人坐車最盡都只係兩小時，且巴士現時又唔係提供快餐椅坐到屁股痛，看不到有甚麼誘因要有豪華巴士。
我覺得香港人用私家車，係可以有彈性到達目的地，同埋可以有一Ｄ私人空間處理事情，有一少部分係滿足自己喜歡揸車嘅心態。巴士一定有定線，所以滿足不到私家車車主；
巴士一定為公眾服務，所以滿足不到私家車車主；
巴士更滿足唔到想揸車的慾望。