69M 新入主之歐三豬 - 3ASV353 (KN4207)

最近同一位於大西北住的同事食飯果陣分享,
說起 69M 呢條欖隧接駁線, 佢話常用果D車通常都舊D 污糟D,
唔太舒服......

事實係69M 的掛牌 (由欖隧通車改路計)多數都係由其他線而來,
白板車更有唔少係轉廠車, 比如以前過海的 3+2 大富豪, 或是 2+2.....
由加金到全金都係由別線轉來, 可能條線都比西鐵搶走不少客,
車就用二線車, 又或者是後備車...........

現在69M的金車大多係老板或豬, 只有極少數係轉廠車,
就係現時唯一歐二豬 JX7849 同埋今次的主角 KN4207.......
KN4207 新出都有段不短時間長期行山, 由 出牌於沙田廠 短時間掛 81
到青衣廠後備做過 42C / 249M  (網上睇相),
再長駐屯廠 行屯公的 60X / 52X / 260X 都係有唔少斜路行.

不過架車表現卻不太突出,  係平路先 OK, 上斜要谷先有力,
在260X 時性能同舒適度比其他同類差一些.....
(可能係因為佢長期都上斜 行山路, 底盤損耗自然比同類高);
兩年前就轉入 大西北掛 276A, 穿梭上水天恆, 冷氣要長開先夠涼.......
之後又做後備, 到三個月前 先上牌 69M, 再次回到屯公,
亦第一次在欖隧線披甲.......

我最近都有幸去坐佢夜遊, 表現有少少驚喜......
第一次同友人坐, 有位同伴都話架車在公路表現OK;
第二次 (數日前) 坐果陣,
在屯門落斜以一個正常速度過左巨無霸一哥頭, 我都 O 左咀......
總之車長的表現都會對豬的表現有關鍵影響.....
兩程車都好愉快. 最後, 送上五張佢做最新掛牌線 69M 的相......

謝點閱, 歡迎跟相.....

剛改行隧道時,大部份掛牌都是大白龍,
之後就甚少換車,
就算換,都昰換一些十年以上的車

其實元朗,天水圍的M線用車都是較舊.
而掛M線的新車都是要行低排線

joelty 發表於 2017-3-20 19:12
剛改行隧道時,大部份掛牌都是大白龍,
之後就甚少換車,
就算換,都昰換一些十年以上的車

你說得對, 改行隧道果陣的大白龍當時好新, 不過都係由其他廠轉入來...
而在2007-08年 (無記錯的話), 據聞要取消因為中段補油而轉舊車入來,
69M 掛牌去哂 269C , 就令到 69M 變成舊車天堂, 直到加金亦如是.......
反而我係掛住以前的白板.......

現在掛牌中的新車多數係因為要柯打低排區先有.....

近數年, 見過69m 全日車在下繁要柯打 269c 返天水圍....
亦都見過 KN4207 紅日下午做 269D, 再返回 69M....

69M 如要換車, 除非客量有回升, 都係FF下好了.....

你反問番佢

定係你想坐靈堂白直平甩新車，

真係唔識貨


題外：

有個住大西北既Friend非巴膠

都覺得276A隻車好正好舒服

又指新車唔好坐又頂腳

作為69M回程常客答你
長途線車嘅嘢話之你新定舊
最緊要一定係千萬唔好有直梯

輕則企返天水圍，重則下班請早
好心果兩架直梯行李架就死去69X啦

講起69M客量
唔算話好標青但都唔係差
通常回程6點左右葵芳站上
誇張起上嚟葵芳邨都可以近乎坐滿
不過同以前天瑞嘅時候比就唔知啦
畢竟都係佢拉上市中心之後我先有得搭

JC8385 發表於 2017-3-21 00:39
作為69M回程常客答你
長途線車嘅嘢話之你新定舊
最緊要一定係千萬唔好有直梯

九巴個心態係你3條M綫其中你上到就得啦
去到欖隧慢慢轉 唔會理邊條綫上唔到車