以下內容為田北辰議員早前於本站Facebook Wall上張貼,茲轉貼如下: 歡迎大家回應。
【違泊問題巴士埋唔到站? 巴士站劃上雙黃線加CCTV幫到手】 早前有位巴士大哥因為未入哂站畀乘客落車而被抄牌,引起好大迴響,仲發起「依法上落客」行動。為咗了實際情況,我跟過一位司機坐巴士,睇睇港島區巴士站違泊幾嚴重。事實上,的士、貨車、私家車上落之後唔肯走,一直停係巴士站,塞住巴士埋唔到站、乘客好難上車,真係周圍都有 ,難怪巴士大哥大姐咁勞氣。佢哋同我講,唔介意其他車喺巴士站上落,但上落完一定要立即走。 早 喺 2014年10月,我曾經向運房局局長張炳良提出, 喺違泊情況嚴重嘅巴士站前後十米範圍劃上雙黃線,唔畀車輛停泊,可惜無正面回應。直到今次事件,我聯同 徐曉杰 Wyran Cheng 甘文鋒 Kam Man Fung今日(31/3) 約咗運輸署助理署長關翠蘭女士同幾位巴士車長會面,傾傾呢個問題,提出咗三個建議:第一,於違泊情況嚴重的巴士站前後十米劃上雙黃線;第二,在公共巴士站加設閉路電視 ( CCTV ) 以影像檢控幫助執法 ;第三 ,要求參考新加坡,推行強制讓路予巴士計劃。 會上,助理署長回應,而家有唔少巴士站都已劃咗雙黃線,劃雙黃線要考慮好多因素,例如附近商舗上落貨需要,佢會返去研究。至於加設CCTV,負責部門係警方,運輸署有同警方商量過,有啲技術性問題要解決,但署方支持,會再同警方商討。最後一點,署方無直接回應香港可唔可以推行強制讓路予巴士計劃,只係表示當塞車時強制讓路予巴士嘅黃格會發揮作用。我估強制讓路予巴士改動太大,佢唔敢亂應承,但我相信做到頭兩樣已經好好多。
短片:
|