[Kirkby, UK] (4/6/2017) NWVRT Annual Running Day 2017 (65 pic + 3 vid)

North West Vehicle Restoration Trust嘅第六屆年度開放日兼running day，喺佢哋位於Krikby（同利物浦一樣屬於Merseyside）嘅大本營度舉行。冇預先公開到底當日會有乜車出席，要去到買份時間表先至知道派車安排。雖然呢個做法有時會畀人驚喜，但事先唔知目標會唔會出現就令人有啲猶豫去唔去好，只能講個信字。
NWVRT嘅Facebook page：https://www.facebook.com/NWVRT/p ... 20252820834/?type=3
今次啲相只係貼咗一半多啲出嚟，有興趣嘅可以睇埋個Flickr相簿：https://www.flickr.com/photos/31 ... s/72157685241713486

p.s.又拖咗三個星期...

當日一出利物浦Lime Street火車站，就搭呢部Northern Counties Palatine II車身嘅D10A豪入去會場：

車尾嘅各式水牌：

行入車場，見到呢部原屬South Yorkshire PTE嘅標準高度R型車身Dominator：

Dennis牛油盅：

行到車尾先發現原來佢係用Rolls Royce引擎，之前未見過呢隻水牌：

車門旁邊嘅鐵牌，見到Dennis個舊名有啲唔慣：

尾排竟然放棄咗中間個高危位，冇諗過校巴以外嘅車都會噉做：

來自Chester嘅佳牌阿拉伯五型，車身係Massey（67年被Northern Counties收購）出品。全部車除咗個伯明翰鬼面罩之外，都冇邊樣嘢可以令人聯想到中巴紅番頭，波箱係手動，連錶板都唔同樣：

兩部打開咗引擎蓋嘅Routemaster：

RM40嘅AEC AV590引擎，由油泵右邊伸出嗰條黑色線應該係死火威吔？

原屬West Midlands PTE嘅「中巴色」都城MK2，係第一批出廠嘅兩軸MK2之一：

車主喺下層側窗度貼咗張都城MK2嘅spec sheet（原尺寸：https://c1.staticflickr.com/5/4196/35203645942_989633b47b_o.jpg），極具參考價值，終於知道都城個80度angle drive嘅比例係大約0.91:1！不過0.91:1肯定唔夠exact，因為呢個分數冇得約簡，咁細個angle drive嘅輸入齒輪唔可能有成百隻齒。而以二波由1.36:1變成1.24:1嚟計，個angle drive嘅比例應該喺0.9081:1至0.9154:1之間。再睇返份都城spare parts list入面angle drive張圖（第402頁），個齒輪得20隻齒左右，所以我認為最可能嘅齒比係22:20，得出0.9091:1呢個轉速比：

重有份brochure嘅一小部分（原尺寸：https://c1.staticflickr.com/5/4203/34527314214_82034dae88_o.jpg），左邊部「ML2」下面嘅，就係從未出現過嘅10.45米版。如果倫敦寶從冇賣到香港嘅話，中巴可能真係會買批「短陣MB」？

再加兩頁（原尺寸：https://c1.staticflickr.com/5/4225/35240294141_9bd657f76e_o.jpg）：

跟住見到件來自都城嘅Voith DIWA 851波箱：

第一次用呢個角度望落呢個一向「只聞其聲不見其影」嘅80度angle drive，左邊嘅機油冷卻器風扇殘骸說明佢係來自MK2，或者係81年中之後出廠嘅MK1：

前Reading Transport都城MK1嘅錶板，啲掣嘅擺法同一般MK1唔同：

今次嘅目標（可以話係全日唯一目標，出發之前純粹係博佢會出車，好彩真係有，重要行咗三轉），就係舊年開得一班而搭唔到嘅Foden NC（舊年係開另一部），今次終於搭到！
Foden NC呢款車，顧名思義係由Foden同Northern Counties合作研發。Foden嘅貨車相當出名，但喺巴士市場就冇乜存在感，1980年被Paccar收購後更加係完全專注於貨車市場。喺70年代中，利蘭宣佈將以integral結構嘅泰坦B15取代晒旗下嘅Atlantean、珍寶同VRT三款後置引擎雙層巴士，搞到利蘭集團以外嘅各大車身廠都擔心訂單數量會急跌（因為利蘭再早幾年已經用National代替咗幾款單層巴士）。於是，為咗打破利蘭嘅壟斷，佢哋就同啲想打入市場或者重出江湖嘅車廠合作 - Alexander x Ailsa、East Lancs x Dennis、MCW x Scania，重有今次嘅主角Northern Counties x Foden。Ailsa B55、Dominator同Metropolitan都算成功，但Foden NC賣得嗰七部，而且其中一部係由East Lancs造車身（Foden EL？），另加一部唔完整嘅development vehicle，而家只得呢部ROC300R同NWVRT收藏嘅另一部TUB250R存世，絕對係珍禽異獸。

今次係部車修復完成並翻油之後首次亮相，非常靚仔：

舊年活動時嘅樣：

車尾右邊個網係畀散熱水箱吸風用，左邊就係喺引擎室度抽返風出去，有少少似泰坦B15：

舊年影嘅引擎室，可以見到個水箱嘅擺法，而引擎亦裝得零舍高，因為要遷就個獨特嘅傳動系統佈置：

個鷂形水牌係Foden嘅傳統，而呢隻四盞頭燈嘅佈局就係Northern Counties喺70-80年代嘅標準設計，就算係Olympian同Dominator呢啲前置水箱嘅車，都只係喺車咀中間加一個圓角矩形嘅水箱網，加完之後會好唔協調：

行星齒輪尾軸，而條軸本身又係U軸，搞咗個triple reduction出嚟，我覺得係一個多餘嘅設計：

錶板左邊嘅4x4燈號，應該同曼城標準嘅珍寶同Atlantean差唔多；而呢set燈號同都城錶板一樣係BMAC造，所以字體係一模一樣。至於手掣前面嘅，就係Morse出品嘅波棍，控制個Allison MT640波箱：

下層車廂，樓梯仍然係由前向後上，或者係貪佢比較慳位：

以下三頁來自Gavin Booth嘅「British Bus Fleet Survey: Rear-engined Double Deckers」，除咗有Foden NC嘅車型簡介之外，重有底盤嘅圖同相：



Commercial Motor嘅介紹，可以見到個夠晒複雜嘅傳動系統佈置 - 引擎連接一組transfer gear，將轉速提升到1.3倍先至入去個Allison MT640波箱，再經一個90度angle drive驅動直濕，而angle drive另一邊再駁住個Ferodo多片碟式retarder：
http://commercial-motor.cdn.netc ... f94106f5860ad8102fc

再technical啲，由Adolf Marcos兄分享嘅IMechE Automotive Engineer期刊，畫埋個transfer gear嘅結構出嚟：
https://www.facebook.com/groups/ ... tn%22%3A%22R2%22%7D

當日部車總共開咗三轉，除咗趕唔切搭第一轉之外，12:30同14:30呢兩轉我都有搭。前一轉太多人聲，所以呢段片係後一轉時拍。
整體嚟講，始終都係脫離唔到第一代後置引擎巴士嘅感覺。部車嘅尾軸聲同藍色內籠都令我諗起舊年喺Wythall搭過嘅WMPTE Ailsa MK1，無獨有偶，兩者嘅perimeter frame式底盤骨架亦幾似樣，但係Ailsa嘅懸掛好太多，而Foden NC就停留喺珍寶年代嗰隻硬而彈嘅感覺。至於把聲本身就多少有啲似龍／鷹，明明唔係用Voith都有一把高音，可能係個transfer box發出嘅聲？呢隻MT640波箱唔同Dart用嘅AT545，三、四波係應該有lock-up，但可能係個波箱壞壞哋，搭落只覺一至三波都係全油壓，一轉四波lock-up嗰吓就chok一chok：


另一部僅存嘅Foden NC，原屬West Yorkshire PTE，今年就冇拎出嚟，只係泊喺個倉度：

呢部Wallasey Corporation嘅一號車，就係第一部量產型Atlantean，亦係第一部真正嘅Atlantean（之前幾部原型車都係integral結構），用Metro-Cammell車身（驟眼睇落同Park Royal冇乜分別，唔太識分）：

早期Atlantean係用呢隻一件過嘅引擎蓋，成件向上揭起，之後就可以用剷車去換成個power pack：

Standby緊：

呢個角度睇，就同後期LF／SF如出一轍，只係牌箱同車牌對調咗：

引擎室對上個凹位嘅弧形旁板，我覺得呢種線條好優雅，靚過後期LF／SF嗰隻直身旁板：

亞歷山大P型車身嘅B10M，細窗令佢睇落舊過實際車齡（88年出廠）。三尖八角嘅車頭似足輕鐵，點都估唔到佢係PS型（即係九巴AN嗰隻）嘅前身：

全車最靚嘅都只係得呢款頭燈：

當日見到呢部Pointer車身嘅物體，想當然認為佢係Dart，於是冇乜留意佢。後來喺YouTube見到佢嘅行車片，標題話佢係富豪，真係一言驚醒夢中人！睇返相見到佢右邊冇水箱網，先至確定佢係B6R，有啲走寶添：

Marshall Capital車身嘅低地台Dart，始終都係中巴CX嗰隻上一代車身靚得多：

一部靚聲嘅康豪，雖然個樣比較陌生，但係把聲同表現都相當唔錯，係熟悉嘅感覺。只可惜車尾坐咗幾個細路，實在係拍唔到片：

側牌箱如果裝喺窗入面嘅話會順眼啲：

出文時冇留意冇咗後半篇（以為係爆字數，但原來係一去到個load唔到嘅「車立」字就斷咗），真係唔好意思，而家補返：

另一部Palatine II車身嘅豪，原車主係Liverbus，相信係讀「拉花」（利物浦嘅標誌Liver bird都係讀「拉花」）而唔係「lip花」（「肝巴士」未免太怪）。呢部本來係時間表上寫嘅返去利物浦嘅尾班車，不過最後用咗另一部車：

部分唔會載客嘅參展巴士泊喺街尾嘅停車場，對於陽光方向實在係冇乜得強求：

之前喺Wythall見過幾次，呢部係原屬Midland Red（即BMMO）嘅丹拿珍寶，用6LXB引擎，車身就係亞歷山大J型：

第一部量產型Olympian，底盤編號ON1（曾經有啲惡趣味噉想搵第九部同第九十九部，原來都已經劏咗），由Bristol車廠製造。留意左邊引擎蓋對上嘅係引擎散熱系統入水口，大約由第1000部開始改為喺右邊入水：

唔對稱嘅引擎室通風口佈置係最早期ECW車身Olympian嘅特色，左邊嘅係用車尾嘅低壓區嚟抽氣，右邊嘅就係藉助兩側氣流匯合嚟吸氣，Bristol VRT Series 3都係用同樣原理。一時諗唔起，引擎蓋上面係幾時先開始有散熱口？

有利蘭旋風嘅牛油盅：

R型矮身10.3米四波吉蘭，又另一款唔原裝嘅頭燈：

舊年年尾喺Redaing搭過嘅Lynx，執返靚晒：

最後一部National，85年11月出廠。MK2將個水箱搬咗去車頭，搞到車咀好擁腫：

車尾有埋Hydracyclic波箱水牌，據車主所講之前一直係全自動，但因為波箱電腦同cut油裝置有問題，所以前排將佢改成半自動：

部車係dual-purpose，可以算係半豪華，普通嘅巴士版內籠但係裝高背凳：

行X90線來往Kirkby工業區同Prescot火車站，途經一段高速公路。引擎係TL11H（平臥版TL11），波箱係close ratio（波段之間嘅齒比差距較細，所以通常都係一波起步）版Hydracyclic，表現唔錯：


一部半豪華版National MK1，個車頭比MK2順眼好多：

左邊部East Lancs車身泰坦PD2原屬St Helens Corporation，車咀理所當然係St Helens款式。至於右邊嗰部來自利物浦嘅Crossley車身AEC Regent III，個車咀就真係唔知叫乜嘢名，似係伯明翰咀但係又拉到咁闊：

同樣係來自利物浦嘅泰坦PD2，車身亦係Crossley出品：

波棍左邊有塊牌，寫明得三波同四波有同步嚙合：

時間去到四點，啲車開始走，場內嘅車排得疏咗，先至唔使淨係影得個車頭。呢部係前Stagecoach Manchester嘅Dominator，個Palatine雖然已經facelift咗個車咀，但本質上仍然係舊款嘅圓頂車身：

揭開咗引擎蓋，可以見到部後期版6LXB引擎（油泵冇咗嗰六枝手動泵油嘅桿），同埋個Voith DIWA 854.2波箱 - 冇錯係四速Voith，留意波箱殼係有個延長環。之前一直以為Dominator同Olympian呢隻橫置引擎佈局係裝唔落四速Voith，點知原來就連比康偈長一截嘅吉偈都可以連埋個四速Voith同angle drive（唔係早期版嘅transfer box）塞落Dominator個引擎室度：

錶板同香港嘅三軸版完全唔同：

部車當日其實主要係賣嘢，左邊輪拱上面就擺咗一堆牌布：

Arriva Merseyside派嚟嘅B5LH，三尖八角版Gemini 3車身嘅矮身版，削平咗個車頂之後只能話係再樣衰多幾分：

「澳洲品牌」BCI生產、由Ensign代理引入英國嘅Enterprise，長12.5米，有98個座位，用歐六ISL康偈同ZF波箱+車軸：

整到個尾轆軸距咁鬼短，邊會夠位放腳啫，呢點就連Big Bus嘅安凱都做得好過佢：

原來只係低入口，重有個要上多兩級嘅尾排，說明一係間廠唔夠經驗，一係個底盤本身就唔係諗住用嚟做城市巴士：

返出去利物浦嘅尾班車，最後變咗呢部Plaxton Paramount III 3200車身嘅利蘭Tiger。佢係中置引擎佈局，但係個名爭少少嘅Royal Tiger就係後置引擎：

車廂有啲令人意外，竟然有一半係卡位，車尾重有個洗手盆同一張床褥：

同部National MK2一樣係用TL11H引擎同Hydracyclic半自動波，引擎聲同之前搭過嗰部用TL11引擎嘅11米兩軸coach版奧林一樣咁「空心」，而懸掛就偏硬，可能係因為佢頭尾軸都各有四個氣袋。司機喺開車之前提到佢之前未揸過半自動波車，一路上亦喺度呻，話現代啲嘅coach好揸好多云云...


多謝點閱，歡迎討論

小弟咁多年有個問題, 就係亞記 LF/SF/LX 下層 d 窗好細隻, 見到樓主影 DKC30IL 下層窗 Size 又好鬼 "正常", 望落仲大個坡柴, 吾知係咪因為港版 LF/SF 算係矮版, 而偷了下層窗既高度.
  
另外多謝各下咁多相, 特別係 MCW 個堆, 我地本身吾係做維修既但有少少興趣, 咁多年無嘜機會見到咁多機械圖或實物.

原來英國啲Dominator上落車啲地台仲低過奧林比安好似用左"U"型底盤,如果香港買呢類底盤,咁要放棄企位?好似見圖中啲Dominator 企位都係得條通道

tridents 發表於 2017-6-28 09:51
小弟咁多年有個問題, 就係亞記 LF/SF/LX 下層 d 窗好細隻, 見到樓主影 DKC30IL 下層窗 Size 又好鬼 "正常", ...

幾部Atlantean都係標準高度車身，下層地台又唔係高，自然唔使收細下層車窗

我見到嗰幾張MCW spec都大開眼界，當日原本重想睇吓有冇啲service manual可以買返嚟研究，可惜對嗰啲車款冇興趣

低地台AD 發表於 2017-7-13 00:13
原來英國啲Dominator上落車啲地台仲低過奧林比安好似用左"U"型底盤,如果香港買呢類底盤,咁要放棄企位? ...

其實嗰兩部Dominator都唔係矮身版，用GKN Kirkstall行星齒輪尾軸，地台比Metrobus再高少少

但如果係用U形尾軸嘅矮身版呢，個地台就真係重低過Olympian，例如大巴士/雅高嗰批前蘇格蘭車：

不過聽聞中巴SD下層走廊冇凹落去，所以車門嗰級會高咗

至於你話水塘位，其實英國雙層巴傳統上係盡量多座位，只係某啲大型單層先會整大水塘
另外，早期Dominator/龍/鷹系列底盤大陣其實唔高，只係因為底盤本身冇翼陣，車身骨架通常要疊喺底盤上面，先整到個地台咁高
http://atenviro.com/viewtopic.php?f=20&t=189442