231S 華景山莊－尖沙咀東麼地道

前言

九巴在1990年代初開辦的豪華巴士路線, 以配備高背座椅的單層空調巴士行走, 讓人感覺比一般巴士舒適, 收費亦較為進取.

經過廿多年的時代洗禮, 空調巴士普及化, 雙層巴士亦配以更多切合乘客需要的設備, 令到豪華巴士路線逐漸褪色, 與一般路線無異.

當中, 203 208 299三線在早年仍然保留豪華巴士路線的收費, 相對於同等行車里數或性質相近的巴士路線, 收費仍屬高昂.

上述三線在過去數年陸續被建議優化及改革, 分別與相近路線進行重組.

然而, 專注服務九龍塘中低密度住宅區的208的改動難以推行; 而203與2C合併後, 澤安邨平日早上特別班次沒有同時併入新服務, 只給予獨立路線編號203S繼續營運, 兩線收費仍是$8.1.


詳情

有見九巴近年積極開拓新客源, 陸續增設由非公共屋邨開出之早上特別班次, 接載居民上班, 惠及更多市民, 建議九巴向華景山莊有關方面提出申請, 增辦巴士路線前往九龍塘站 旺角 尖沙咀等地, 吸引居民使用.

該路線由203S延長至華景山莊而成, 編號為231S, 行走華景山莊至尖沙咀東麼地道, 途經原本203S服務的地方, 包括澤安邨 又一城 旺角 油麻地 尖沙咀.

服務時間為平日星期一至六早上7:35由華景山莊總站(華景商場門外)開出, 並於華景山路近長坑村 華員邨華禮閣 華員邨華仁閣外設站, 繼而途經青山公路 呈祥道 大埔道 龍悅道 南昌街, 再接回澤安邨總站203S原線往尖沙咀東麼地道.

配合路況和客量, 建議用車為ASB, 全程收費$8.1, 增設分段收費$6.4於澤安邨總站開始, $5.1分段收費維持由旺角站起.

九巴網站提供的203S全程行車時間為44分鐘, 而預計由華景山莊開到澤安邨總站的行車時間, 在正常交通情況下大約為10分鐘, 即是由華景山莊到達尖沙咀的行車時間可在一小時內完成.

華景山莊居民除可利用此231S路線前往油尖旺一帶, 亦可於九龍塘站轉乘港鐵前往九龍東和新界東, 料可大大縮短通勤時間.


歡迎討論

正評係創意分

入正題
以前睇過分析 , 朝早返工通勤需求西九龍係大過南九龍 ,
好似 68X 早繁需求亦大過 268X , 44 大過 41A 等等
所以 231S 飛晒重要通勤區 , 我對佢客量就有啲保留

華景山路居民主要以小巴接駁港鐵站前往各區, 而小巴已覆蓋荃灣 葵涌 荔景 美孚 長沙灣等港鐵站 工廠區 貨櫃碼頭 市場, 一些廠家和上班一族已習慣利用小巴, 小巴公司亦應該不會歡迎巴士公司跟他們直接競爭.

轉乘港鐵的居民在鄰近的荔景站或美孚站, 已能快速地到達深水埗 旺角 大角咀 九龍站 尖沙咀 港島 新界西等地, 因而挾著203S途經九龍塘站的特點, 加上華景山路沿線的地勢和需求, 以較低載客量的巴士行走接駁九龍塘站的路線, 與小巴間接競爭, 同時為喜歡以直達方式上班的居民提供適切的巴士服務.

居民可轉乘港鐵觀塘綫前往新蒲崗 九龍灣 觀塘等九龍東商貿區, 或者東鐵綫沿線各大專院校 工/商業區和科技園, 廣泛吸納往東部工作和上學的居民.

澤安邨和又一村居民可藉此利用過新界後的分段收費$6.4前往油尖旺, 車費降低20%.

華景去東九，落山腰已經有 38, 40P, 42C 三條線揀，唔覺得條專線有幾大吸引力

238X 發表於 2017-8-30 00:01
華景去東九，落山腰已經有 38, 40P, 42C 三條線揀，唔覺得條專線有幾大吸引力 ...

要搭車落青公轉車, 有車嚟唔知上唔上到, 上到又未必有位坐, 睇怕由華景山莊/華員邨行路落青山公路等巴士嘅居民唔會多.

搭小巴到青公轉巴士係平啲, 但係返工搭鐵係穩陣啲, 荔景/美孚開始搭鐵, 小巴先繞經荔景山, 有排搭, 架車落到荔景站, 231S隨時轉緊入達之路, 反而97A荔枝角轉鐵有睇頭, 不過又係貴.

本建議唔係主打行路落華員邨巴士站搭車嘅客, 而係用開小巴轉港鐵嘅客, 轉為俾$8.1九巴落九龍塘轉$6.7港鐵, 叫做提高一下市佔.

三個字車程去到又一城, 再搭三個字港鐵到九龍東, 計埋行路我當九個字.

萬一龍翔道有咩冬瓜豆腐, 鼠落九龍塘轉鐵已穩陣過繼續塞到黃大仙先落得車, 都係selling point.

假設一班車睇到最差, 唔會連一架小巴19個客都冇, 話晒華景+華員有6000人住.

以19個客計, 收入係$153.9, 睇好少少28個坐滿晒, 收入就係$226.8.

若果睇到最好全車頂閘68個客, 收入有$550.8, 可以媲美一條收$4.5嘅M線載夠122個客, 咁當然68呢個數一下子冇可能會有, 初期做到坐滿落澤安邨已經有所交代, 就算只係小巴客量, 都可以俾啲時間啲居民去改變出行習慣.

華景山莊的地理環境相當有趣：商場和小巴總站位於山莊最低處，與居民區有一段距離。居民區相當狹長，一字排上山，村內通道與華景山路平行，入口在居民區中央第8座前方，設有迴旋處，附近是會所和停車場大樓。出路只有兩條——左轉單程路下山，或者右轉單程路上山直到位於山莊頂部的第18-21座，再沿華景山路下山。
因此所有服務華景山莊的小巴，都會先進入村內通道，上山到頂，做居民免費接駁；落山到總站後，乘客才付錢出村。231S假如直接從小巴總站出發下山，對山莊居民吸引力甚微；加上小巴站面積也相當狹小，而且設有車閘，大巴進出會頗為困難。反觀村內通道則頗為寬闊（雙車道），56座旅遊大巴亦可輕鬆通過。
建議231S改由華景山莊會所迴旋處（第8座）出發，依照小巴路線，先到“山頂位”再落山。設四站：“華景山莊會所/第8座（始發站）”、“華景山莊第15座”、“華景山莊第18座”、“華景山莊商場（位於小巴站對面遊樂場外馬路）”，然後跟樓主方案前往尖沙咀。開車時間提早至7:30。

hellomato 發表於 2017-8-31 14:33
華景山莊的地理環境相當有趣：商場和小巴總站位於山莊最低處，與居民區有一段距離。居民區相當狹長，一字排 ...

如果行到當然好