2017-18 年度 九龍灣及寶秀<>尖沙咀路線系列重組

涉及路線：1A/13X/28/213X/224X

大綱：隨安達臣發展，安達臣及寶達，應有足夠客量與秀茂坪及九龍灣分區，遂建議重組。

1）13X+213X全日合併，主力提供安達臣、寶達及樂華特快來往尖沙咀；
2）上繁保留13X；
3）13X/213X全日不停啟業區；
4）224X全日服務並延長至德福花園，主力提供啟業及啟德來往尖沙咀服務，並提供啟德來往德福雙向分段，方便居民作短途服務；
5）新增路線1X，主力提供秀茂坪、觀塘<>九龍灣<>尖沙咀服務；屬1A輔助線，派車與1A共用；
6）28分拆為28及28C；維持全日來往紅磡/土瓜灣服務；但只於上下繁及假日延長往尖沙咀，其餘時段使用213X服務

秀茂坪路線部分尚算吸引，
但現況1A/213x都各自要咁多車，
1x要開咁密，
只加兩架車就要同1A share，
班次一定唔夠開，
載客量亦未必可以應付。

28 變成得返兩繁入尖沙咀，我相信無論係樂華或者土瓜灣都會遇到好大反對

根本成組線有大把既得利益者，有人無啦啦加價（28 非繁尖咀客迫坐 13X）固然係問題，
但太多人無啦啦減價（28 非繁尖沙咀回程返上路/九龍城、213X 安達安泰客）
亦係問題，因為九巴無誘因做

1X 定線叫做有少少睇頭，但我硬係覺得你搞完 1X 13X 後，
隔離山頭最應該全日果條 98P，會距離全日的目標越來越遠

而且用 1X 代 13X 做中秀曉麗，因為入九龍灣，佢地車程應該會變慢

有幾點想問/講下

1. 樂華係28C時段係咪要比7.5去尖沙咀？係咪應該係樂華整返個5.8分段 又或者整個回程5呢啲線轉乘28C嘅免費轉乘優惠？

2. 個人覺得趁住重組 將28/C回程改做過新山道之後跟類似15X咁直去淘大

3. 1X建議搵埋14X一齊搞
14X改做過祐寧堂之後跟203C去廣東道 再跟215X去尖東
而1X改做跟5A入梳士巴利道同碼頭 再去彌敦道
咁做嘅目的係避開14X倒頭車嘅問題 同時執曬215X嘅客
而1X亦都可以避開尖東一帶 原因同上 再加上係可以比1X有一個理論上比較快嘅走線入尖沙咀(一直都好鍾意5A個走線)
同埋建議1X唔好入九商 寧願比93K重組之後演變成嘅將九尖線(唔好意思我又hard sell我/100兄嘅plan)

4. 建議調整224X走線 德福開之後先去啟德再兜啟麗 避免該區議員認為拖慢左車程

不過樓主有用心整建議係抵讚嘅

回覆埋樓上上 其實樓主重組完之後慳出嚟嘅車我諗擺返落1A/X應該夠應付

回眾樓上

稍後會有28系ver. 2. 自己做都有估這部份聲音較大

無建議213X做樂華<>尖沙咀雙向分段，因為預計213X非繁重組後應該幾爆，礙於運作限制，無加入建議；

至於213X比現時平$1，我定位係新213X食左13X，唔兜啟業，路程上算抵銷安泰至寶達一段；而213X及13X合併，理應可以減少用車（對比現時13X系）而同時提高213X使用率，因此以13X價錢為本；

而1X我是睇好秀茂坪<>九龍灣<>尖沙咀呢組兩段客量，算一線兩食，所以並不考慮飛起九龍灣走線；亦因爲九龍灣商貿區無路線去尖沙咀，因此1X定線與213X一樣以漆咸道南入區；

至於14X，一來本並未太熟悉此線，二來兩線於車程上很難做到聯合班次，因為並沒有納入重組範圍。

至於224X改先經啟德再到啟業，就變左總有段路要兜兩次，似乎有點畫蛇添足

係現時213X 全程$8.5，去程山下有分段$7.5 而且係全日不停曲街。
提議「合併」左之後213X要走返回頭路，繁忙時間要塞入去停曲街個站簡直係趕客行為。
山上有11X替代出紅磡；
山下就有條28出紅磡，一來非繁快過你等13X，繁時就算塞車分分鐘同13X差唔多時間出到紅磡。
另外回程老實講就算比貴一蚊，$8.5都大把人上車。(我係其中之一個)

1X 落觀塘後應該跟215X/11X出尖沙咀，只停九展一個站先夠吸引力。
甚至我覺得可以放返上寶達總站，跟13X咁落返秀明道，213X就保持現狀。

224X 兜入啟德呢個提議好似早幾年連續遭到地區人士反對，所以今年先整左個224X啟德特班出黎。
而且提議拉上德福我覺得無咩意思，因為德福總站同港鐵站太近，
而返工果班人你又要佢由德福總站行返落去九龍灣內街啲公司又係無乜意思。
倒不如拉入九龍灣總站，取代1X要兜九龍灣內區呢個提議。

而28 老實講最好維持現狀，
非繁班次就仲有空間可以減，同埋成段非繁時間無左服務我諗阻力會相當之大。

總括上述意見：
28：維持現有走線，按客量非繁時間可減至20分鐘一班。
13X(1X)：與1X合併，總站由寶達開出，經秀明道、曉光街、觀塘道、啟福道＞尖東、尖沙咀、佐敦後回程。
繁忙時段15分鐘/班，其餘時間則維持20分鐘/班。
213X：維持現有走線，繁忙時段加至12分鐘/班，其餘時間則維持20分鐘/班。
224X：改由九龍灣開出，啟業後跟現有走線，早繁15分鐘/班(即現時早繁班次)，其餘時間則維持20-30分鐘/班；
繼續保留224X啟德特別班。

我相信九巴無咩誘因為左拆條 1X 而去郁 1A 呢條賺錢流水線。

相反，個人認為可以將成套方案簡化成 13X/213X 重組，
213X 改為雙向運作，跟 13X 出入尖沙咀東，俾 13X 縮至中秀茂坪，
䁱麗後改行協和街、觀塘道，兩線均適量加強班次，再放 224X 全日兼入晴朗。

屆時再適量調整 1A 班次，似乎更易實行。

個人認為九巴沒誘因把 1A 拆成二條 1A + 1X, 原因有二
一是循環線達 42 個站 + 班次相當密, 會全日經過東九龍走廊[紅隧塞車段], 用車量非常巨大
二是除尖沙咀外, 因可選擇 13X/213X, 其他路段有替代選擇, 點對點客量有機會比 1A 差得多
最後 1X 繁忙時段不適合經九龍灣商貿區, 太慢了

另外 13X/213X 請解決全日停曲街問題, 目前非所有班次都不停曲街站, 其實本人覺得呢二條合做一條是個陷阱比人踩, eg: 來回經寶達總站, 不似其他線可停/直飛秀暉樓, 最後票價問題咁整 213X 安泰開之後去到寶達就要轉分段, 不可再全段收 $8.5
分開 Y 型行法[振華道本線, 官塘道下行線], 派車不足班次備受考驗

1. 213X/13X/1X/28 全部都係相對密車既循環線  
只要麼地道一帶有乜冬瓜豆腐 你叫下游/回程班客點等車??
2a. 224X拉去德福 意義不明
睇唔出有乜必要做埋德福..(仲要搶5M客??)
2b. 224x明明本身就繁時特班飛曲街 你就整個全日飛曲街 新玩法??
3. 28縮短會有地區反對聲音(不重複)
4. 1x走程走線不俗 但睇唔明回程咁樣停站想做d乜
停完啟禮道就停九龍灣運動場 玩一個路過啟麗不停既概念?
5. 213x回程大減價(俾開7.5/9.9變成5.8) 真係嚇死人