75R 紅磡站 - 大美督

講白一點，就係人唔嘈狗都吠
樓主有冇考慮過寵物困係車廂入面一兩個鐘的那份不安感？我諗捱到去目的地隻狗都已經乜精力都冇晒。
再者香港的寵物公園就算不多，但未駛要咁樣長途拔涉入去放狗罷？好簡單，你架車行經九龍城下路，我晌九碼附近，點解唔用狗旅行袋載隻狗坐渡輪過北角碼頭的狗公園？講時間同舒適度應該會好過坐 75R 入大埔。
上面有位師兄講得好，一般搭客要坐兩個鐘巴士入去放狗，人都唔會舒服得去邊。

大家都將焦點放在市區入大美督, 其實有幾多會搭全程, 大家都冇問過, 就直接踩左先......

回11#, 市區的所謂狗公園, 隻狗跑幾步已經撞埋牆, 如果市面上的寵物公園足以應付主人慾望, 點解彭福公園會有咁多人揸車入去放狗呢?

講白一點, 你係人, 你都想自己住的地方大一點, 住舒服一點...... 北角狗公園可以同彭福 大埔滘比, 簡直笑壞人!

大埔都有屋苑准許養狗, 本建議路線入到大埔兜去大埔中心, 無非就係為左大埔狗主, 帶同愛犬去鄰近的大美督/水壩玩樂, 唔係嘅點解要兜大埔墟, 直接用南運路上仲直接.

頭十個回覆一直將焦點放在市區去大美督, 每次回覆講彭福公園 大埔滘就冇人理, 跟住就話搭兩個鐘, 又話兜.

如果話兜金山係兜, 呢個我會認同, 因為我掛住寵物線旗號走左去金山.

所以俾我修改的話, 我只會cut去金山一段, 而cut得金山又可以cut埋黃大仙, 新蒲崗後飛去九龍灣站, 啟業邨後上大老山, 小瀝源路 火炭路去沙田馬場原線.

如果仲係覺得兜, 咁真係冇辦法, 市區段全cut算, 寵物路線真係唔值得做, 因為冇可能整點對點路線, 只係俾寵物主人用, 唔加其他元素, 客量一定唔夠.

條路線唔夠長, 收唔得貴, 巴士公司亦未必認為值得做.

純粹連住一堆住宅同幾個狗公園 狗商場, 做到好似醫院線的話, 只會同區內線冇分別, 到時整d類8H出黎, 唔止隻狗感覺唔好, 仲連累埋一般乘客.

理解樓主的好意，就是覺得用一條超長流水來一次過滿足所有願望有點不恰當
我相信那些寵物主人們其實更願意帶寵物到就近的公園玩
而且都會比較介意寵物的表現是否會影響其他乘客
所以都係嗰句，節假日在部分路線實行“寵物班次”已經足夠應付
例如樓主上面提到的大埔中心去大美督，用75K
大埔滘和彭福，用74A（兜入馬場）

EX-TL 發表於 2017-10-31 09:40
大家都將焦點放在市區入大美督, 其實有幾多會搭全程, 大家都冇問過, 就直接踩左先......

回11#, 市區的所 ...

其實我覺得最兜路嘅係兜淘大嗰段... 而最應該保留嘅反而係大埔道...

反建議放棄黃大仙，改為途經九龍塘豪宅區
觀塘碼頭開，經牛頭角站、九龍灣站、九龍城、土瓜灣、紅磡、紅磡繞道、公主道、窩打老道、歌和老街、大埔道、沙田市中心、大埔公路、馬場(只限非馬場日)、大埔公路、大埔中心、汀角路
https://goo.gl/maps/PESo5Py7jzH2

其實我呢個建議唯一一個問題就係S字形走線... 但係假日其實公主道都唔會點塞車，我諗唔會慢得去邊，或者可以減少停站嚟加快車程

收費方面，可以增加往觀塘碼頭嘅分段，吸引乘客帶同寵物前往觀塘碼頭寵物公園，同埋加設觀塘↔土瓜灣、觀塘↔大埔道同沙田↔大美督嘅短途分段收費，做埋流水客

如果我有寵物，除非約一大堆朋友帶寵物見面，否則我唔會離開本區。
仲有帶得佢遠行，佢大可能煩躁。
帶得大狗去得彭福公園之類，我相信大家寧願駕車都唔會揀坐巴士。
單講私家車油錢比起車費，唔計寵物使唔使收費，根本唔化算。兩個人帶一隻寵物出街就無需要搭你。
更何況兜到喊。
條路線係用嚟帶寵物行街定係帶寵物們上車識朋友？要好好諗清楚。

你會預期有人用 23.5 加寵物價去坐一段仔路？咪玩啦
再者北角狗公園好失禮狗主同啲狗？
放狗就一定要去彭福大埔由佢跑先至算數？
上面有人都回覆了
放狗一來都係以居所附近為優先
再者係放狗最大目的係俾狗隻同其他狗隻有交際的機會，同人一樣，所以去遠定近唔係狗主最重要的考慮因素。
如果巴士公司的考慮點係希望人狗共融，方便主人使用公交和寵物出行，其實放寬幾條短途/流水路線，容許狗隻使用口罩、限使用下層、使用合適的輔助設施，甚至改置少量巴士的下層空間位置以安置狗隻便可成事，無須整條古怪走線的路線出嚟。

cky 發表於 2017-11-1 00:11
你會預期有人用 23.5 加寵物價去坐一段仔路？咪玩啦
再者北角狗公園好失禮狗主同啲狗？
放狗就一定要去彭福 ...

我反而覺得，可以在試行“寵物上車”的路線額外加派單層巴士行走（加班車）
並且將那20幾部現在用作學神的AVC嘔一部分返出來用