九巴保留退役巴士後,若果出現需要更換零件問題

啲古董巴士,好似大水牛,3N等等,都係好耐歷史產物,如果出現需要更換零件問題,已經冇地方再產呢類古董巴士既零件,咁九記點樣有零件可以更換?
定係九記本身有留低已退役相關既巴士零件?

有無留零件我就唔知﹐但係有心搵﹐實搵到零件的。

例如曾經因為舊式車呔無法在香港買到(大廠已經停產)﹐而泰國仲有廠製造﹐於是向泰國入手。

英國仲有同類車零件供應﹐只係搵的難度提升﹐但並非完全無提供的。

真係搵唔到﹐咪用自己方法去「訂製」「複製」囉。
而且﹐3D打印科技亦提高及普及﹐已經有外國車廠用3D打印技術﹐為老爺車提供全新製造的零件。

kei_hk 發表於 2017-11-10 15:25
有無留零件我就唔知﹐但係有心搵﹐實搵到零件的。

例如曾經因為舊式車呔無法在香港買到(大廠已經停產)﹐而 ...

現階段3D打印，頂多做到唔需要太高強度嘅車身、飾面等。low-tech技術唔難做到
需要耐熱耐磨高強度嘅驅動配件，據知暫時未有打印物料做到

數控機床的技術比
立體打印更加成熟

所生產成品也耐
高溫高壓,問題係
值得用如斯成本嗎?

kitarolo 發表於 2017-11-10 17:48
數控機床的技術比
立體打印更加成熟

之前睇過片，見量產引擎構件都係車床車出黎
係咪就係你所講嘅數碼機床？

s3n370 發表於 2017-11-10 15:46
現階段3D打印，頂多做到唔需要太高強度嘅車身、飾面等。low-tech技術唔難做到
需要耐熱耐磨高強度嘅驅動 ...

3D 打印係其中一個方法﹐可以做到你所講的一些唔需要太受力的零件。
亦可以幫忙做到模件﹐再去進行另一生產工序。

3D打印尚算係新方法新科技﹐未可以大量應用﹐但日後發展將會令這個技術可以普及使用﹐用於更多地環節。


而另一位所講的車床﹐就可以做到要受力的金屬零件。
數位車床﹐應該就係輸入電腦數據﹐部車床會自動由成舊原料﹐慢慢「車」到去所需的形狀。


有心要保留舊車﹐又想keep到部車狀態良好﹐自然會有不同方法去面對舊零件供應。
當中包括海外買2手件﹐自己搵人打造﹐甚至自己人手製作等等。
就係我上面所講﹐ "用自己方法去「訂製」「複製」"

kitarolo 發表於 2017-11-10 17:48
數控機床的技術比
立體打印更加成熟

當有人(公司)真係好有決心去找代替零件﹐又無法用其他方法 製作到/購買 代替零件﹐自然會作出考慮﹐到時錢唔係太大問題了。