港鐵應採取新措施抑制跳軌？

近年跌軌風氣日漸上升，越來越多自殺者選擇用入侵軌道了結自己生命。
港鐵其實係唔係要學外國，向自殺者家屬追究責任同收取賠償，阻止跳軌自殺發生？

綜合其他討論區及FB等
民間意見,關於幕門落成
已經有人反問,係唔係可以
全線停運數月,甚至一兩年。
除不切實際外,港鐵「故意」
訂購不同門位的新列車,以及
新車付運、存放位置不再覆述。

事實歸事實,同一理由
用得太多就一定俾人諗到
反駁理由,或者不願再硬食,
所以就有意見要阻嚇。

由於東鐵有一定獨市性
主要是邊境車站及沿線
常規巴士服務有限,後者常
被指唔值得為咗「偶發」嘅
鐵路事故而浪費資源,票價應
不是考慮因素,停運時間長的話
有錢連的士/網約車都未必有,另
有啲人認為巴士有位坐機會高於
港鐵、轉車次數較少……

有少少新意嘅會係
「有咗幕門只會去其他
地點自殺」無可否認港鐵
亦係受害者,既然亦有盲撐
人士話俾少少錢就想做大帝,
我可以咁講0066票價收益佔
收入並不高的,受害係前線職員。
再者類似事故亦難造成設備損壞
(一旦以民事索償總比對員工心理
壓力等易於量化)

90年代曾發生被其他人
故意推落路軌等慘劇,用
人性化角度去諗,進入路軌
有可能係故意自殺,亦可能
係突然暈到,如果一刀切以
巨額索償,又想唔想見到香港
成為無需舉證就可定民責之地?

再而死者無親無故
又如何阻嚇? 就算有
親屬,香港鮮有家屬有
償債責任(不計自願)的
例子,再而迫上絕路又會
引發連環慘劇?

長篇大論後,好想知
其他城市係點樣實施
(有聞只係宣傳,真的實施
時面對的壓力並不低)我就
諗過以電視廣告,甚至月台設
血腥的展示版,以「累己累人」
等手法阻嚇,但反對者亦不少。

kitarolo 發表於 2018-1-24 05:59
綜合其他討論區及FB等
民間意見,關於幕門落成
已經有人反問,係唔係可以

又例如揾最近果單交通事故作為例子，相信果位司機世估唔到玩到柴斜冇左一段仔都足以玩殘筲箕灣阿公岩一帶既交通：
https://www.youtube.com/watch?v=c9oglqLJM20

但果位司機唔覺有聲氣被控不小心駕駛，危險駕駛之類既刑事罪行。

同埋事主自己賠唔起錢係咪有理由由佢個家庭既下一代繼續埋單等等都係值得深思既問題。

kitarolo 發表於 2018-1-24 05:59
綜合其他討論區及FB等
民間意見,關於幕門落成
已經有人反問,係唔係可以

如果站規唔比 post link 既話，我唯有 copy 翻自己專頁篇文出黎比大家參考下日本有咩方法去防止鐵路自殺事件：


——————————————————————————
人身事故防止策

根據日本國土交通省的調查，在2007年造成大都市圈鐵道系統延誤30～60分的首要因素是自殺，每次平均造成 8900 萬円損失。

「人身事故」這個用語形容列車與人體接觸、造成傷亡的各種事故，車站、路軌或平交道等各地點發生的此類事故都被稱為「人身事故」。當中例子有醉酒、視障人士不小心掉落路軌；腦退化人士、匆忙的人強行闖越平交道、橫過沒平交道的路軌；衝門導致被車門夾住拖行；自殺或不明原因等等事故。傷殘人士、故障車輛滯留平交道等事故則會被歸納為平交道事故。

每每發生人身事故都會令社會反思鐵道安全的問題。2001年新大久保站的悲劇發生後，各鐵路公司都開始加設月台緊急鈕；2011年目白站視障人士的意外就令社會震驚，國土交通省隨即促請各公司檢討安裝月台閘門的計劃。

有人認為安裝月台閘門等物理上防止掉落路軌的方法對應自殺問題是「治標不治本」，但是這樣始終對醉酒、視障人士來說是非常有用的。而且從心理角度看，月台閘門這樣的阻礙對於防止衝動性自殺等效用極大，而特地跨越閘門的例子也屬少數。

除了安裝月台閘門，在物理上防止乘客從月台掉落路軌外，安裝藍色照明也是一個有效防止自殺的方法。藍色照明通常安裝在月台端、平交道旁等位置。東京大學曾研究其效用，發現設置後自殺事故減少了八成。另外在事故記錄不光彩的新小岩站，部分月台頂蓋也採用藍色膠板營造同樣效果，而車站大堂電視也播放可愛動物的圖片，部分地方貼上「生命熱線」的鼓勵告示。

此外，以前飽受人身事故困擾的札幌地鐵在月台一直有設置大型鏡子，同樣是採取心理上的防止策。而近年 JR 西日本則將月台上的椅子坐向調整，不再面向路軌一方，避免醉酒人士直墮路軌。

為了防止人身事故發生，各界都力求達到治標治本的理想效果；月台閘門也好，藍色照明也好，只要能挽救多一人的性命，這種防止策也不應該被人説是「沒用」、「阻事」的。

參考資料：

鉄道輸送トラブルによる影響に関する調査結果の概要
－大都市圏の１時間未満の輸送トラブルについて－

http://www.mlit.go.jp/common/000047882.pdf
——————————————————————————

其實我覺得香港有幾樣簡單而低成本既措施可以做，例如藍燈（或用藍色膠板喺原有照明度營造同樣效果），貼可愛療癒風海報等等。

cyc_yin 發表於 2018-1-24 15:44
如果站規唔比 post link 既話，我唯有 copy 翻自己專頁篇文出黎比大家參考下日本有咩方法去防止鐵路自殺事 ...

我對藍燈概念有點興趣，你篇文係講日本，但在香港及華人文化，藍燈照明可能令人聯想到喪事或殮房。再者，東鐵多數月台都係露天，日頭照藍燈好似冇乜作用。

呢篇文有略為探討藍燈減低自殺或罪案率的原因，似乎係源於藍色照明「唔正常」或令人聯想到警察。但我見到藍色燈唔會聯想到警察，只會覺得好cold。

東鐵改門位可能係香港鐵路史上最戇居的一件事，無啦啦在重鐵系統引入第三套標準，從此以後東西／南北兩線車卡不能互通，降低將來在兩者之間增設連接線、交叉服務或緊急調度的靈活性。

DIH 發表於 2018-1-24 17:49
我對藍燈概念有點興趣，你篇文係講日本，但在香港及華人文化，藍燈照明可能令人聯想到喪事或殮房。再者， ...

日本既講法就係藍光令人平靜。日本既做法係藍光通常照住月台頭尾兩端附近，不過成日出事既新小岩站就度度都有。另外日頭就可以好似新小岩站頂蓋咁用藍色膠板，日光穿透就有同樣效果。可愛療癒海報應該係最簡單，可以即刻做既野，同埋月台播下輕鬆溫柔既背景音樂都得，唔洗太大聲。另外都可以考慮下調整座椅方向，月台牆壁加鏡。

新小岩站網上圖片

好似話新小岩試過有車過嗰陣搵人拉膠帶阻止人跳軌
一門一SA都玩過既龜鐵搵人拉帶都應該無乜難度

cyc_yin 發表於 2018-1-24 19:36
日本既講法就係藍光令人平靜。日本既做法係藍光通常照住月台頭尾兩端附近，不過成日出事既新小岩站就度度 ...

可惜東鐵在月台
與列車間隙嘅藍色
LED照上嚟係可以用
刺眼嚟形容,心情好嘅人
都睇到唔舒服啦。

kitarolo 發表於 2018-1-27 17:26
可惜東鐵在月台
與列車間隙嘅藍色
LED照上嚟係可以用

其實最初九鐵年代用藍色已經令人覺得奇怪，通常警告燈都係用橙、黃、紅呢類色黎引人注目。日本做法就係藍燈要由上照落黎，營造平靜既氣氛。