抗議運輸署過份偏坦專利巴士公司

JCMAN 發表於 2018-4-26 14:00
村巴有冇第三者保險呢？

如冇保險, 賠唔到呀！

用吓個腦諗野
村巴要向運吉申請架

miklcct 發表於 2018-4-28 12:18
唔該非專轉埋做雙層，一車載到100人以上先好諗，一日重用單層一日混吉只會繼續打壓。 ...

家陣係邊班狗官唔俾PSL細車轉大車

仲有, 旅行團用雙層運空氣呀, 又大把景點停車場入唔到

ccatvb 發表於 2018-4-28 13:00
家陣係邊班狗官唔俾PSL細車轉大車

仲有, 旅行團用雙層運空氣呀, 又大把景點停車場入唔到

睇嚟真係要學到城巴咁做邨巴先做得掂

tzuyu.taiwan 發表於 2018-4-25 19:21
有件事要搞清楚
啲人成日話好多巴士（專利／非專都好）喺條街度，搞到路面塞車嚴重
又或者主張減少巴士數目 ...

//係本港云云公交中，最能吸引私家車客轉投嘅，其實就係快靚正嘅邨巴//
呢個諗法其實好離地
。
。
。
(睇埋先)
。
。
。
不過事實就係咁
邨巴不嬲係中產至愛，元朗峻巒，東涌昇薈、東環嗰 d 咪成日嘈話要邨巴囉
峻巒就最犀利架喇，運吉唔批邨巴，就直接搵永東，整幾架紅 van 做邨巴，真係畀佢吹漲，可惜東涌唔好話紅 van，連綠 van 都未有，無呢支歌仔唱
明明邨巴都係巴士一架，到底有乜吸引力? 咪就係夠疊馬囉
搭旅遊巴返工或者來往該區市中心，成件事當堂 high class 晒

YY487 發表於 2018-4-28 13:02
點解村巴唔可以提供額外班次？
專利巴士提供額外班次會唔會俾運吉釘牌？ ...

專營巴士提供額外班次都算違反專營權，理論上可以作出懲罰，不過運吉會唔會咁做係另一回事，上次流傳過B1因為私自加班被運吉罰錢

Cap 230 #16 「由署長指明各項服務的班次和巴士的載運量及種類」：

(3)在符合第(3A)款的規定下，任何專營公司如認為情況需要，可按照根據第(1)款發出的指示，在該公司享有獨有權利經營公共巴士服務的任何指明路綫，增加服務班次。
(3A)為施行第(3)款——
      (a)除(b)段另有規定外，該專營公司在增加任何指明路綫的服務班次前，須給予署長不少於14天或署長允許的較短期間的書面通知；
      (b)凡因特殊情況，該專營公司沒有給予(a)段規定的通知而增加任何指明路綫的服務班次，該專營公司須在服務班次增加的日期後7天內，就該項增加和導致必須作出該項增加的情況，給予署長書面通知。

wingho_cwh 發表於 2018-4-28 16:47
//係本港云云公交中，最能吸引私家車客轉投嘅，其實就係快靚正嘅邨巴//
呢個諗法其實好離地
。

東環最近都批左邨巴 NR05 去富東街，行返去東涌站有段距離

至於搭旅遊巴返工或者來往該區市中心會 high class 晒 ? 若果係錦繡、加州、陽明山莊 2+2 大巴就係既，但現實大部份係 2+2 Coaster / Rosa，坐滿人又窄又逼，係好辛苦

講番屯門堆邨巴，回程大部份都先停屯市，再向南走 (安友、龍門、碼頭) 或向北走 (紅橋、大興、良田)，
其實根本一直都係違規，撥亂反正係理所當然，其他區例如城巴 61R, 88R 都唔會停完沙一再遊走沙田其他小區喇，唔明點解屯門堆邨巴會有特權

支持城巴非專利, 陽光, 冠忠收番非法村巴.