在港鐵問題惡化情況下，政府應否棄鐵保巴

053h4 發表於 2018-8-9 17:46
地鐵係唔係環保? 其實考慮冷氣通風照明其實都未必真係咁環保
不過, 地鐵可以合理利用地下空間, 呢個係巴士 ...

巴士總站一樣係有通風/照明能耗，而且數量遠多於地鐵站。

地鐵站集中處理大量人流，同分散嘅巴士總站比邊個更有效率，已經係不言而喻。


就算唔計動力來源，我問過其他人，

「火車鋼輪」在鋼軌上滑行的磨擦系數很低。而「公路運輸」的磨擦系數都更高。

有能源專家做過評估，假設運送同樣貨物到同樣距離，

「鐵路運輸」嘅能耗指標大概係「公路運輸」嘅一半。


鐵路運輸比其他路面公交節能環保，呢個係鐵一般嘅事實。


仲有小巴/巴士每隔幾年就要換一堆橡膠輪胎，制造左幾多廢棄物?

小巴/巴士呢啲效率冇咁高嘅載客工具，要製造幾多架巴士出黎先至等於一列八卡鐵路列車?

唔好將製造巴士嘅能耗視而不見先得㗎。

053h4 發表於 2018-8-16 10:06
人唔係貨，所以要照明通風。

所以無你諗咁環保

你講緊嘅「照明/通風」係指邊方面先?


如果係指地鐵車站，

之前我已經答左你，小巴/巴士總站都會有呢啲能耗，

而地鐵車站每日集中處理大量人流，效率遠比分散各地嘅巴士總站高。


如果係指地下隧道，

依家嘅鐵路列車近乎係全自動控制，所以基本上隧道唔會開燈，

你搭地鐵都見唔到出面有燈LA。

至於通風方面，能耗冇你諗到咁大，

列車行緊嗰陣時已具「活塞效應」推動空氣流動，而通風大樓唔一定採用「機械通風」，

地底温度本身就低於地表，利用自然熱壓方式都可以通風(例如通風井)。

就算係採用「機械通風」，對比成個鐵路系統嘅能耗佔比實在太低喇，

咁都可以作為地鐵系統耗能嘅理由，實在係牽強都冇人有。


你真係信一架12.8米巴士可以載到140人?鐵路一卡列車剩係載到300人?

就算以官方資料作準，

鐵路列車係以「4人/平方米」計算，而巴士係以「6人/平方米」計算。

以千九做例子，官方資料顯示一卡列車載客量已經超過400人，

而12.8米巴士載客量頂多只有151人，差唔多要三架長陣巴士先至等於一卡千九。

053h4 發表於 2018-8-16 20:05
你試比較九巴油費(要用升計), 同港鐵用電度度數

我之前網上睇過研究, 巴士人均能源消耗量唔係高過地鐵好 ...

你咪一直重覆你嗰啲有失公允嘅講法好冇?


你話鐵路車站照明無可避免，唔通小巴/巴士總站就唔洗用燈咩?

仲有，一盞1000流明亮度嘅LED燈先得嗰13W，

就算計哂成個車站所用嘅燈，能耗又可以佔幾多百分比?


地鐵列車高速行駛時會產生「活塞效應」，形成壓力，

所以基本上只要有出風口，就算唔採用「機械通風」，隧道內嘅空氣都會基於氣壓問題而自動排出。

就算採用「機械通風」，都只係裝幾把大風扇，耗電量同數以噸計嘅列車比，根本微不足道。

你話之前睇過啲咩研究，話巴士人均能耗唔高得幾多，

不如攞出黎畀大家睇，睇下係啲咩人研究出黎而得出呢種講法。

我對呢種講法始終保持懷疑態度。

露天/街邊總站唔使照明

tcchoi 發表於 2018-8-18 04:16
露天/街邊總站唔使照明

全港有幾多露天總站，又有幾多室內總站?我敢講室內總站嘅數量一定遠超地鐵站。

仲有嗰位人兄講到地鐵系統咁唔環保，我想講地面上嘅斜路位一定多過地底，

睇下堆十幾噸重嘅巴士爬上爬落，白白浪費左幾多能量先再講嘢LA。

053h4 發表於 2018-8-18 21:56
其實地鐵有公布佢用左幾多電，重鐵系統用左15億度電。巴士用油量容後用巴士公司公開資料推算。 ...

係咪剩計香港鐵路先?港鐵唔剩止經營香港鐵路嗰喎。