高速鐡路巴士路綫W1 W3

Man@MFHK 發表於 2018-9-26 09:08
被認為最無聊最奇趣既W3反而最好客

W3定線其實想學290咁玩長途貴價流水線，起碼有兩水客：高鐵站-沙田/大埔＋沙埔水之間流水，搶東鐵客同彌補真空

但始終黎自由行既大陸客會住九龍/港島多，況且w3要轉車，可能有人揀一程過又平啲既81/271，同 w1又要比隧道費，w2又冇咁大競爭，w2應該盈利較好

其實巴士接駁高鐵站完全混吉嘅，應該直接於西九龍呢邊上落，但就比咗旅巴同機鐵接駁巴落客，最需要用嚟散客嘅小巴巴士，完全無指示邊度搭！其實就算用返電在柯士甸站位置上落，只要有清晰指示，問題都可以不大。

先講巴士站，應該有避雨設施吧，今時今日站位竟然無瓦遮頭！機場內巴士上落都有啦，仲要係多年前設計添。落車其實可以指示入柯士甸站，裡面有足夠指示去高鐵站，呢樣問題不大，最緊要指點到入去就得，好過客人於地面推住行李過對面西九站。

出站呢，就真係問題大，完全無指示或者有清晰指示點搭巴士，一出直去柯士甸站！而問題係成個柯士甸站無對應新增旅客，根本頂唔住。巴士小巴其實好簡單，指往柯士甸站，然後有些大型指示掛頂，指往上層巴士小巴站出口已經解決了。

其實未來人流必有增加趨勢，港鐵唔好發夢應食晒啲新增乘客，分流返俾其他交通部工具會幫到成件事。佢哋想應付十萬客？如果當年東西線預九卡行駛，應該仲可有充裕空間承受件事，但依家旅客越多，即與本地客爭空間，短視嘅規劃，好快又引發衝突了。

solomon 發表於 2018-9-26 18:55
其實巴士接駁高鐵站完全混吉嘅，應該直接於西九龍呢邊上落，但就比咗旅巴同機鐵接駁巴落客，最需要用嚟散客 ...

柯士甸站內劃個巴士候車區，整個巴士到站顯示屏，加個短上蓋駁去馬路邊巴士站，有巴士至行出去上車，咁就 perfect 池喇

syp 發表於 2018-9-26 19:13
柯士甸站內劃個巴士候車區，整個巴士到站顯示屏，加個短上蓋駁去馬路邊巴士站，有巴士至行出去上車，咁就 ...

嗰邊絕對有空間咁做，係睇港鐵公司有無心同其他人合作，如果有個候車區，嗰邊啲吉舖位其實潛力仲大，可惜到依家都睇唔到間公司有諗過，柯士甸呢個站點樣去配合通車呢件事囉。

053h4 發表於 2018-9-26 20:45
其實我懷疑港鐵內部大概只係預計高鐵每日人數只係現時人數1/4, 個票務銷售系統及安排，只係估計使用量的50 ...

睇返有報導話當年因爲私隱問題，所以票務上分開咗香港同內地兩套，結果今時今日連一地兩檢都做埋，提出兩套票務融合為時已晚，結果係內地訂票由內地公司專櫃處理，而依家出問題，根本就係內地訂票，香港排隊出票太耐，其他就係即場購即日票人較多，預售櫃位雖然多人，但因唔急而且櫃位少而已。對應方式其實就係鼓勵人利用售票機即場購票！咁即場購票同預售票加取票櫃位，可以空多十個位，嚟處理內地網上訂票嘅客。另外加設內地訂購取票機，咁已經幫到件事了，長遠嚟講，自動售票機應接受更多支付方式，我見部機其實購票可以好順利，好過排櫃位排餐懵！

至於交通接駁安排，其實跟返機場或碼頭口岸咁做，乜交通都獨立咁睇咁去做，係幫忙旅客去任何地點，而唔係當一個一般車站去做！咁已經好多了，港鐵就係太用自己位置去思考，就咁一個普通車站去管理，而唔係一個口岸，一個國際交通運輸站點去做，所以一切就變得好唔人性化，一個普通港鐵站嘅做法，就係推啲人上另一列車，或者話比人知，就近港鐵商場點去囉。連柯士甸站都無準備好，反映出佢哋個思考剩係諗通車，配套完全無諗過其他人同站或交通合作，依家人叫少過預期已經咁，大時大節都唔知點頂了。

下星期就是第一個「大時大節」，各位可先購備花生。

同機場全面的指示比較,高鐵站只係當一個地鐵站指示規劃,所以指示系統完全失敗